عمدة المشجعين عضو مجلس الهلال .. أضحك ..

Quote: إنت عارف يا علي انا ما بعرف ادخل الوجوه المبتسمة دي وما بعرف اغير الصورة في البروفايل (ممكن تشرح لي وخلي العصبية بتاعتك عليك الله وما تقول الزول دا هلالابي خلي يكون جاهل طوالي)

تضغط على تحميل صوره المشار ليهو بالسهم
بتفتح معاك صفحة تحميل الصور بالمنتدى وهى كالاتى




تقوم تضغط على استعراض
على طول بيفتح معاك ملف الصور فى جهازك حسب ما انتا مرتبا
تقوم تضغط على الصوره الانتا عاوزا تكون فى بروفايلك وتضغط
على ايقونة فتح , تلقائيا رابط الصوره بيجى فى المستطيل الابيض
الفاضى بعد استعراض فى صفحة تحميل الصور فى المنتدى
وتقوم يا سيدى تضغط تحميل وتصبر شويه بيديك رابطين الرابط الاول
لو كنت عايز ترفق الصوره فى مشاركه فى بوست والتانى لو عاوز تختها
فى بروفايلك , اذا عاوز ترفقا كمشاركه تظلل الرابط وتخته طوالى فى
مكان الرد يعنى ما فى اضافة صوره وتعمل ارسال بتظهر الصوره فى مشاركتك
بالنسبه للبروفايل بتظلل الرابط وتمشى فى محل ملفك وتعمل تغيير صوره وتمسح
القديم وتخت الرابط الجديد وبتظهر صورتك فى بروفايلك

طبعا الوشوش معطله فى المنتدى
وانا شغال بى طريقه ساهله لى
عندك الوشوش الفى اسفل صفحة الرد كالاتى




تقوم تشوف الوش الانتا عاوز تضيفه لمشاركتك
وتضغط عليهو بالماوس باليمين بتفتح معاك نافزه
فى اخرها بتلقى كلمة خصائص تقوم تضغط على خصائص بتفتح ليك نافزه
فيها معلومات الصوره , بتلقى عنوان الصوره تظلله
وتعمل OK بتقفل النافزه تلقائيا وتجى فى محل الرد بتاعك بتعمل
اضافة صوره وتخت عنوان الصوره فى نافزة الاضافه وتعمل OK بينزل
الرابط تلقائى فى محل الرد , ونفس الطريقه دى لو عاوز تجيب صوره
او وشوش من بره المنتدى
ولو فى شئ صعب عندك الخاص

واتمنى انو يكون شرحى واضح .. لانو بينى وبينك انا ما بعرف اوصف