(ياسر عرمان)ليس اوباما السودان و(الحركه الشعبيه)ليست الحزب الديمقراطي المنشود!

Quote: عيسى, الكلام التحتو خط جيبتو من وين? هذا ما يروجه اعداء الحركة. ياسر انتخبه المكتب السياسى للحركة لكى يفوز بالانتخابات القادمة و لانه سيحصل على الجنوب و جزء كبير من الشمال و وفق برنامج سياسى انتخابى واضح و محدد للحركة. الحركة بتصرخ منذا عام 1983 ليل و نهار بان مشكلة السودان ليست فى من يحكمه بل فى كيفية حكمه و تجى تقول ان المبررات لان الرجل جعلى و نيلى و وسطى و مسلم و شمالى!!! انتو فى شنو و الناس فى شنو يا عالم? مشكلة الهامش ليست مع اهل الوسط او الشمال او الجعل او الدناقلة او الشوايقة- المشكلة هى مع الموسسة السياسية فى الخرطوم. طيب يا عيسى, انا زكريا دى لدى نظرة مختلفة شوية لهذه المشكلة. لولا إحتياج شريحات معينة فى الهامش للعروبة و الاسلام كهوية لها, لو ما سمعن بدولة اسمها مؤسسة الجلابة. هذه المؤسسة قائمة لانها تصدر صكوك العروبة و ترفع رايات الاسلام للمجموعات هامشية ما ممكن تعيش دون الاسلام و العروبة و بدونها لا تقوى هذه المؤسسة و لن يترددا فى ابادة اهل الجنوب لاننا نشكل خطورة على عقيدتكم و هوية العروبة لبعض منكم. شوفت كيف يا عيسى, الكلام بتاعى بيفهمه اى جنوبى و لكن فكرة السودان الجديد صعب على اهلنا لانهم بصراحة ما بيعرفو دى منو هو الجعلى و النيلى و الشايقى و لكن الهامش الشمالى الكان بيستخدم فى حروب معروف لديهم.