|
يا حليل حراميةْ زمان
|
أظن أننا لن نتباكى فقط على أخلاق زمان وتعليم زمان والخدمة المدنية بتاعة زمان وغناء زمان وكورة زمان ورجال زمان وريدة زمان وجميع أشياء زمان، لكننا مجبرون لأن نقولها واضحة وبصوت عالي (يا حليل حرامية زمان) وعايدين عايدين يا حرامية زمان .. هم نعم كانوا حرامية لكنهم كان عندهم شيء من الأخلاق والإنسانية والقناعة.. كانوا لا يسرقون من أجل السرقة، بل نجد أن أغلبهم كان يسرق لأنه محتاج، وهذا ليس تبرير للسرقة بالتأكيد، لكن كانوا يسرقوا بطريقة معقولة وبدون طَيارةْ عين وقنوعين حتى في سرقاتهم، غنماية عزباء وحيدة تقبع في مكان قصي، حمل مدوعل، حمار مكادي، جوز ملايات، تلفزيون أبيض وأسود، بطارية عربية، ماكينة خياطة، توب نسائي، جلابية سكروتة لا بيضاء لا مكوية، غويشة ستها ناسياها داخل جك وأشياء من هذا القبيل، وكلها مسروقات بسيطة لا ينتفع الحرامي بعائدها أكتر من يومين تلاتة، بالإضافة إلى أنه يجازف بروحه في سبيل الحصول على تلك الأشياء وممكن بسهولة ياخد ليهو طلقة طايرة أو عكاز أو سكين ويروح فيها، وكمان الحرامية كانوا كرماء يصرفون بعضاً من هذا المال بسخاء على أسرهم وفي الأنادي وقعداتهم الخاصة، لذلك ناس المباحث كانوا بيقبضوا الحرامية من هذه الأماكن، كما كان حرامية زمان بيملكوا روح التضامن مع أبناء الشعب.. يحكى بإنوا في واحد حرامي دخل البيت فتش فوق تحت ما لقى حاجة يسرقها، في النهاية قام صحّى سيد البيت وطلب منو يمشي يسرق معاهو وقال ليهو المارقة أولى بيها إنت لأنك محتاج.. هسه حرامية الأيام دي بسووها؟ تانياً كانوا بيملكوا قدر من الحياء، الواحد يجيك بالليل وماشي على أمشاط أصابعيهو عشان ما يزعج ناس البيت.. شفتو الأدب والاحترام ده كيف؟ والواحد فيهم كان بيسرق الشي المعقول، مية ألف ميتين ألف وبالكتير مليون (دي كلها بالقديم)، تعالوا لحرامية الايام دي... حرامية في الأول دجالين بيتكلموا باسم الدين.. يدعون الناس بالبر وينسون أنفسهم.. يتعسفون في الحصول على مال الزكاة من المسلمين وغير المسلمين ويأكلونها في بطونهم.. بخلاء لا يعرفون شيء اسمه الصدقة.. الواحد تلقاهو سافي ليهو عشرين أو تلاتين مليار (بالجديد) ولو سألو شحاد مسكين يرد عليهو ب (الله يدينا ويديك).. يديك شنو يا اخ بعد كده؟.. إنت ما أديت نفسك بيدك وما انتظرت الله يديك من يدو.. حرامية بيسرقوا الضحى الأعلى وما بيجازفوا في سرقتهم.. الواحد ركّوا على توقيع صغير بس.. وتانياً عيونهم طايرة، الواحد بيسرق مال لو كان سنين عمرو قدر أردب السمسم ما يكملوا.. تبذير حتى في السرقة.. سرقة بالمليارات ومع كده بيدعوا الشفافية وبيتكلموا من منبر رسول الله صلى الله عليه وسلم عن الحلال والحرام والمندوب والمكروه.. يبكوا في المنابر وعند ذكر الصحابة أو مع مدائح ود سعد وأب شريعة، لكنهم بكّوا خلق الله وعدموهم الدرهم والدينار... تبكوا شنو يا حرامية يا دجالين يا ضلاليين؟ ولو سألت (يا جماعة فلان ده قريب ده كان مدرس ابتدائي، متين بقى ملياردير؟) فتجيك الإجابة المعلّبة (من يتقِ الله يجعلْ له مخرجاً ويرزقه من حيثُ لا يحتسبْ) فما تلقى غير تبتسم وفي نفسك شيءٌ من دهشة واستغراب.. وحرامية زمان الله يسامحهم لم يجدوا حظهم من التعليم الدراسي وأغلبهم كانوا ضحايا لمجتمع لا يرحم، لكن تعالوا شوفوا حرامية اليوم الله لا كسبهم، معظمهم حظي بالتعليم الجامعي وبعضهم يحملون درجة الدكتوراه وبعضهم بروفيسورات كمان، لكن الدكترة والبفسرة لم تمنعهم من أن يكونوا لصوصاً، لذلك نجد أن حراميتهم لا تسمى حرامية بالمعنى القديم للكلمة بل تسمى تجاوزاً و اعتداءاً على المال العام وغيرها من نعوت تدليع السرقة، ولا يساءل المتجاوِز أو المعتدي على المال العام، بل يرقى لمنصب أعلى يمكّنه من أن يتجاوز أكتر ويعمل السبعة وذمتها.. يعني ممكن يجي يوم من الأيام يتم فيه تأصيل مهنة الحرامية ويعترف بها وتخصص لها كليات جامعية لتدريس فنونها وأصولها، فتسأل أحدهم يا فلان ولدك بيدرس شنو؟ فيأتيك الرد: ولدي دخل كلية اللصوص الجميلة ومتخصص اختلاس بنوك، أو ممكن يقول متخصص خصخصة شركات أو تهرب ضريبي أو نهب أصول إسلامية، فلا تملك إلا أن تقول ليهو (إن شاء الله ربنا يوفقو)، ولا تستغربوا إذا سمعتو بأن فلان الفلاني حرامي أستاذ وآخر حرامي دكتور وثالث حرامي بروفيسور زي ما بنقول فريق طبيب ولواء مهندس وعميد حقوقي، وممكن نسمع في نشرة الأخبار بأن الحرامي دكتور تمساح الشريف والي ولاية الخرطوم افتتح المعرض الخامس للكتاب ببرج الفاتح وفعل كذلك وكذا، ويصبح الأمر عادي بالزبادي.. وممكن بكل سهولة نلقى شركات وأعمال تجارية تحمل أسماء ذات دلالات للهط المال العام على شاكلة مستشفى المختلس للنساء والتوليد، مجموعة مطاعم التمساح، أب كبلّــو مـول، مدينة الحرامي للإنتاج الإعلامي، مسجد شيخ الحرامية للصلاة السياحية، أكاديمية الدجال لفنون غسيل الأموال، ولا تستغربوا إن ظهر إعلان في التلفزيون عن مجموعة شركات مولانا لتجارة المخدرات والمفتّرات والحبة السوداء ..
|
|
|
|
|
|
|
العنوان |
الكاتب |
Date |
يا حليل حراميةْ زمان | Nasruddin Al Basheer | 01-13-10, 08:50 AM |
Re: يا حليل حراميةْ زمان | Nasruddin Al Basheer | 01-13-10, 08:55 AM |
Re: يا حليل حراميةْ زمان | الرفاعي عبدالعاطي حجر | 01-13-10, 09:38 AM |
Re: يا حليل حراميةْ زمان | Mahmoud Mustafa Mahmoud | 01-13-10, 10:03 AM |
Re: يا حليل حراميةْ زمان | Nasruddin Al Basheer | 01-13-10, 10:49 AM |
Re: يا حليل حراميةْ زمان | عبدالرحمن الحلاوي | 01-13-10, 10:19 AM |
Re: يا حليل حراميةْ زمان | عبدالرحمن الحلاوي | 01-14-10, 04:31 AM |
Re: يا حليل حراميةْ زمان | Nasruddin Al Basheer | 01-14-10, 05:23 AM |
Re: يا حليل حراميةْ زمان | Nasruddin Al Basheer | 01-14-10, 07:01 AM |
Re: يا حليل حراميةْ زمان | Nasruddin Al Basheer | 01-13-10, 10:31 AM |
Re: يا حليل حراميةْ زمان | عفاف الصادق بابكر | 01-13-10, 11:50 AM |
Re: يا حليل حراميةْ زمان | ابو مهند | 01-13-10, 02:17 PM |
Re: يا حليل حراميةْ زمان | عبدالكريم أحمد الامين | 01-13-10, 05:03 PM |
Re: يا حليل حراميةْ زمان | ALGARADABI | 01-14-10, 05:23 AM |
Re: يا حليل حراميةْ زمان | SHIBKA | 01-14-10, 07:24 AM |
Re: يا حليل حراميةْ زمان | عفاف ابوكشوه | 01-14-10, 07:56 AM |
Re: يا حليل حراميةْ زمان | ALGARADABI | 01-14-10, 08:12 AM |
Re: يا حليل حراميةْ زمان | Nasruddin Al Basheer | 01-15-10, 06:51 PM |
Re: يا حليل حراميةْ زمان | عبدالرحمن الحلاوي | 01-14-10, 08:12 AM |
Re: يا حليل حراميةْ زمان | Nasruddin Al Basheer | 01-16-10, 08:05 AM |
Re: يا حليل حراميةْ زمان | Alshafea Ibrahim | 01-14-10, 08:55 AM |
Re: يا حليل حراميةْ زمان | Nasruddin Al Basheer | 01-15-10, 06:59 PM |
Re: يا حليل حراميةْ زمان | عفاف ابوكشوه | 01-14-10, 09:00 AM |
Re: يا حليل حراميةْ زمان | Nasruddin Al Basheer | 01-15-10, 07:35 PM |
Re: يا حليل حراميةْ زمان | Nasruddin Al Basheer | 01-14-10, 01:48 PM |
Re: يا حليل حراميةْ زمان | Nasruddin Al Basheer | 01-14-10, 01:02 PM |
Re: يا حليل حراميةْ زمان | Nasruddin Al Basheer | 01-14-10, 12:31 PM |
Re: يا حليل حراميةْ زمان | Nasruddin Al Basheer | 01-14-10, 12:36 PM |
Re: يا حليل حراميةْ زمان | Nasruddin Al Basheer | 01-14-10, 12:13 PM |
Re: يا حليل حراميةْ زمان | Nasruddin Al Basheer | 01-14-10, 11:52 AM |
Re: يا حليل حراميةْ زمان | Nasruddin Al Basheer | 01-14-10, 09:01 AM |
Re: يا حليل حراميةْ زمان | عفاف ابوكشوه | 01-14-10, 09:53 AM |
Re: يا حليل حراميةْ زمان | ناصر احمد الامين | 01-14-10, 10:41 AM |
Re: يا حليل حراميةْ زمان | عفاف ابوكشوه | 01-14-10, 09:33 PM |
Re: يا حليل حراميةْ زمان | طارق ميرغني | 01-14-10, 10:17 PM |
Re: يا حليل حراميةْ زمان | عفاف ابوكشوه | 01-15-10, 07:05 AM |
Re: يا حليل حراميةْ زمان | طارق ميرغني | 01-15-10, 11:45 AM |
Re: يا حليل حراميةْ زمان | عفاف ابوكشوه | 01-15-10, 11:50 AM |
Re: يا حليل حراميةْ زمان | Nasruddin Al Basheer | 01-16-10, 08:55 AM |
Re: يا حليل حراميةْ زمان | Nasruddin Al Basheer | 01-16-10, 08:40 AM |
Re: يا حليل حراميةْ زمان | Nasruddin Al Basheer | 01-16-10, 08:16 AM |
Re: يا حليل حراميةْ زمان | عمر عبد الله فضل المولى | 01-15-10, 07:46 PM |
Re: يا حليل حراميةْ زمان | Nasruddin Al Basheer | 01-16-10, 08:59 AM |
Re: يا حليل حراميةْ زمان | عفاف ابوكشوه | 01-16-10, 11:20 AM |
Re: يا حليل حراميةْ زمان | Alshafea Ibrahim | 01-16-10, 12:03 PM |
Re: يا حليل حراميةْ زمان | Nasruddin Al Basheer | 01-17-10, 07:36 AM |
Re: يا حليل حراميةْ زمان | Nasruddin Al Basheer | 01-17-10, 07:45 AM |
|
|
|