|
|
 Re: هل يجب الاقتناع بكل الدين????????????????????? (Re: Amany Elamin)
|
وليد كيف الحال ..
| Quote: هل يمكن التسليم بخطاء الدين |
يا وليد .. هل يمكن التسليم بخطأ الخالق ؟؟؟
المسألة واضحة ,, إذا كان الإنسان بيؤمن بإنو (مخلوق) وبيؤمن بإنو الله عز وجل (خالق) فيبقى بمنطق العقل البشري ما ممكن (المخلوق) يكون صاح و (الخالق) يكون غلط !
ففي حال حدوث لبس على الإنسان في حاجه في الدين ما واضحة ليهو المنطق بقول انو الإنسان يسأل عشان يعرف ، وبالتالي بيكون السؤال بغرض (المعرفة) لا بغرض التشكيك .. يعني مثلاً الآية : (حَتَّى إِذَا بَلَغَ مَغْرِبَ الشَّمْسِ وَجَدَهَا تَغْرُبُ فِي عَيْنٍ حَمِئَةٍ) ما من المنطق انك تعتبر الآية دي (خطأ) لمجرد انها (ما خشت ليك في راسك)!
بالنسبة للآية : (حَتَّى إِذَا بَلَغَ مَغْرِبَ الشَّمْسِ وَجَدَهَا تَغْرُبُ فِي عَيْنٍ حَمِئَةٍ) دايرك تركز لي على الكلمة التحتها خط وهي كلمة (وجدها) .. من الكلمة دي بيتضح ليك انو ربنا وصف رؤية ذي القرنين لغروب الشمس بانها رؤية (شخصية) وبالتالي لم تتحدث الآية عن حقيقة كونية مثل (والشمس تجري لمستقر لها) ، فالذي وجدها تغرب في عين حمئة هو ذو القرنين أي شاهدها بعينيه تغرب في عين حمئة ..
مثلاً لو انت مسافر في البحر وجاء وقت غروب الشمس بتشوف الشمس بتغرب في البحر .
بالتالي واضح انو الآية ما مطلقة -عشان تبقى حقيقة كونية- لكن مقيدة بشخص ذو القرنين ..
حقيقة المشكلة الكبيرة انو لغتنا العربية ضعيفة والقرءان نزل باللغة العربية ، عشان كده الفهم الصحيح ليهو محتاج زول بيعرف لغة عربية ، والبيؤكد كلامي ده انو ما حصل زول من الاعراب زمان (مسلم ولا كافر) اعترض على الآية دي لأنو فاهم انو كلمة (وجدها) تخص ذو القرنين وحده ..
خليك من كده .. لو بالفهم ده ممكن تتفسر الآية : (حَتَّى إِذَا بَلَغَ مَطْلِعَ الشَّمْسِ وَجَدَهَا تَطْلُعُ عَلَى قَوْمٍ لَّمْ نَجْعَل لَّهُم مِّن دُونِهَا سِتْرًا) بإنو الشمس بتجي طالعة فوق روسين الجماعة ديل عدييييييل كده .. وواضح انو الكلام ده ما فيهو ذرة منطق.
خلاصة القول .. متى ما اقتنع العبد بأنه عبد وأن الله لا اله الا هو الحي القيوم .. أصبح واضحاً له بأنه ان كان هنالك خطأ فسيكون منه لا من الخالق .. تعالى الله عن ذلك علوا كبيرا ..
أعتذر للإطالة .
|
|
 
|
|
|
|
|
| العنوان |
الكاتب |
Date |
 هل يجب الاقتناع بكل الدين????????????????????? | walid shingrai | 10-15-09, 03:36 PM |
| Re: هل يجب الاقتناع بكل الدين????????????????????? | walid shingrai | 10-15-09, 03:52 PM |
| Re: هل يجب الاقتناع بكل الدين????????????????????? | walid shingrai | 10-15-09, 04:03 PM |
| Re: هل يجب الاقتناع بكل الدين????????????????????? | walid shingrai | 10-15-09, 04:19 PM |
| Re: هل يجب الاقتناع بكل الدين????????????????????? | walid shingrai | 10-15-09, 04:43 PM |
| Re: هل يجب الاقتناع بكل الدين????????????????????? | walid shingrai | 10-15-09, 06:12 PM |
| Re: هل يجب الاقتناع بكل الدين????????????????????? | Amany Elamin | 10-16-09, 06:03 AM |
| Re: هل يجب الاقتناع بكل الدين????????????????????? | محمد عبدالله مختار | 10-16-09, 06:50 AM |
| Re: هل يجب الاقتناع بكل الدين????????????????????? | Rashid Elhag | 10-16-09, 07:17 AM |
| Re: هل يجب الاقتناع بكل الدين????????????????????? | سمية الحسن طلحة | 10-16-09, 07:47 AM |
| Re: هل يجب الاقتناع بكل الدين????????????????????? | كمال حسن | 10-16-09, 11:18 AM |
| Re: هل يجب الاقتناع بكل الدين????????????????????? | عمار عبدالله عبدالرحمن | 10-16-09, 12:04 PM |
| Re: هل يجب الاقتناع بكل الدين????????????????????? | Muhib | 10-16-09, 10:01 PM |
| Re: هل يجب الاقتناع بكل الدين????????????????????? | عمار عبدالله عبدالرحمن | 10-17-09, 11:17 AM |
|
| |
محمد عبدالله مختار
فيس بوك
تويتر
انستقرام
يوتيوب
بنتيريست