لغير الاعضاء سودانيز اون لاين، ماذا تريد ان تقول لعمر البشير , مرشح المؤتمر الوطني

Quote: لك التحية أح انور باختصار كده نحن جماهير الشعب السوداني عانينا كتير من الاحزاب الطارحة نفسها دي ووجدنا حل مشكلة السودان في ثورة الانقاذ دي كدي بالله قول لي بصراحة الاحزاب دي قدمت شنو للسودان؟ جميع الاحزاب فشلت في ادارة دفة البلد ابان الديمقراطيات السابقة وكانت مصلحتهم كاحزاب زافراد فوق كل شيء يا زول الاحزاب دي كانت بتتصارع على وزارة التجارة اكتر من وزارة الدفاع ابو حريرة لامن وقف مع الشعب ، الصادق حل مجلس الوزراء ورجعو تاني بس بدون ابو حريرة نصير الشعب ابو حريرة لامن وقف مع الشعب ضد جشع التجار حتى حزبه الاتحادي تخلى عنه عشان التجار البدعموهو بالله فكونا ، نحن عايزين البشير لو بي انقلاب ولا انتخابات شوف بالله النمية والطرق والجسور والمدارس والجامعات ده كلو كوم والبترول العجزت تطلعوا كل الحكومات السابقة والمعارضة كانت بتقول ده كذب ونصب موش كده وبس وكمان قعدت تخرب وتهدد الشركات الشغالة فيهو وتفجر الانابيب بالله دي معارضة ولا مسخرة شفنا المعارضات في الدول التانية ، في الامور القومية والسيادية بتقيف مع الحومة عشان الشعب يحترمها المعارضة عايزة تستلم السلطة حتى ولو على جثث افراد الشعب وقعدت تحرض في قرنق زمان وهسع تؤجج لنيران الحرب في دارفور وتحرض المجتمع الدولي لمحاصرة السودان ، طيب شعب السودان ده ذنبو شنو؟ ما حكومة البشير دي قدامهم وقاليهم الراجل يجي يقلعها المعارضة يا اخوي هزيلة وما عندها موضوع عشان كده العالم طنشتها لامن خرجت في مسيرة الاتنين رسالتي لي البشير ، ما كنا عايزنك تنزل الكاب عشان تدوس الجماعة ديل في فاخورتهم بس مافي مشكلة نحن ح ندوسهم ليك عبر الصناديق بالمناسبة ده ما رأي براي ، ده راي كل الغلابة الفي السودان الانقاذ هي املنا في ان ينعم اولادنا بي بلد مستقر وتنمية ورفاهية والعشرين سنة دي اثبتت لينا انو الانقاذ كفيلة بتحقيق ذلك انا من المتابعين لي سودانييز وطلبت باسويرد من بكري كم مرة ارجو نشر هذه المشاركة كااااملة وانا مستعد للرد برسالة اخرى ولدي المزيد في حال التعقيب لك الشكر انور لاتاحة الفرصة وحبيت انزل المشاركة هنا مع اني عارفك من ناس المعارضة بس ان شاء الله تكون من المعارضة النضيفة الما اتلوثت اصبحت بوق كبير للعمالة اخوك: عبد اللطيف احمد محمد