|
|
 Re: ايمن الربع (Re: محمد زكريا)
|
Quote: كلامي صح ولا ما غلط
|
سلامات / أخي زكريا
كلامك هنا ماصح ..
أيمن الربع من أسرة أمدرمانية (واصلة)
وليست أسرة مستضعفة ولا علاقة لتجاهل أجهزة الإعلام له
بأي مما ذكرت من أسباب تكاد تكون معدومة في حالة الربع تحديداً
أيمن جار للعديد من أصحاب الشأن الإعلامي وأسرته تربطها علاقات مصاهرة
كمان بأسر واصلة ..
يجمعه الحي ب(د.صلاح الدين الفاضل) شخصياً ..
وغيره من الإعلاميين ..
لكن الذي يمنع الربع عن الأجهزة هو (التوجه الحضاري والإسلامي) وكده
الربع لو كان بمدح كان سكن الإذاعة عديل ..
الربع مشروعه الفني مع المهمشين ودعاة الحرية _ رغم إنو (ود عز بالمناسبة)
أيوة شين لكن ود عز عديل ..
وكمان للمعلومية الربع من أسرة أمدرمانية تتعد أشكالهم وألوانهم وملامحهم
يعني لو سألت ناس العرضة أجمل بنات الحلة منو ؟
حا يقولوا ليك (نونا) حمار وحلاوة وشعر وتصلح عارضة أزياء عديل ..
(سماحة البنات) ..
أها أختنا (نونا) دي ملكة جمال الحي هي (شقيقة الربع) ده ..
أختو يعني ..!!
وزوجها (خالد الدالي) حسب معلوماتي في غربتي التي طالت
إنو إتزوجها أخونا وحبيبنا خالد الدالي ودي أسرة معروفة في العرضة
وهم من أعز الجعليين ..
ويربطني أنا القدامك ده بيهم نسب ..
العاوز أقولوا ليك أمدرمان مافيها جنس العنصرية دي ..
ولا (الربع) شايف نفسو أقل من زول بحكم تربيتو وبحكم مجتمعو الإتربا فيهو ..
وبيت ناس الربع ده قبلة لكل ناس الحلة مفتوح أربعة وعشرين ساعة مضيوفين
بناس العرضة والعباسية و(الحلل المجاورة) ..
الربع كان ممكن يتجه لغنى أمدرمان المعروف ده وكان ممكن ينجح فيهو ويدخل الأجهزة من أوسع أبوابا
بحكم إنو ود قلبا وكده وعلاقاتو بي أصحاب الشأن الإعلامي قوية وأصيلة وأسرية كمان
لكن أصر على مشروع المهمشين ده _ وجمهور من الأطراف بإختيارو وده شئ يحسب له ..
يعني ناس الأطراف والمهمشين بقولوا ليك :
الحفلة بالربع يافردة ولا ناكل باسطة ..؟
أنا شخصياً باكل باسطة أحسن لي ..
البوديني لي الزول الشين ده شنو؟
لكن كان أختنا (نونا ) السمحة بقت تغني (وحاتك الأعمى يشيل المكسر)
وأنا زاتي بنمشو معاهم _ الباسطة ملحوقة ..
):
يا أخي / الربع سيكون له شأن فقد ولى عهد التهميش _ أو كاد
وبأيدي (الربع) وأمثالو رغم إنو خارج دائرة المعاناة من التهميش ..
محبتي ..
|
|
 
|
|
|
|
|
| العنوان |
الكاتب |
Date |
 ايمن الربع | محمد زكريا | 10-14-09, 02:39 PM |
 Re: ايمن الربع | naeem ali | 10-14-09, 02:44 PM |
| Re: ايمن الربع | مزمل خيرى | 10-14-09, 07:53 PM |
| Re: ايمن الربع | خالد خليل محمد بحر | 10-14-09, 08:16 PM |
| Re: ايمن الربع | Dania Elmaki | 10-15-09, 05:25 AM |
| Re: ايمن الربع | ناذر محمد الخليفة | 10-15-09, 07:33 AM |
 Re: ايمن الربع | كمال علي الزين | 10-15-09, 07:00 AM |
| Re: ايمن الربع | الملك | 10-15-09, 08:14 AM |
| Re: ايمن الربع | Hussein Mallasi | 10-15-09, 08:23 AM |
| Re: ايمن الربع | Hussein Mallasi | 10-15-09, 08:28 AM |
| Re: ايمن الربع | عبدالله كع | 10-15-09, 11:02 AM |
| Re: ايمن الربع | خالد خليل محمد بحر | 10-15-09, 01:08 PM |
| Re: ايمن الربع | محمد زكريا | 10-16-09, 08:59 AM |
| Re: ايمن الربع | كمال علي الزين | 10-16-09, 01:26 PM |
| Re: ايمن الربع | Mohamed Foto7li | 10-16-09, 03:37 PM |
| Re: ايمن الربع | بابكر التوم | 10-16-09, 04:03 PM |
| Re: ايمن الربع | حيدر حسن ميرغني | 10-16-09, 04:15 PM |
| Re: ايمن الربع | محمد زكريا | 10-17-09, 03:20 PM |
| Re: ايمن الربع | كمال علي الزين | 10-17-09, 03:39 PM |
| Re: ايمن الربع | كمال علي الزين | 10-17-09, 10:07 PM |
| Re: ايمن الربع | محمد زكريا | 10-18-09, 11:11 AM |
| Re: ايمن الربع | تبارك شيخ الدين جبريل | 10-18-09, 02:17 PM |
| Re: ايمن الربع | محمد زكريا | 10-21-09, 03:15 PM |
| Re: ايمن الربع | محمد زكريا | 10-22-09, 04:34 PM |
| Re: ايمن الربع | naeem ali | 10-22-09, 10:03 PM |
|
| |
كمال علي الزين
فيس بوك
تويتر
انستقرام
يوتيوب
بنتيريست