يا بكرى ابو بكر ..انت مسؤول مسؤولية تاريخية ..لوقف هذا العبث .

Quote: والله بكري أكان ساها ، عِلا يِأجِر الناس بِقُروش تاني علشان تكتِب ليهو في مِنْبرو ده ... هو المنبر ماش بِمِنو؟ ما بينا نِحنا ده ... البِنكتِب فيهو نِحنا ... المصرِيين طايرين إن شاءالله في السما ... العِندهُم تِجاهنا مرقو تب ... وباقي نِحنا نمرُق العِندنا ... الحكومة يِطَبطِبو عليها ترضى ما ترضى ما بِخُصنا ده ... مِصر مُحتلة أرض (حلايِب) ورافضا إحالة النِزاع لِلمحكمة ... سارقا مويتنا مِن سنين ... لم نُعَوض عن غرق حلفا حسب الإتِفاق (إنارة الإقليم الشِمالي كلو) ... ناس البشير عِندهُم مصلحة مع المِصرِيين ... غلق ملف مُحاولة إغتِيال حُسني مُبارك ... قِيادة مِصر لِلدُول العربِية (على الأقل الحكومات) ... نحنا كشعب لا هامينا البشير ولا هامينا المِصرِيين ... البِسكِتنا على القِله الأدب شنو؟ عِندي صفحة في الـfacebook إسمها " رد الكرامة " مخصوصة بس لِمَوضوع " الكورة " السجم دي ، كلِم بكري يِقْفِلا حتو ... إنت قايِلنا نحنا شغالين عِند بكري ولا شنو ... لو حسبتها صاح بِتلقى بكري الشغال عِندنا ... < حلايِب > أيوه < حلايِب > لأنو إحتِلال بلد ما عار ... ما أهو إسرائيل مُحتلة فِلِسطين مِن 1948م لِهسِع ... العرب شاعرين بِعار ... يعني مُمكِن أمريكي يِكاوي عربي أو فِلِسطيني بِكَون بلدو مُحْتلة ... لكِن العار ... إنو يِكون جزء مِن بلد مُحتل وتمشي تعمِل مع المُحتلي جُزء مِن أرضك إتْفاقِيات ، مِتِل < الحُرِيات الأربعة > و< البِعثات المِصرِية - مدارِس وجامعات > ده العار