شكرا لانك عبرت عن الكتير مما في خاطري .. الجزائريين رغم انهم ممكن يكونوا ما متخيلين حتي السودان ده شكلو كيف, الا انهم ما حسسونا بانهم كاشين وللا مستغربين وللا حتي في دوله غريبه عليهم, الناس ديل كانوا لافين في الخرطوم باريحيه شديده, ماخلوا السوق العربي ولا بحري ولا أمدرمان, ماشين راجلين أو علي ظهر أمجاد أو رقشه كأنهم ليهم سنين بيجوا السودان, حتي يوم المباراه كانوا متسطحين علي ظهور باصاتهم يهتفوا ويحيوا في كل الماره والماره يحيوهم, كانوا شعبيين جدا واختلطوا بالشعب السوداني وحباهم .. ومع ذلك زي ماقال وليد دي بس محمده للجزائريين لكن ما سبب في انو الناس شجعتهم, الناس كانت محدده مواقفها من بدري وكلو زول عندو سببو الشجع بيهو الجزائر, حبا فيها أو نكاية في المصريين ..
في حين انو المصريين ظهروا في اخر يوم, داخل بصاتهم المكندشه من خلف الزجاج ينظروا للسودانيين بنفس التعالي القديم, لم لا وقد صورت لهم سذاجتهم وغباءهم انو وضعهم في السودان حيكون كده:
المهم نقطتي في البوست ده انو كل من يحاول انو يصور انو الاساءه جات من اعلاميين فقط يراجع نفسه, الاساءه جات من مسئولين وفنانين واعلاميين وجمهور, كلهم اثبتوا مما لايدع مجالا للشك انهم شعب اعتاد التمثيل والتهويل والتلفيق والاساءه .. وبانت نظرتهم الحقيقيه للسودان والسودانيين ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة