|
|
 هيئة علماء السودان بالغت وسلفاكير عملها احمض من محمد خير يا جماعة
|
بيان هيئة علماء السودان ( ان صح ما فيه ) بيان حسب فهمى البسيط غير موفق ، اصلو الحكاية مسيرة ولا ارتداد عن الدين ، غايتو انا قربت اقرر امرق فى صف ناس المعارضة - زعلة بس - لكن تانى حسبتها قلت يا زول الفتاوى دى بحرها عريض يكون كلامهم صح تمرق مسيرة تطلع من دينك وتخسر اخرتك واصلو دنيتك فارقة وموضوعها بايظ
اها يا جماعة لكن برضو والله سلفاكير - نائب الرئيس - بالغ وعملها شينة واحمض من محمد محمد خير الهايجين عليهو دا ، شنو الطيارة دى سكند هاند وما بركبها وبتلحقنا امات طه ، هو زولكم دا وكت خواف قدر كدا شنو راصى لينا سبعين مقص ونجمة ووسام شجاعة ، يعنى كان يقول اى كلام ويعتذر من قصة (ما بركب الطيارة دى ) غايتو انا لو كنت صاحب قرار فى المؤتمر الوطنى كنت بركب وفدى وبطير لجوبا ونمشى ليهو فى محلو خلى اليقول عندى انفلونزا خنازير ... نطعم الوفد ونخشى
يا جماعة الزول لمن يكون الرجل الاول مفروض يوزن كلامو ... قال طيارة مارقة من صيانة ، اصلو الشى نفساء ، طيب الملايين الشابكننا نحن جينا من اجلهم ديل ما يوماتى بركبو الخرد دى مالكم ما حنتيو عليهم وعملتو حاجة
|
|
 
|
|
|
|
محمد حامد جمعه
فيس بوك
تويتر
انستقرام
يوتيوب
بنتيريست