|
|
 Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة (Re: SAIF MUstafa)
|
الأخ حسن
سلامات وشكرا على ردك
عليك الله عشان تفهم موقفى أقرأ مداخلتى دى بالراحة وسامحنى لو أسهبت فى الشرح
أولا
يلزمنى التوضيح أننى لم ولن أشكك فى الأهداف الأجتماعية لأى كيان..
ولكنى أعلم تماما مقدرة عناصر الأنقاذ على أختراق هذه المؤسسات والعمل على تحقيق أهدافهم..
ومنذ عرف العالم مكرهم يستخدمون الوسائل العاطفية لتحقيق ذلك..وفى مثل حال رابطتكم وسيلتهم هى ما أعتادوا عليه من عزف على وتر السودانية و الوطنية... وثبت فعالية هذه الدعوة فى أمريكا..
الدعوة دى هنا يجب أن تحارب لسببين
أولا سبب مؤسسى رسمى له علاقة بأمريكا نفسها وواجب القائمين على المؤسسات دى والتزامهم بأصول عمل المؤسسات الأمريكية أذا كان أصول قانونية أو ما تعارف عليه حسب المجال المحدد للمنظمة..
الجمعيات الخدمية فى أمريكا يجب أن نفهم أختلافها عن مفهوم النوادى الأجتماعية ولا الروابط بتاعة السودان. الجمعيات هنا شركات يحكمها كل ما يحكم الشركات الأمريكية الأخرى... وهى شركات أمريكية أولا وأخيرا. ولأستفادتها من وضع ضريبى محدد بتكون عمليا مستفيدة ماديا من أى أمريكى، وعلاقة الشركات الأمريكية بالتعامل مع عملاء الدول الأجنبية برضو معروف وبتحكمه القوانين المحددة بشأن البلد المحدد.. يعنى القصة ما مطلوقة ساكت..وبالتالى بيصبح الموضوع مضحك أذا كان فى سفير دولة مصنفة أرهابية و هو رمز الدولة دى وظيفتو بالنهار هى مهاجمة أمريكا ومؤسساتها ورموزها حتى، ويجى بالمساء يتبرع للمؤسسة الأمريكية المعنية دى مستفيدا من خدماتها.. ولا يمكن أيضا أن يدافع عن رموز الأرهاب ومجرمى الأنقاذ مشككا فى مواقف أمريكا اللى بينبنى عليها أمنها القومى ويذهب المساء للمؤسسة لأن هناك من سيعامله نفس معاملة أسر الضحايا والمظلومين ويستمتع بما أتيح لهم من خدمات بسبب ما وقع عليهم من ظلم هو نفسه يعمل على التستر عليه وأستمراره...
السبب الثانى هو سبب أخلاقى ودا بتحكمه برضو أصول العمل العام هنا، ولحد ما نسبى، ما تعارفتم عليه أنتم... لكن ما تعارفتم عليه دا لايجب أن يغلب على ما تعارف عليه الناس هنا.. وهنا معروف الشخصيات العامة وظائفها وحتى سلوكها الشخصى بحدد تعامل المؤسسات معاها... يعنى تبرع من زول زى دا ،بسبب رمزية وجوده، بيعتبر أهانة لكل ماهو أنسانى أو أمريكى يعنى شيك بعشر دولار منه ممكن يسقط الرئيس.. وأذا مشى أتكلم فى مدرسة أبتدائية القيامة ممكن تقوم...ورغم دا أنتو بتسهلو ليهو فرصة أنو يشارك فى فعاليتكم زيو وزى أهل المظلومين وأسرهم...ياخى أختشو من ربكم وأهلكم لأنو هنا هو المحتاج ليكم وما فى أى ضرورة لى هبابكم دا...
تفتكروا ليه نيويورك دى ذاتها رفضت تبرع الوليد بن طلال بعد أحداث سبتمبر.. ماهو تبرع أنسانى.. لكن برضو جاي من زول بيشارك الجنسية غالبية من تسببوا فيما حدث..
ودا بينطبق على أى زول شخصية عامه عندوا مواقف محددة..أو حتى سلوك شخصى بيعتبر ما أخلاقى أو ما بيتسق مع ما تعارف عليه بأنو أخلاقى، أذا كان تايقر وود ولا النائب العام بتاعكم السابق..
يعنى بالواضح كدة، وحسب البلد دى ،الدفاع عن نظام الخرطوم والتعاون معهم بعتبر رسميا جريمة وبيعتبر أخلاقيا ما مقبول...
الجريمة لها مؤسساتها وأهلها.. أما الأخلاقى فهو ما نحن بصدده...
وعليه:
أيوة نعم يجب عليكم عدم السماح لسفير النظام فى المشاركة كسفير فى فعالياتكم لأنه دا أندورسمنت لمن وما يمثله السفير من قتل وأغتصاب لأهلنا ومعاداة لبلدكم وبلد أطفالكم التى تعيشون فيها ومؤسساتها..
أخيرا أطالبكم بإرجاع كل التبرعات المالية والعينية اللى أستلمتوها من مندوب السودان الدائم وأسرته ...
برضو بعتذر عن أى خلل فى صياغة مداخلتى الأولى أدى للفهم بأنى بفتكر الرابطة نفسها عندها هدف غيرأهدافها المعلنة...
صيغة الجمع فى الأقتباس الوارد فى ردك مقصود بها الأخت إحسان والأخ عبد الرحي منصور وكل من كتب هنا بأسم رابطتكم أو بصورة شخصية ملمعا أو مدافعا عن سفير الأنقاذ..لأنو هنا دى ذاتها بورد بتاع شركة أمريكية..
لا علم لى بمواقفك الشخصية ولكن هجومى عليك سيكون فى حدود هجومى على الرابطة كمؤسسة .. وسنهاجم الجميع أفراد أو مؤسسات أوأحزاب فى حالة الحيلولة بينا وبين الكيزان لأن صراعنا معهم غير مرهون بحسابات سياسة السودان الذى تركناه لهم بما فيه ولن نسمح لهم هنا بما لم يسمحوا به لنا ولأهلنا هناك...
و يا عجبى من أمثالكم الذين يقدمون لهم خدمات لوبى أجتماعية مجانية ويدفعون الملايين لغيركم من محترفى الفساد نظير الخدمات الشبيهة..
أخيرآ ياحسن يا أخوى نحن طلبنا من أى زول ما بيدعم الناس ديل بسيط جدا وهو أنو أنو ما يقيف بينا وبينهم وهم بيعرفونا ونحن بنعرفهم وخلوهم هم يجو يناقشونا لأنو لو حصل غير كدا، بصراحة، نحنا ما عندنا قشة مرة وأمريكا دى رغم وساعها دا بنضيقها عليهم... فدحين أنت لو ما عندك علاقة بالحاصل دا إلا كعضو لجنة فأنا وضحت ليك وللى مثلك كل ما يهمكم فى المداخلة دى ومستعد أشرح ليك كل ماخفى عليكم فى مثل هذه الأمور لأنو أصلا نحن ما عندنا غرض شخصى مع أى زول وأهدافنا عامة وواضحة ونسال الله أنو يبعدنا من أخذ الناس بالشبهات أو جريرة من شذ..
لكم ودى
سيف مصطفى
|
|
 
|
|
|
|
|
| العنوان |
الكاتب |
Date |
| جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | إحسان عبدالمتعال أحمد | 12-17-09, 06:27 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | jini | 12-17-09, 06:42 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | محمد عبد القادر | 12-17-09, 06:46 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | إحسان عبدالمتعال أحمد | 12-17-09, 06:42 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | isam elzein | 12-17-09, 06:44 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | حيدر حسن ميرغني | 12-17-09, 06:57 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | jini | 12-17-09, 07:03 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | Bashasha | 12-17-09, 07:10 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | عبدالكريم الامين احمد | 12-17-09, 07:13 PM |
 Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | الشفيع وراق عبد الرحمن | 12-17-09, 07:09 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | Bashasha | 12-17-09, 07:17 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | Ahmed musa | 12-17-09, 07:43 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | ود الباوقة | 12-17-09, 07:44 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | Mustafa Mahmoud | 12-17-09, 07:53 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | Deng | 12-17-09, 08:07 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | فيصل محمد خليل | 12-17-09, 08:13 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | وليد محمد المبارك | 12-17-09, 08:16 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | Bashasha | 12-17-09, 08:20 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | عبداللطيف خليل محمد على | 12-17-09, 08:15 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | Deng | 12-17-09, 08:21 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | Kostawi | 12-17-09, 08:27 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | jini | 12-17-09, 10:24 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | JAD | 12-17-09, 11:01 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | JAD | 12-17-09, 11:06 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | Nagi Ahmed | 12-17-09, 11:24 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | عبد المنعم شيخ ادريس | 12-17-09, 11:22 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | عبدالعزيز الفاضلابى | 12-18-09, 10:06 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | jini | 12-18-09, 10:51 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | عبدالعزيز الفاضلابى | 12-18-09, 11:36 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | jini | 12-18-09, 11:54 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | jini | 12-19-09, 00:13 AM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | عبدالعزيز الفاضلابى | 12-19-09, 00:17 AM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | عبدالعزيز الفاضلابى | 12-19-09, 00:22 AM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | jini | 12-19-09, 00:30 AM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | SAIF MUstafa | 12-19-09, 06:35 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | jini | 12-19-09, 06:53 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | عبدالعزيز الفاضلابى | 12-19-09, 07:46 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | أسامة خلف الله مصطفى | 12-19-09, 10:01 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | Wasil Ali | 12-19-09, 10:53 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | أسامة خلف الله مصطفى | 12-20-09, 00:55 AM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | SAIF MUstafa | 12-20-09, 03:43 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | حسن حماد محمد | 12-20-09, 02:02 AM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | معتصم احمد صالح | 12-20-09, 04:37 AM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | Mohamed Yassin Khalifa | 12-20-09, 01:38 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | SAIF MUstafa | 12-20-09, 03:47 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | SAIF MUstafa | 12-20-09, 03:53 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | ABDALLAH ABDALLAH | 12-20-09, 05:31 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | علاء الدين يوسف علي محمد | 12-20-09, 06:40 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | حيدر حسن ميرغني | 12-20-09, 07:14 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | بشير أحمد | 12-20-09, 07:36 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | عبدالعزيز الفاضلابى | 12-20-09, 08:56 PM |
| Re: جائزة امميه ودولية تمنح للدكتور عبد المحمود عبد الحليم مندوب السودان لدي الامم المتحدة | أسامة خلف الله مصطفى | 12-20-09, 10:03 PM |
|
| |
SAIF MUstafa
فيس بوك
تويتر
انستقرام
يوتيوب
بنتيريست