|
إنتو أولاد وردي ديل جادين ؟
|
ما حصل في حياتي سمعت فرقة وردي مبشتنة ومبهدلة كده إلا بعد دخلوها اولادو الإتنين ديل !! وردي زمان لو بدون بروفة ولملم ليهو اي خمسة او عشرة عازفين وطلع بيهم حفلة او تسجيل الشغل بيكون مظبوط وما فيهو اي مشكلة .. شاهدت تسجيلين في يومين مختلفين في مناسبتين مختلفتين للعملاق محمد وردي واحدة تسجيل حفل عيد الاضحى في قناة النيل الأزرق والتانية تسجيل القصر الجمهوري اعياد الاستقلال تلفزيون السودان .. عبد الوهاب طارح نفسو فيها المايسترو حق الفرقة قلنا والله جميييل والولد عندو طموح من زمان وبارع في التوزيع واحسن ليهو عشان يفكنا من صوتو الكعب ده ويتلفت لي موهبتو التوزيعية دي.. لكن والله ما شوفت ليهو ايييييي موهبة في شغلو مع ابوهو غير ما عولق التوزيع ما عمل شي .. انا ما بفهم في التوزيع الموسيقي لكن اجزم واحلف إنو عبد الوهاب اشارتو كانت في وادي وشغل الفرقة الموسيقية كان في وادي تاااااااني.. مرات تلقاهو بيأشر لي الناس الفوووق ديلك نظام حا تتوقع الساكس أو الجيتار حا يلعب صولا او كسرة فإذا بيك تسمع ليك كمنجات تحت هي الاشتغلت .. مرات يأشر للموسيقى عشان تخش في المقطوعة فاذا بي الكورس هو البدا يغني.. مرات يقبل على ابوهو عشان يقول ليهو خش ابوهو يكون قبل على الكورس عشان يشيلو ليهو .. ده كلللللللو كوم والموزع التاني داخل الفرقة عازف الاورغن مظفر اظنو كوووووم تاني.. شغال برااااهو برضو بيوزع يقبل على الكورس ويوقف العزف عشان يأشر ليهم واصلو واصلو .. يعزف بي يد ويأشر لي بتاع الساكس مرة إنو يشتغل.. ومرات يطلع الصولة برااااهو بدون لا إحم ولا دستور.. الأولاد ديل لو خلوهم كده حا يعولقو لينا غنا وردي ده بي الطريقة دي.. تسجيلين كفاية عليكم الله خلاص عرفناكم اولاد وردي وعرفناكم فنانين وعازفين ومزعين .. تراها جوليا الله يديها العافية مكتفية فقط بي الظهور في الكاميرا تبشر لي ابوها مرة وتتكلم مع جاراتا في الكراسي مرة وما حاولت تخش معاكم تمسك ليها كمنجة وده يحسب ليها.. اولاد وردي أطلعوا منها الله يرضى عليكم ..
تخريمة : ده كلللو كوم وفي إتنين تومات كده من ما وردي جا من منفاه مبارينو وده من حقهن فهن معجبات حافظات اغاني وردي لكن ما سر متابعة بتاعين كاميرات التصوير التلفزيونية ليهن ..والله لو بيصوروا الاوف سايد في الكور زي ما بيصوروا الاتنين ديل كان كل مشاكل التحكيم عندنا اتحلت واووووعكم تقولوا لي صدفة ..
|
|
|
|
|
|
|
العنوان |
الكاتب |
Date |
إنتو أولاد وردي ديل جادين ؟ | عمر الفاروق | 01-05-10, 10:18 AM |
Re: إنتو أولاد وردي ديل جادين ؟ | عثمان دغيس | 01-05-10, 11:12 AM |
Re: إنتو أولاد وردي ديل جادين ؟ | عمر الفاروق | 01-05-10, 11:16 AM |
Re: إنتو أولاد وردي ديل جادين ؟ | بكري اسماعيل | 01-05-10, 11:34 AM |
Re: إنتو أولاد وردي ديل جادين ؟ | ALZOLZATOO | 01-05-10, 12:17 PM |
Re: إنتو أولاد وردي ديل جادين ؟ | بكري عباس علي | 01-05-10, 01:48 PM |
Re: إنتو أولاد وردي ديل جادين ؟ | دينا خالد | 01-05-10, 02:38 PM |
Re: إنتو أولاد وردي ديل جادين ؟ | عمران حسن صالح | 01-05-10, 02:44 PM |
Re: إنتو أولاد وردي ديل جادين ؟ | Kostawi | 01-05-10, 07:11 PM |
Re: إنتو أولاد وردي ديل جادين ؟ | haider osman | 01-05-10, 07:39 PM |
Re: إنتو أولاد وردي ديل جادين ؟ | Zakaria Joseph | 01-05-10, 07:52 PM |
Re: إنتو أولاد وردي ديل جادين ؟ | سيف النصر محي الدين محمد أحمد | 01-05-10, 10:40 PM |
Re: إنتو أولاد وردي ديل جادين ؟ | عمر الفاروق | 01-06-10, 04:37 AM |
Re: إنتو أولاد وردي ديل جادين ؟ | Baha Elhadi | 01-06-10, 04:51 AM |
Re: إنتو أولاد وردي ديل جادين ؟ | الحاج حمد الحاج | 01-06-10, 06:14 AM |
Re: إنتو أولاد وردي ديل جادين ؟ | walid taha | 01-06-10, 07:27 AM |
Re: إنتو أولاد وردي ديل جادين ؟ | Tabaldina | 01-06-10, 07:51 AM |
Re: إنتو أولاد وردي ديل جادين ؟ | عبدالله كع | 01-06-10, 08:01 AM |
Re: إنتو أولاد وردي ديل جادين ؟ | شمائل النور | 01-06-10, 02:39 PM |
Re: إنتو أولاد وردي ديل جادين ؟ | بدري محمد بدري | 01-06-10, 03:38 PM |
Re: إنتو أولاد وردي ديل جادين ؟ | ناذر محمد الخليفة | 01-06-10, 04:25 PM |
Re: إنتو أولاد وردي ديل جادين ؟ | Zakaria Joseph | 01-07-10, 05:08 PM |
|
|
|