أتعتذر للشعب التشادي أم ستنسف قضاياك يا حامد برقو.. يا بتاع العدالة والمساواه إنت !!؟

Quote: مراكز قوة شنو واستراتيجية شنو يا حامد.؟ ما زمان قلنا تشاد حاكمنها أقلية الزغاوة الـ 2% من جملة سكان تشاد ومستعينين بزغاوة سودانيين.. وبالتالي عادي مثلا حسن برقو يبقى عضو مكاتب المؤتمر الوطني في السودان وأبوبكر برقو يبقى عضو مكاتب الحركة الوطنية للإنقاذ في تشاد... ونجي نقول ليكم هنا في منبر الله أكبر دا البلد بلدكم والراكب خالكم تقولوا لالالا.... والله أنا شخصيا داير أعرف يا اخوي مراكز القوى الفي تشاد غير مليشيات الزغاوة الخارجين على ديبي بحسابتكم بتاع الزغاوة الداخلية دي.. إنت يا حامد خجلان منها مالك؟ ماتقول للناس ديل عدييل نحنا الزغاوة الكوبي ما بنرضى الزغاوة البديات بتاعين تشاد ديل ينهوا لينا نضالنا ويوقفوا طموحاتنا في حكم السودان.. Quote: رابعا: انا لست عضوا بحركة العدل و المساواة ما بتفرق معاي كتير معاها ولا ضدها... كل البعرفه انو تجي سيرة العدل والمساواه بتجي ناطي... وقبل كدا بقيت لي في حلقى وقلت لي خليل ابراهيم ود خالتك ومنو كدا ما عارف ودعمتك.. والعدل والمساواه أصلها بتاعين خليل وأخوانه (ما عارف سيف مساعد الحشره شنو) وبالتالي ما بالضرورة يكون عندك بطاقة عشان نعتبرك عضو فيها... غير كدا وكدا ياخوي انت قاعد تصرح باسمها وتهدد برضو باسمها.... هي العضوية دي كيفنها؟