لا برشح ولا نـتخـب ولا بـمـشـي أسـجـل !!!!

Quote: دا قرار كدا ما أظني أتراجع عنو ولا بستعين بي صديق ولا حاجه - أرشح وأنتخب ! ناس الإنقاذ تراهم عشرين سنا - الا جات الإنتخابات هسع بقوا يعاينو للشعب ! لو قلنا نرشح ناس الصادق كل ما أتذكر عهدهم مع المرغني وكيف كان حالنا ! نبيت في الأفران وتتفنن فينا الملاريا وهوان البلد وقتها أكيد ما حا أرشح ولا حا أنتخبهـــم ! وذكرى التعويضات عالقه في ذهني حتى اليوم ! حتى الحركة الشعبية القلنا شوية تسوي تسوية في البلد وتعدل الميزان ! بقت هي في نفس المجال ! والدليل إنسان الجنوب (المسكين) والكانوا عشمانين في الحركة زي عشمنا في الإنقاذ وقتها ! وكلهم طلعوا جلا - أنا يمكن غيرالناس دي كلها - والا في ناس زيي كدا ؟؟ لكن السياسة والإنتخابات حاجه كدا بعد توفير الخدمات الضرورية للمواطن ! يعني زي الصحة والأمن والتعليم دي أساسيات مفروض تكون عيون كل من حمل هم الوطن - او كما يدعون - ولا في عهد نميري لقينا دا لا في عهد الديمقراطية لقينا دا ولا في عهد الإنقاذ لقينا دا ولا في العهد الجاي عندنا عـشـم نلقى دا وزي ما قال السني في حاجه غلط كل من تولى أمر الوطن ما عندو وطنية كافية او مقنعه نمشي ننتخبوا والا نرشحو !!! أكيد أكيد راجع تاني ! هشام