|
|
 Re: كيف صارت امي عضوا في المؤتمر الوطني !!! (Re: الفاتح شلبي)
|
أخي الحبيب سيف النصر سلامات لك ولأُمك المؤتمرجية بفهلوة نفيسة جارتها!!!
تعرف يا الحبيب الناس ديل إستغلو بساطة الناس وبإعلامهم الضخم حاولوا إستقطاب الناس على بساطتهم...
قبل فترة يحكي لي أخ كريم بلدياتنا قال لي نزلت إجازة في البلد لقيت خالتي زينب عندها بطاقة مؤتمر وطني... (يعني دي ما بالغتاتة مسجلة عدييييييييل)... أها قال لي قلت ليها يا خالتي البيسويكي جبهجية شنو وتفارقي ناس سيدي؟؟؟ قال ليهو قول بسم الله يا ولدي إنت ناس المؤتمر الوطني ديل ياهُن الجبهجية قال ليها أيوة ياهُن بي ذاااااااااااتُن وصفاتُن... قالت ليهو بَرِي يا ولدي والله ماني عارفاهُن بس جونا هني وقالو لينا نديكم البطاقات دي تبقوا معانا والبطاقة دي تدخلكم المستشفى بالمجان وتسهلكُن أي شي عاوزنو!!! وقالو لينا نحن عملنا ليكم كُوبري مروي وطريق الظلط بتاع الشريان!!!!
قال لي بكل بساطة حولت إتجاهها مية وتمانين درجة من جبهجية لي إتحادية زي ما كانت بس بالحوار دا:
ـ إنتي آ خالتي زينب تمُرْكُن دا زمان كان قاعد يجيب كم شوال؟؟؟
ـ أخدت ليها نحنحة كدي حقت تحسُّر وقالت ليهو 120 شوال...
ـ وهسع قاعد يجيب كم؟؟
ـ مرات خمستاشر ومرات عشرين!!!
ـ نان السبب شنو يا خالتي؟؟
ـ يا ولدي مِي الجاز بقى غااااااالي... ومافِي قُدُرةً عليهو... وكمان الطلب ما حدَّثتك بيهو... بقى بالشي الفلاني...
ـ قال ليها نان يا خالتي الجاز دا زمان دحِين ما كان قاعد يجيكُن بالتناكِر قدّاااااام بيتكُن دا؟؟؟
ـ قال ليهو بالحيل يا ولدي...
ـ أها هنا بادرها بالسؤال الخلاها تطلق الجماعة لا جنا الجنا... نان هسع مالُو بقى ما قاعد يجكُن وبقى غالي؟؟؟!!! وأدَّى تمُرْكُن العطش ؟؟؟
ـ يا ولدي دي مي حكومة السجم دي!!!... أها هنا إستغل كلمة السجم دي... وسجم المؤتمر الوطني من راسها لا جنا الجنا!!! وقال ليها عليك الله يا خالتي تتذكري زمان التموين يجيكُن في الدكان... والجاز قدام بيوتكُن... والمدارس هسع عليك الله قاعدة تدفعي لي بناتك في الزومة كم كل شهر؟؟؟!!! شوفي زمان كانت مجان...
فما كان من الخالة زينب إلا التحَسُّر على أيام زمان الجميلة وتدعُو الله يزوِّل ديل من فوقها ويعيد ليها ذلك الزمن الجميل...
الناس ديل يا عزيزي سيف ماكْلِين أهلنا الطيبين أعلام بس!!!
نسأل الله يولي من يصلح...
قواسيب مودتي...
أبو الحُسين...
|
|
 
|
|
|
|
|
| العنوان |
الكاتب |
Date |
 كيف صارت امي عضوا في المؤتمر الوطني !!! | سيف النصر محي الدين محمد أحمد | 11-08-09, 02:46 AM |
 Re: كيف صارت امي عضوا في المؤتمر الوطني !!! | بكري الصايغ | 11-08-09, 02:57 AM |
 Re: كيف صارت امي عضوا في المؤتمر الوطني !!! | Elawad | 11-08-09, 03:03 AM |
| Re: كيف صارت امي عضوا في المؤتمر الوطني !!! | حسين نوباتيا | 11-08-09, 03:40 AM |
| Re: كيف صارت امي عضوا في المؤتمر الوطني !!! | Ahmed Alim | 11-08-09, 03:50 AM |
| Re: كيف صارت امي عضوا في المؤتمر الوطني !!! | سيف النصر محي الدين محمد أحمد | 11-08-09, 04:18 AM |
| Re: كيف صارت امي عضوا في المؤتمر الوطني !!! | عاطف مكاوى | 11-08-09, 04:25 AM |
| Re: كيف صارت امي عضوا في المؤتمر الوطني !!! | النصرى أمين | 11-08-09, 04:28 AM |
| Re: كيف صارت امي عضوا في المؤتمر الوطني !!! | سيف النصر محي الدين محمد أحمد | 11-08-09, 04:30 AM |
| Re: كيف صارت امي عضوا في المؤتمر الوطني !!! | Ammar Elyas Babiker Hassan | 11-08-09, 04:39 AM |
| Re: كيف صارت امي عضوا في المؤتمر الوطني !!! | سيف النصر محي الدين محمد أحمد | 11-08-09, 04:53 AM |
| Re: كيف صارت امي عضوا في المؤتمر الوطني !!! | سيف النصر محي الدين محمد أحمد | 11-08-09, 04:56 AM |
| Re: كيف صارت امي عضوا في المؤتمر الوطني !!! | خالد العبيد | 11-08-09, 06:31 AM |
| Re: كيف صارت امي عضوا في المؤتمر الوطني !!! | زهير الزناتي | 11-08-09, 06:42 AM |
| Re: كيف صارت امي عضوا في المؤتمر الوطني !!! | د.نجاة محمود | 11-08-09, 07:01 AM |
| Re: كيف صارت امي عضوا في المؤتمر الوطني !!! | الفاتح شلبي | 11-08-09, 06:44 AM |
| Re: كيف صارت امي عضوا في المؤتمر الوطني !!! | ibrahim alnimma | 11-08-09, 07:08 AM |
| Re: كيف صارت امي عضوا في المؤتمر الوطني !!! | salah elamin | 11-08-09, 07:16 AM |
| Re: كيف صارت امي عضوا في المؤتمر الوطني !!! | مجدي عبدالرحيم فضل | 11-08-09, 07:27 AM |
| Re: كيف صارت امي عضوا في المؤتمر الوطني !!! | أبو الحسين | 11-08-09, 07:40 AM |
| Re: كيف صارت امي عضوا في المؤتمر الوطني !!! | ibrahim alnimma | 11-08-09, 07:51 AM |
| Re: كيف صارت امي عضوا في المؤتمر الوطني !!! | jini | 11-08-09, 07:58 AM |
 Re: كيف صارت امي عضوا في المؤتمر الوطني !!! | أبو الحسين | 11-08-09, 09:18 AM |
| Re: كيف صارت امي عضوا في المؤتمر الوطني !!! | عاطف مكاوى | 11-08-09, 09:28 AM |
| Re: كيف صارت امي عضوا في المؤتمر الوطني !!! | murtada | 11-08-09, 10:07 AM |
| Re: كيف صارت امي عضوا في المؤتمر الوطني !!! | جعفر محي الدين | 11-08-09, 10:27 AM |
| Re: كيف صارت امي عضوا في المؤتمر الوطني !!! | إسماعيل وراق | 11-08-09, 10:34 AM |
| Re: كيف صارت امي عضوا في المؤتمر الوطني !!! | خدر | 11-08-09, 01:21 PM |
| Re: كيف صارت امي عضوا في المؤتمر الوطني !!! | سيف النصر محي الدين محمد أحمد | 11-08-09, 03:48 PM |
| Re: كيف صارت امي عضوا في المؤتمر الوطني !!! | salah elamin | 11-08-09, 03:56 PM |
| Re: كيف صارت امي عضوا في المؤتمر الوطني !!! | الفاتح سليمان | 11-08-09, 04:00 PM |
| Re: كيف صارت امي عضوا في المؤتمر الوطني !!! | سيف النصر محي الدين محمد أحمد | 11-08-09, 10:23 PM |
| Re: كيف صارت امي عضوا في المؤتمر الوطني !!! | أحمد أمين | 11-09-09, 09:38 AM |
| Re: كيف صارت امي عضوا في المؤتمر الوطني !!! | الشفيع وراق عبد الرحمن | 11-09-09, 06:03 PM |
| Re: كيف صارت امي عضوا في المؤتمر الوطني !!! | احمد محمد احمد عتيق | 11-09-09, 06:16 PM |
| Re: كيف صارت امي عضوا في المؤتمر الوطني !!! | سيف النصر محي الدين محمد أحمد | 11-10-09, 00:59 AM |
| Re: كيف صارت امي عضوا في المؤتمر الوطني !!! | سيف النصر محي الدين محمد أحمد | 11-10-09, 01:24 AM |
|
| |
أبو الحسين
فيس بوك
تويتر
انستقرام
يوتيوب
بنتيريست