|
|
 Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن (Re: ghariba)
|
مطر الشوارع
*-*-*-*-*-*-*-*-*
هبَت نسَام جيتك .. ضوَا لحظاتو البكان
زين اركانو الزمان
فرهد الشوق المضارع
البلد بقت الشوارع
دافرة من كل المواقع
زى مطور هتكت سماها وسيَلت ملت المزارع
لهفة الزول الَجا راجع
من نخيجو تقول مودع
الفرح فى أعين الصابرين دموعو
الهتافات التندد بى عوارضو والتأكد لى رجوعو
والتبدد خوفو .. جوعو
والتجدد بخَة الدم فى عروقو .. وبين ضلوعو
تطرد الهم من جموعو .. من خطابن
لافتات اعلام بشابن
موكب العرسان شموعو .. الأصابع البى ترابن
الأكف الدم خضابن
لا فتات اعلام تهبهب زي صفق
الاناشيد .. يشتهنك فى سبق
المنديل التلوَح والطَرح
البنفسج والبراسيم التراقص فى مرح
العصافير الملونة فى مرايات الفضا المتكابى تالاك قوس قزح
استحمَت غيمة فى بحر الأفق
كان دعاش الغيمة بوقة وكانت الرغوة الشفق
جفَف اطرافو النسيم .. جر بشكيرو الغسق
خت فى كف المساحنة الزمن القديم
قالت الريح العجوز
ما استحت .. قالت يجوز
كالصبا ارجع صبية واسرى بى عطر العروس
ابرى فستانا البياضا .. نية الطيب حنين
بى ندم صادق امين عقبت قالت واتوب
ما أغش الأ__جين بالأعاصير العبوس
إلا شان للظلم ادوس
آه يا عشمى الحزين .. لو ترجَعنى السنين
باركنها نسمتين .. باختن بالا الرزين
آجرنَها فى اللى راح .. وطيبن نزف الجراح
وعمَدنها ريح صلاح .. من طرف شق الصباح
قاطعنها نجمتين .. يمه عقبالنا .. ومتين
من زفاف الغيمة وين .. ونحن نتشرق مرتين
انتشى العشب الصغير .. وتاوق القمرة التغيَر بين ضفاير تمرتين
وخفَ يتصنت مزارع ...
دخله المطر الموله أو زفافو على الشوارع
وحَم لقمح اليراهق فى المتر .. جبَد شتولو .. نوَر القش فى المراتع
نوَرت كل الخمائل .. السحر فوق راسو جايل
زى رسائل بينو بين الجاى راجع .. لى حصاد العمر شايل
ضوَا فى كل النفوس .. حُب تحت كل لشرائع
والشعائر والطقوس
جمَة العشق المضاجع .. حتى أصوات الضفادع
سنَ حنجرة المغني فى قلب زولو الحجر .. العنيد الما مطاوع
ضحَى من أجلو وصبر زمانات التدنى والمناحات التجنى
سنَ حنجرتو المغني .. وغنى غاية ما انفجر
شاحب الليل الألق .. الفجُر فرهد بهر
جديد الفرحة يا دابو انعتق فك قيد جرحو ونتق
لى جواد شوقو انطلق .. قولب الضَُل والصقايع
الوجود قدامو رائع .. خالى من صُرمة وفجائع
العصافير التطالع فى كتاب الصبح طالع
الندى فى سرابو ناقع .. الزهر يا دابو فاقع
انطلق للحلة شافع .. شال بشارة يوم جميل
الفراشات للأصيل .. والبنفسج للشفق
املو عي___م غميد .. يا مجاريح لا أرق
ضمَو لى ليلكم شديد ضمَو بى عد ما وسق
لا تجمَوها السيوف .. لا ترمَوها الدرق
المطيرة الفى وشيكم .. هبَ نسَاما وبرق
ماها بى الساهل تجيكم إلا بالدم .. بالعرق
يا مطر يا نار حبابك ..
خدَر القصب المعوبس بلَل التعب التشابَك
روحنا شبَت بالقضية وتاوقت برقَك سحابَك
أيوة يا مطر الغلابة المن زمن صابر ترابك
والقلوب عشرق سرابك
|
|
 
|
|
|
|
|
| العنوان |
الكاتب |
Date |
| باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن | محمد حسن العمدة | 12-13-09, 08:46 PM |
| Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن | محمد عثمان محمود | 12-13-09, 09:04 PM |
| Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن | محمد حسن العمدة | 12-13-09, 09:06 PM |
| Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن | عمر عبد الله فضل المولى | 12-13-09, 09:08 PM |
| Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن | BAKTASH | 12-13-09, 09:16 PM |
| Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن | محمد على حسن | 12-13-09, 09:21 PM |
| Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن | Abutalib Elgorashi | 12-14-09, 10:20 AM |
| Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن | احمد سردوب | 12-14-09, 05:58 PM |
| Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن | ghariba | 12-14-09, 06:11 PM |
| Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن | احمد سردوب | 12-14-09, 06:19 PM |
| Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن | محمد حسن العمدة | 12-14-09, 08:39 PM |
|
| |
احمد سردوب
فيس بوك
تويتر
انستقرام
يوتيوب
بنتيريست