اين يكمن الداء فى تدهور كرة القدم بالسودان .. دعوة للنقاش !

Quote: العم يوسف او الأخ الاقرب لي نفسك :) تحياتي ..ومحاولة للمشاركة من خلف الكواليس.. اولاً خليني اختلف معاك على العنوان تدهور الكرة السودانية وده لوحده سبب كافي عشان يخلينا نقول بدايتكم غلط لو غرضها التقويم !! الكرة السودانية الحالية متطورة اكتر من كورتكم زمان ودي الكذبة الاطلقوها ناس زمان وصدقوها وعايزين جيلنا يصدقها .. انا بعرف حاجة واااحدة هي لغة الارقام لي تدهور وتطور الكورة .. ومقياسنا وبكل صراحة هم الهلال والمريخ وحتى الفريق القومي ..نتائج الهلال والمريخ الحالية في تصاعد والمراحل البيصلوا ليها اسة دي والله من سنة 30 ما حصل فريق فيهم وصلها ولانجازات الاتحققت دي اتحققت في التمنينات والتسعينات والالفية الاسة ولسة حا نمشي لي قدام .. كلكم عايشين على ماضي بطولة يتيمة اسمها كاس افريقيا 70 وانتوا الفشلتو في انكم تشيلو كاس افريقيا لمن كنا تلاتة فرق بس ولمن كنا اربعة ولمن بقينا خمسة وحتى بطولة 70 دي ما هي المؤشر لي انو كورتنا كانت كويسة .. تاني حاجة اشاعة الجماهيرية وما ادراك ما نميري وانها سبب والله انا ما بظلمكم لكن الكورة البشوفا ليكم في التلفزيون حقت زمان دي مااا كورة جري ونطيط وكلها في الهوا غير صديق منزول ما شوفت لي زول ثبت الكورة ولعبها باص ..الاولاد الاسة دي لعابين ومهاراتهم حلوة برضو .. السلوك حق زمان ياهو سلوك اسة زااتو وعشان ما نغش بعض ونشبكا وطنية وكانوا بيلعبو مجان وبي الكبك والقصص المأساوية ديك فياخ المليم زمان بيساوي المليون اسة والعجلة زمان ياها المرسيدس اسة. كورتنا زمان متدهورة وكنا بنفوز على الفرق الافريقية لأنها كانت الاضعف مش لأننا كنا القوى .. بالله عليك ما هي انجازات كورتنا زمان عشان تقولوا اسة انها تدهورت ؟؟ عددها واحسبها لي وتعال نتحاسب ورقة وقلم. كورتنا بخير والاولاد الاسة ديل ماشين في طريق صحيح اكتر من ناس زمان وكفانا قصص ماضي وايام زمان ويا حليل جقدول وشواطين وكنا نتحارب في الميدان لكن برة الميدان اصحاب وما ادراك ما قصص الونسة التي اضرت بنا اكتر من نفعتنا.. تحياتي ولسة الكلام كتير بس معليش انا اشتر