|
الود طلع كضاب يا إنتي
|
الود طلع كضاب قالت مخاطبة صديقتها: كيف الجو بتاعك قالت ليها بحرقه: معكر كتاحه عديل كده ليه في شنو مش أمس مشيتي بيتهم وقابلتي أخواتو ما هو دا زاتو سبب الكتاحه والرياح الجنوبيه الغربية المحملة بالغبار كدي فهميني بالراحه في شنو حصل شنو أخواتو كشحوها ليك ضاحكا بحرقة ياريت كانت مقبولة طيب في شنو ما تكلميني خلاص حرقتي أعصابي شوفي الود طلع كضاب أتزوج كضاب كيف أرتبط بي إنسان كضاب كيف ؟ يا بت دا كلام شنو كضب عليك قال ليك شنو قال لي أسألي العنبه الراميه فوق بيتنا كل يوم قاديني بالأغنية دي. طيب وفيها شنو يعني فيها شنو قولي ما فيها شنو لمن مشيت لي بيتهم لا لقيت لا عنبه ولا سدره ولا تمر أبونا حتى بل شجرة نيم عتيقه يتنافس على ضلها غنم الحي وشبابه وكلب نصو في الضل ونصو في الشمس وذلك لموقعها الإستراتيجي بالقرب من شارع ظلط وميدان كوره ومدرسة بنات وجزارة وسوبر ماركت وبتاع تصليح لساتك وباربر شوب. أقول ليك حاجه إنتي والله براك بتفتشي ليك في سبب بس دا ما سبب وختى لو كان سبب ما مقنع عن إذنك وإنكشحت من قدام صاحبتها دون أن تكمل قزازة الفينو الكل الشابا عايزينو
|
|
|
|
|
|
|
العنوان |
الكاتب |
Date |
الود طلع كضاب يا إنتي | almulaomar | 01-20-10, 10:28 AM |
Re: الود طلع كضاب يا إنتي | سيف النصر محي الدين محمد أحمد | 01-20-10, 03:09 PM |
Re: الود طلع كضاب يا إنتي | Shams eldin Alsanosi | 01-20-10, 05:25 PM |
Re: الود طلع كضاب يا إنتي | ابو جهينة | 01-20-10, 05:32 PM |
Re: الود طلع كضاب يا إنتي | قرشـــو | 01-20-10, 05:41 PM |
Re: الود طلع كضاب يا إنتي | Rawia | 01-20-10, 06:28 PM |
Re: الود طلع كضاب يا إنتي | محمد سنى دفع الله | 01-21-10, 05:19 AM |
Re: الود طلع كضاب يا إنتي | المسافر | 01-21-10, 05:23 AM |
Re: الود طلع كضاب يا إنتي | almulaomar | 01-21-10, 10:11 AM |
Re: الود طلع كضاب يا إنتي | almulaomar | 01-21-10, 09:22 AM |
Re: الود طلع كضاب يا إنتي | almulaomar | 01-21-10, 11:44 AM |
Re: الود طلع كضاب يا إنتي | almulaomar | 01-21-10, 10:55 AM |
Re: الود طلع كضاب يا إنتي | almulaomar | 01-21-10, 08:46 AM |
Re: الود طلع كضاب يا إنتي | ندى عثمان حسن | 01-21-10, 09:02 AM |
Re: الود طلع كضاب يا إنتي | عفاف الصادق بابكر | 01-21-10, 09:10 AM |
Re: الود طلع كضاب يا إنتي | Amira Elsheikh | 01-21-10, 09:14 AM |
Re: الود طلع كضاب يا إنتي | Tabaldina | 01-21-10, 02:37 PM |
Re: الود طلع كضاب يا إنتي | munswor almophtah | 01-21-10, 11:41 PM |
Re: الود طلع كضاب يا إنتي | munswor almophtah | 01-21-10, 11:42 PM |
Re: الود طلع كضاب يا إنتي | almulaomar | 01-23-10, 07:10 AM |
Re: الود طلع كضاب يا إنتي | مرتضى احمد عبد القادر | 01-22-10, 00:31 AM |
|
|
|