|
|
 كبــد العمـــــــر
|
ياحتة من كبدالعمر
في قسوة الأيام معاك...اديتك الفال والصبر
طوعت ليك المستحيل....خليتك انت المبتدى
والنهايات والخبر
ضيعت ليه المفردات خليتني في اخرالسطر
,,,,,,
ياسكة في سفر الحواس
يادمعة من تحت النعاس
قلمي الفتر....تعبت حروف الهم خلاص
منيت عيوني تشيل رجاك
وعشم وفاك مايكون يباس
ويتبدد الخوف والحذر
,,,,,,
وعدك وهم
قفل مساحات الفهم
واصبح سراب
لا مرة جاب غيمك مطر
لا اتوسدالفرح السحاب
وطول عمري ماحسيت وفاك
لا خاطري طاب
أناكنت ليك
سكةعبور وجواز سفر
,,,,,,
أسفي المعـــــــــاي
كل المعاني اتبدلت واخلاصي هان
وقسيت علي
وكمان علي شرف المكان
غشتني فيك لمحة حزن
ومسحة حنان
ماالغلطة ماإنك نسيت
الغلطة في الناس
والزمان!!!!!!!!!
|
|
 
|
|
|
|
رشا بابكر
فيس بوك
تويتر
انستقرام
يوتيوب
بنتيريست