|
|
 Re: فقط للســـــناير والجـــــادين من البرالمة (Re: Abdelrahim Elamin)
|
قاسم كل سنه وانت طيب
نعتقد ان ماسقته من مبررات عللت بها انهيار المنبر مبرارات غير صحيحه ولاتمت الى الواقع فى شى ونعتبرها وجهة نظر شخصيه وانك من عنوانك الغريب الذى جاء للسناير والبرالمه الجادين اختزلت كل عدم الجديه فى البرالمه وحتى السناير الماجادين حملت المسئوليه فى ذلك الى انهم انساقوا وراء البرالمه وهو منطق غريب ومدهش فى نفس الوقت والواضح انك لاتقرا المنبر ولا تتداخل ايضا فياصديقى البرالمه الذين تتحدث عنهم هم الذين اثروا المنبر فى الشهور الاخيرة بشتى المواضيع بعدين انا عايز اقول ليك حاجه يعنى شنو مواضيع جاده ومواضيع خفيفه ومواضيع ماجاده عليك الله خلينا نقيف شويه ورينا انت فهمك شنو للمواضيع الجاده والواضح ياقاسم ان كل لونيه لها احبابها من داخل وخارج المنبر فهذا المنبر لا يطلق عليه منبر المواضيع الجاده انما هو منبر بتاع كلو والبرالمه الذين تتحدث عنهم هم خير من نوع وشكل فى المواضيع واصبح المنبر جاذب اكثر من العام الذى مضى وبعدين حكاية اننا نبكى على الماضى ونجتر ذكريات المنبر فى السابق مابينفع لان نفس كلامك ده اتقال فى العام 2005 وفى 2006 يعنى كل مره بيطلع لينا زول عشان يثبت لينا انو المنبر افضل فى ايامو هو ومع احترامى الشديد هذه نظريه فيها كثير من الظلم والاجحاف فى حقوق الاخرين ... اما بخصوص السبب التانى انو هناك كثير من اصحاب الفكر الكبير والاقلام الرصينه والناس الكانوا معلمين غادروا المنبر هذا ايضا لايعنى شى فمنهم من يموت ومنهم من يزهج ومنهم تشغله الظروف وانا كنت فى مامضى مع رايك هذا وكتبت حينها ان على بكرى ابوبكر ان يعيد الاقلام الرائعه الى المنبر لكن رايت ان الحياة والمنبر والدنيا كلها لاتتوقف بمن فارقوا لاى سبب من الاسباب فقد مضى على المك والطيب صالح ومازلنا نكتب ومات الكاشف واحمد المصطفى وعثمان حسين ومازلنا نغنى ورحل اسماعيل حسن وعبد الرحمن الريح ومازلنا نكتب الشعر حتى لو كانت المقارنه معدومه الا اننا لن نتوقف ... نفسى اسالك سوال لماذا لم يخرج علينا واحد من السناير ببوست تشجيعى يشيد بالبرالمه الذين لم يرتكبوا ذنب سوى انهم جاءوا المنبر بقلوب صافيه وحماس مقدر وشهية مفتوحه ليقع عليهم الظلم تل والظلم لماذا تحاولون ان تصنعوا مواجهة داخل المنبر نحنا ماديرنها لو عايزنى اجيب ليك البوستات الاستفزت البرالمه فى الفتره الاخيره كتيره جدا كل مره يقولوا لينا فلان جا كل برلوم يطلع شجرتو لماذا لايقولون
فلان جا تعالوا يابرالمه نرحب به ارجو ان كانت هناك حقا مشكله تواجه المنبر ان تبحثوا فيها بعين ثاقبه بعيدا عن البرالمه لانهم لايكتبون داخل المنبر لوحدهم ولو داير وجهة نظرى اول شى حلو مشاكلكم ومواجهتكم داخل المنبر مع بعضكم البعض لان الواضح ان هناك الفين سنير مقاطعين الف سنير فى مهاترات هى التى ستؤدى الى انهيار المنبر اذا حدث اصلا انهيار او تصدع
...القاسم مالكم كيف تحكمون؟؟؟؟
مودتى
|
|
 
|
|
|
|
|
| العنوان |
الكاتب |
Date |
 فقط للســـــناير والجـــــادين من البرالمة | ودقاسم | 12-05-09, 11:03 AM |
| Re: فقط للســـــناير والجـــــادين من البرالمة | أيمن مبارك أبو الحسن | 12-05-09, 12:42 PM |
| Re: فقط للســـــناير والجـــــادين من البرالمة | ودقاسم | 12-05-09, 01:39 PM |
| Re: فقط للســـــناير والجـــــادين من البرالمة | ودقاسم | 12-06-09, 02:42 PM |
| Re: فقط للســـــناير والجـــــادين من البرالمة | الامين موسى البشاري | 12-06-09, 03:15 PM |
| Re: فقط للســـــناير والجـــــادين من البرالمة | ودقاسم | 12-07-09, 06:42 AM |
| Re: فقط للســـــناير والجـــــادين من البرالمة | د.يوسف محمد طاهر | 12-06-09, 07:14 PM |
| Re: فقط للســـــناير والجـــــادين من البرالمة | Abdelrahim Elamin | 12-06-09, 09:57 PM |
| Re: فقط للســـــناير والجـــــادين من البرالمة | مدثر قرجاج | 12-07-09, 09:10 AM |
| Re: فقط للســـــناير والجـــــادين من البرالمة | ودقاسم | 12-10-09, 08:52 AM |
| Re: فقط للســـــناير والجـــــادين من البرالمة | ودقاسم | 12-08-09, 08:47 AM |
| Re: فقط للســـــناير والجـــــادين من البرالمة | ودقاسم | 12-08-09, 06:54 AM |
| Re: فقط للســـــناير والجـــــادين من البرالمة | عفاف الصادق بابكر | 12-08-09, 07:57 AM |
| Re: فقط للســـــناير والجـــــادين من البرالمة | اناهيد كمال | 12-10-09, 10:16 AM |
|
| |
مدثر قرجاج
فيس بوك
تويتر
انستقرام
يوتيوب
بنتيريست