|
ينعتونا (بالكسالى) وينسبون ذهبية (السرعة) لأنفسهم!
|
كلام عجيب يا عرب ....
أبوبكر كاكي دا ما سوداني راسو عديل كيف يقدر يجيب كل مرة ذهبية وفي معظم الأوقات بتكون الذهبية الوحيدة وطواااالي بتنسبوها لأنفسكم وتقولوا العداء (السوداني) يهدي العرب الذهبية الوحيدة!
يا سلام يبدوا انكم فالحين في عدم الكسل في اطلاق النكات ويا ريت لو بتعبر عن واقع يعني مثلا مشتاقين نسمع عن اسامي (رياضيكم) الاساميهم ما عندها علاقة بيكم زي العداء القطري رودريقز والبحريني جيمس مش برضو يكون أحسن!
متأسفين نحن ما حا نقبل غير تقولو العداء (الكسلان) المنتمي للشعب الكسلان يهدي العرب (النشيطين) الذهبية الوحيدة!
أو بالعدم قولوا العداء السوداني يهدي (السودان) ذهبية سباق (السرعة) واخرصوا خالص.
|
|
|
|
|
|
|
|
|