سؤال مشروع لعضوية الليبرالي بالمنبر؟

Quote: منو يا أيمن القال ليك إنو ناس الحزب اللبرالي ديل ما بتكلمو مع عادل و ثروت في كتاباتهم هنا ؟! هسي خليك من عادل و ثروت يا أيمن ، هل البوست ده مكتوب برعاية الحزب الشيوعي ؟! بالتأكيد لا ! الناس دي كلها هنا بتكتب بصفتها الشخصيه سوي تطابق أم لم يتطابق مع وجهة نظر أحزابها . تعرف يا أيمن البيعملو فيه منسوبي الأحزاب و الناس الشغاله سياسه عموما في هذا البورد يقف شاهدا علي إنو تركيبتنا الجينيه كشعب لا تمت للديمقراطيه بصله ! شتايم و كذب و بهتان و اتهامات للناس بالباطل فقط لإختلاف الرأي ، و ده - في تقديري - السبب الأساسي المخلي نظام زي الإنقاذ حاكم ليهو عشرين سنه و لسه عدادهم رامي ! لو اعتذرت لناس اللبرالي و واصلت معاهم في حوار كامل الدسم و خالي من الشتايم ، تكن أحسن الناس ، و إلا لا فرق - مبدئيا علي الأقل - بينك و بين من تنتقدهم في بوستك هذا .