السيدح يفشل في شق جمعية الصحفيين بالغربية !!! أموال ودعم وخيانة !!!

Quote: الهميم ود حجر ينصر دين و ربنا يقويك كمان و كمان ياخي عشان الواحد يكون كوز بيحتاج لكمية من الخصال البتحير اللبيب كيف تجتمع في شخص واحد و يكون محتفظ بشكله الخارجي البشبه البشر.. اخونا السيدح دا بتكيف ليهو في الله... دا محتفظ بصفات كيزانية اصبحت اثرية و زايد عليها من عنده و ماخد حاجة من اهل البلد المقيم فيها و الوافدين و عييييك المسألة ما عادت تحتاج دا كله يا سيدح ناسكم رأوا انه قد خضعت لهم الرقاب و قالوها صريحة انه كل زول عندنا سعره في الرخيص و في السمسار الحريف البغلي سعرة و اذا حدث و ابي قلما كسرناه و الفم نكممه ما يقول بغم اسع عليك الله يا السيدح انت متحكر علي (مائدة) عرضها سماوات السودان و ارضه تأكل مما لا يليك و تجيب سيرة الموائد لحجر،، اصله هو كان زول مآكل و مناقر مناقر مالك خزاين الوطن فوق ام كم؟؟... كدي شوف ليه مزمة تانية نقدر نبلعها حتي اذا ماصدقناها يعجبنا اجتهادك و احترامك لعقولنا.. يا سيدح انت زول علي باب السلطان و حجر موليه ظهرة،، فمن منكما هو من يذهب له الظن في التبضع بالمواقف؟؟؟... حتي اذا كنت صادق في مساندة السلطة فدي سلطة مآكل و مفاسد حين اختلافهم مع شيخهم الترابي قالوا ليهو كان تدينا خريف خريفيهم ناكل بترولنا دا... لمان مفاوضات مشاكس شكلها بقت ماشية علي حل ازمة الجنوب شاكسوا ناصحين اخوانهم قائلين، لبنت ما تدوها غثات الطير.. ياخي الفاضل اعضاء المنبر البشتغلوا في الضو نشاط زي حقك دا بنشروهوا هنا علي عينك يا تاجر فما منعك يا هداك الله؟؟...