والله ..قديتّونا نفس النغمة الزمان..!! .. تاااااااانى؟؟؟؟ .. إمام الجمعة..!! كثير من النخجى..مزيد من الإثارة..أنهار من الدموع..أكثر من الموية فى الماسورة وبالموتور كمان.... أكان..كلو خليناهو..من أين لك هذه الدموع بتلك الكمية..الناس ما لاقية تشرب.. يالحبيب!! وهاك ياالقشقيش....ولأول مرة أعلم السبب من وجود الشال!!!! .. أخوانكم المسلمين..فى الجنوب ماقدرين يصلّوا..!! مانعنّهم من الجوامع.. ديل ناس الحركة الشعبية!!؟؟ الجنوب يناديكم....وآآآآآآآآآآمعتصماه .. تانى؟؟نفس النغمة؟؟ وأخوانا المسلمين ديل كانوا وين لمّن خمخمتوا وما خليتوا حاجة..؟؟ ياخى طيب..على الأقل كان تقدم السبت!!وللا نحن ناس حارة وجوع بس!! بعدين الحركة الجايى تشتكى منها هسع دى..ما إسمها الشريك الشرعى فى الحكم!! وللا هم يشاركوكم المليارات ونحن نشارككم النواحات!! إنتو قايلين المليارات الأديتوها ليهم دى حاتخليكم (على الأقل) تنعموا بالمليارات الخميتوها ؟؟ كضباً ..كاضب!!وبدل حرب فى الجنوب ..جاتك فى رقبتك؟؟ وتسويها بإيدك تغلب أجاويدك....وعمرو لن يكون الثمن للإرضاء هو لقمة محمد أحمد..!! و....الله فى.. يمهل ولا يهمل وعشان تشيل حقك وحق غيرك زى ما الناس عملت، شيل ليك سلاح وأقيف ليهم فى الدرب...!! وطوالى ..أقل حاجة..مساعد للرئيس....مع كثير من المليارات....إنت وبطانتك..وتوووووش..جوه القصر!! .. قصةوالله و حكاية .. تصاحب..وتصرف..ومن مالى..وتدلع..ولمن يغلبك..تكورك..وداير الفزع..!! أها أنا المسكين ده القروشى قسمتوها بيناتكم وما خليتو لى أبوالنوم....أفزعك بى شنو....!!؟؟ .. .. أيوااااااااااااااااااااااااااااااا.. طيب ماتقوللى من زمان..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة