عمر ادخل الحاج لام فى ورطة

نعم القلتو دى صاح يا جنى و قد حدث كل ما قلته بالفعل. و لكن اصحاب الطموحات الغير محدودة غالبا ما يكونوا اخر من يفيقو من غيبوبة احلامهم. لام ليس بالسياسى المحنك مثل على تميم فرتاك او رياك قاى او بونا ملوال. هولاء الثلاث يعرفون اللعبة السياسية عن ظهر قلب و لو اختار هولاء ان يسببوا ازمة فى الجنوب, فبإمكانهم فعل ذلك و لكنهم ليسوا بانتحارين و يعرفوا كيف يقاس الاحوال الجوية و يشمشونها قبل ان تتكون السحب. شوف مين الدهسو قطر نيالا فى اليومين الماضين? لام. فرتاك و قاى و بونا بجولوا فى الجنوب و بيحضروا مؤتمرات الصلح بين القبائل و يقعدو فى المقاعد الاولية الى جانب بشير و كير فى يامبيو و فرتاك بيصرخ فى الصحافة واصفا ياسر "جلابة, جلابة, جلابة, جلابة, اخير منو البشير." و البشير بيقول فى الجنوب ما عندو عوجة تب لو انفصل الجنوب. نفس الثلاثى, بونا, قاى, و فرتاك لموا بعض السلاطين الجنوب فى الخرطوم و جابو لك بشير علشان يقول "الدير الحرب عمرو ما ضاقو." انت شوفت لام فى هذه التجمعات? تركوا يمسح وساخة البشير و اصحابه الثلاث. شوفت كيف يا جنى. هولاء الثلاث قوميين جنوبين و اوعك تنخدع بحكاية انو تميم فرتاك مسلم لان المسلمين فى الجنوب هم القوميين الحقيقين و تجد فيهم من يكره الشمالين اكثر بحكم عرفتهم بالشمالين.
يا جماعة, عرمان دى ياهو فرصتنا الوحيدة لتوحيد السودان و هو القادر على وقف كارثة دارفور و لامركزة السودان بالطريقة الصحيحة.