الإتجاه الإسلامي يكتسح جميع مقاعد إتحاد طلاب جامعة الخرطوم

Quote: يا جماعة ما تخدعوا أنفسكم وتعلقوا الهزيمة في شماعات تانية حسب ما بلغني التحالف إشتغل للإنتخابات دي ،لأنها كانت معركة مصيرية، لأنها صورة مصغرة للإنتخابات القادمة،الجامعة هي الثيرمومتر الحقيقي لما يدور في السودان أنا على يقين لولا إتحاد85 (الدقير) لما قامت الانتفاضة بهذه الصورة الاتحاد داك كان يمثل نبض الشارع السوداني ، وكذا هذا الاتحاد هل تظنوا أن حرص أعضاء التحالف زي أو يقارب حرص الاسلاميين؟ انا عارضت من تسمونهم الكيزان ديل فترة طويلة ،وهم ناس بيشتغلوا بجد وإخلاص ويعرفوا كيف يحققوا أهدافهم ،ودي واحدة من المحطات التي أدت بي لإعادة تقييمي للإنقاذ انا أعلم أشخاصاً عادوا من خارج السودان فقط للتصويت لإنتخابات الاتحاد وفي انتخابات الفرع سابقاً كانت ترسل الحافلات لنقل الطلاب من أحياء بعيدة جداً للتصويت تقولو لي كورة مصر والجزائر! ،يعني واحد يخلي التصويت عشان الكورة! ،وواحد شغال زي النحلة ويكد ويجتهد ويساهر يعني بالعقل كده منو الأجدر بالفوز؟ في حاجة إسمها الولاء للحزب تعلمون جيداً أن عضوية المؤتمر الوطني في الجامعة لا تتجاوز 10% في أحسن تقدير وان ما لا يقل عن 80% هم من المحايدين(لا ينتمون لحزب) والاتحاد صفته الغالبة خدمية ،كحكومة مصغرة يعني الطالب بينه وبين نفسه لمن يجي يصوت خلف الستارة بدون أن يراه أحد ح يختار من يخدمه بصدق وإخلاص (إن خير من استأجرت القوي الامين) ،طبعاً ده كان شعارهم زمان أعرف طالباً ذو فكر يساري وكان من الناس البسكرو طوالي كان يصوت دائماً للإتجاه الاسلامي عندما سالناه قال: أنا جربت الاثنين ،والكيزان ديل أنا متأكد إنو لامن أجي الصفره الساعة 11 بالليل ح ألقى عشاء يا ناس المعارضة حاسبوا انفسكم ويا الاغلبية الصامتة صوتوا لمن يخدمكم وتثقون فيه ألا هل بلغت ،اللهم فاشهد وراق