|
|
 خـــــــبـــراء .............. أجــــــــــانب
|
بلدنا دي طالما ما قادرين عليها وحالتها متاخرة وماشية لي وراء وكل يوم مشاكل منذ خروج ( الخبراء الاجانب ) الاستعمار الانجليزي بدت بالجنوب وما انتهت بدارفور بعد ما كنا الرواد في كل شيء ابتداء بالكورة ونهاية بالسياسة ( ياخي كفاية انو كنا بنصالح مصر مع السعودية )حاليا اصبحت مصالحتنا مع بعض تتم من دول لم تري النور الا في السبعينات والتسعينات واسسنا الاتحاد الافريقي وحاليا منتخبنا اصبح ملطشة لمنتخبات بنين وبنات ومافي زول كان بغترب بالعكس اليمنيين كانوا بجوا يغتربوا عندنا اليوم شبابنا نصهم برة البلد وكان كل شي عندنا بالنظام والمواعيد يعني ممكن تزبط ساعتك علي قطر حلفا حاليا لو اكدت حجزك علي سودانير وجيت في مواعيدك عادي ممكن يقولوا ليك والله الطيارة معطلة في بورتسودان من امبارح وما معروف تجي بتين . وكانت الخرطوم يطلق عليها باريس افريقيا وكان شارع الجمهورية يضاهي شارع الشانزليزية في باريس حاليا لايمكنك السير فيه مطمنئا في عز الظهر رغم قربه من القصر بشارعين
اما عن العلاج والمستشفيات كان اطباءنا مشهود لهم بالكفاءة وحاليا ممكن الزول يدخل المستشفي ماشي برجليه يطلع منها جنازة بخطاء طبي والمتسبب بالخطأ ممكن اسمه يكون الاول في كشف الترقيات الجايه
واما عن الاقتصاد فحدث ولا حرج كان الجنيه يساوي 3 دولار وكانت البلاد تصدر اكثر مما تستورد حاليا بلدنا يستورد الطماطم من الاردن والثوم من الصين والاحذية من سوريا والعصائر من السعودية !
بالنسبة للتعليم كانت جامعة الخرطوم واحدة من افضل الجامعات في العالم وكان خريجوها مرغوبين في العمل في كل مكان حاليا خلا تصنيف ال 1000 افضل جامعةفي العالم من اسم لاي من ال 30 جامعة سودانية بل شكك الانجليز في شهادة خريجي الطب السودانيين
الحـــل طالما ما قاديرين نمشي امورنا في بلدنا اقترح استجلاب خبراء اجانب في مجال الادارة والاقتصاد والصحة والتعليم والرياضة والزراعة والتعمير ونديهم مهلة عشر سنوات عشان يخططوا وينفذوا خطة عشرية يطلعونا بيها من الحال المائل ده
|
|
 
|
|
|
|
|
| العنوان |
الكاتب |
Date |
| خـــــــبـــراء .............. أجــــــــــانب | بكري عباس علي | 02-07-10, 05:39 PM |
 Re: خـــــــبـــراء .............. أجــــــــــانب | بكري عباس علي | 02-07-10, 06:10 PM |
| Re: خـــــــبـــراء .............. أجــــــــــانب | بكري عباس علي | 02-07-10, 09:36 PM |
| Re: خـــــــبـــراء .............. أجــــــــــانب | قرشـــو | 02-07-10, 09:46 PM |
| Re: خـــــــبـــراء .............. أجــــــــــانب | بكري عباس علي | 02-08-10, 09:10 PM |
| Re: خـــــــبـــراء .............. أجــــــــــانب | بكري عباس علي | 02-09-10, 12:33 PM |
| Re: خـــــــبـــراء .............. أجــــــــــانب | بكري عباس علي | 02-12-10, 06:58 PM |
| Re: خـــــــبـــراء .............. أجــــــــــانب | بكري عباس علي | 02-13-10, 08:46 PM |
| Re: خـــــــبـــراء .............. أجــــــــــانب | بكري عباس علي | 02-14-10, 09:10 PM |
| Re: خـــــــبـــراء .............. أجــــــــــانب | بكري عباس علي | 02-24-10, 08:42 AM |
| Re: خـــــــبـــراء .............. أجــــــــــانب | بكري عباس علي | 02-24-10, 06:24 PM |
| Re: خـــــــبـــراء .............. أجــــــــــانب | Kostawi | 02-24-10, 07:34 PM |
| Re: خـــــــبـــراء .............. أجــــــــــانب | بكري عباس علي | 02-25-10, 06:57 AM |
 Re: خـــــــبـــراء .............. أجــــــــــانب | بكري الصايغ | 02-24-10, 07:29 PM |
| Re: خـــــــبـــراء .............. أجــــــــــانب | بكري عباس علي | 02-24-10, 08:36 PM |
| Re: خـــــــبـــراء .............. أجــــــــــانب | بكري عباس علي | 02-26-10, 10:26 AM |
| Re: خـــــــبـــراء .............. أجــــــــــانب | بكري عباس علي | 02-26-10, 09:09 PM |
| Re: خـــــــبـــراء .............. أجــــــــــانب | بكري عباس علي | 03-03-10, 11:30 AM |
| Re: خـــــــبـــراء .............. أجــــــــــانب | بكري عباس علي | 03-04-10, 05:52 AM |
| Re: خـــــــبـــراء .............. أجــــــــــانب | بكري عباس علي | 03-08-10, 12:50 PM |
| Re: خـــــــبـــراء .............. أجــــــــــانب | بكري عباس علي | 03-29-10, 07:39 PM |
|
| |
بكري عباس علي
فيس بوك
تويتر
انستقرام
يوتيوب
بنتيريست