قطر الخميس ( إهـــداء إلى داليا الكباشي ) .

يوم بالسلامـه تعـود تلقانـى يانـى أنـا
رجياك لا تقلـق لـو غبتـا تسعـه سنـه
انا لا غيرتنى ظروف لا ريدى صابو عنا
انا لا قلبى شالو سواك لا عنـك استغنـى
تلقانـى منتظـراك فـوق نـارو مستنـا
انا والله غير لقياك ماعنـدى تانـى منـى
كل ما يجينـى الليـل انـا ببكـى واتألـم
تلقانى سارحه معـاك وانـا بلقـاك بحلـم
مالك قلبى هواك وجـارى مجـرى الـدم
فيك تروح الروح وانا عنـدى زيـك كـم
طال الزمن بلحيل وانـا قاعـده مستنـاك
برجاك وما بندم وانا عمـرى كلـو فـداك
بس يوم تعود ارجوك لا تسيبنى تانى وراك
يا اقعد انت معاى يا إمـا سوقنـى معـاك
سألونى عنك يـوم عـن غيبتـك العـزال
قالولى فتا خلاص غبتـا وبعـادك طـال
زول من رحل خلاك لا جيـه لا مرسـال
وكتين نساك وفات خاتاهو ليه فـى البـال
قالولى انسى خـلاص زى ماهـو نسـاك
سهمك يكون مشغول بى واحده تانى سواك
ابتسمـى للأيـام تلقـى الزمـن ضحـاك
وخطابك انـت صفـوف وآلاف بتتمنـاك
رديت حياتى بقـت مقرونـة بـى إنسـان
رابطنا فت الشريان وساقينا ريـد وحنـان
بيهو بنعيش احباب فى روقـه وإطمئنـان
ويصبح مصيرنا الموت يوم ينزف الشريان
خلينى فى جـواك لا يبقـى بينـا عـزول
نوم أطمئن وارتاح واسمع خلاصة القـول
لا مال بغيرنـى لا إغـراء بينـا يحـول
انا لا بيملى عيني سواك لا تانى بعشق زول
فوت كلام الناس زى ما جاء خلـى يفـوت
واسمع حديثى عديل لا يجيبوا ليـك ملفـوت
ما ناسى عهدى معاك جوه الفؤاد منحـوت
أنا يوم ارتبط بسواك إن شاء الله قبلو اموت