|
|
 Re: الى فرقة عقد الجلاد ... عثمان النو ...... لمن كل هذا الغياب !!!!!! (Re: مطر قادم)
|
تصحيح لما ورد في مداخلتي السابقة...
مسدار ابو السره وليس اوبو الثره...
اعزونا فنحن من غير الناطقين بها...
واليكم اهدي كلمات أغنية المسدار..
التي أحتفظ بها منذ زمن بعيد...
*****
اماتي القبيل بي حنهن للجنه
كرفة وقلدة كيف شوق اللبن رجني
حزنا جاني في ميع الصبا يلجني
واطلع مني يا جلدي المنمل جني
واطلع مني يا حزنا بقي مكجني
خلاني ابدا مسداري
و اودي قفايا لي دارا بقي مي داري
جيت و جلدي بيني وبين اعضايا الشحمة...
الا النار بقت قدامي
جلدي الليلة بيني وبين عضايا المافي
الا تراني شوال الكبس نفيخ جلاليب الورم هداني
في جلدي الورم قولنلي ولا صحي الورم عضاني
سفريتك مي في النيه
وميها الكانت محرية
خابراك عريف زم العربان ولّا قيام الوردية
مالك تريان ومندي كاسي الكتان والهندي
قولك كيف كيف ترجى البيشان ولا الغربة البي زندي
برق العبدلي الوزني... يا طاش يا جاب المزني
فرق يا الضيف فعل الغضبان انفر ثيران الحزني
الشم خوخت بردن ليالي الحره
والبراق برق من مني جاب القره
شوف عيني الصقير بي جناحوا كفت الفره
تلقاها ام خدود الليله مرقت بره
شن القعدة يا ابو السرة شن القعدة
في ظل العمارات ام كمرتا بره ...
ضقنا الحنضل اليانكي وبلعنا المره
كملت كوتة التمباك صقعنا الجرة
وكت اتقفلت شقيش قبل بالمره
نرمي امرنا في بلدا معاني الحرة
شن القعدة يا ابوا السرة ...
المشهد الاول
مرقت برة ياابو السرة تغلي
مديدة الحلبة التسمن
عرضها السمن المبستر يانكي
والويقود قعيرات الدخان
في العين وفي الفشفاش ..
بسوي عمايلوا
شن فايدة مديدة الحلبة يا ابو السرة
و الويقود يشيلوا اليانكي
يا ابوا السرة قامت من دخاخين العمي
تلمع وشيها وكان اليانكي مستنيها
في مراية السجم في الليل ...
لقيتا متل فرايخ الطير مرق ود عينها من ود عينها
رجافة المزمة الحمي ... جفلت منوا ..
وقعت عندي صدرها يغلي يا ابو السره
شلتها للبحر يمكن يغسل عينها من اليانكي
فتنا الحجرة بالكتة وغتسنا مساااااافة
مسافة تبقي قدر مسافة الريدة و مالاقانا من يغبانا
في البحر الفضل التحتاني
في ناس عارفاك ناس عارفاها ناس عارفاني
ناديت القعونج والبلطي و قرقور السمك
و داني لي دابي الخوشش
نادينا عمال الطمي الصارقيلا والقرموط
وود الموي وفتنا عليها كانت نايمة
بين حجرين وضل ساسوية كانت نايمة
عجال البحر حارساها كانت نايمة
وعمال الطمي الصحوها لموا حصي البحر قسموهو
ويات من كان سبع جمرات دابي الخشة قال ادوها
وفي الجمرات تلات سبعات ..
قلنا ادوها قلنا ادوها
وعمال الطمي الخابرين للدروب
مرقوبنا في مشرع مسارب الضي
ولمونا علي البعرفوا الضي
حصي القيزان ودابي الدارقة
والسحلية والناس التحت ...
لا الناس التحت خابرين
عمايل اليانكي!!
مرة معونه للغاغ ومرة دوانكي ..
شن معناهوا جبا كملوهوا اوانكي..
قصاده بيقدموا القرابين سيوف و اوانكي.
** هيلا هيلا .... هيلا هيلا
لحمي غطي ابن عمي شو صار حالوا يا امي
منديل العرض في بيت الدين .. دمي ما يخلي دمي
كنا من دير يسن صرنا في جزر التين
عم نسقي بعض حب الزيتون
بدوا يرجع للطين ... صابر تحت الدورية
يا ويلي يا يويلي ثورة تحت الدورية
يا حالة ضد لحم الطفلين نابت غصن الحرية
جزري مو في شاييلا ما قال حالي ياويلا
احنا في الارض ارض فلسطين ..
يا امي هيلا ... هيلا
يا ابو السرة كوج العين
تخابر الشينة من الزين
تفرز الطاري من الساري
مد صباعك السبابي قول للغافل هوي يا زول
هوي يا الغافل يازول هوي..
وارخي الغرزه للعنافي وشد القمري بالحوباي
** المشهد الثاني و قصة اليانكي..
ودرنا فيها نهارنا ...
في ايدينا بنصاص البحر عقدين
مسكنا دربنا و عمال الطمي الصحوها...
خابرين للدروب
مروقوبنا فوق وادي الضلمه الكان عقب
ولمينا في باقي الجمع قاصين دريب اليانكي
ولم الشم مودعه غاربه وسط
جملة الصقار عيونم كاربه
ابقوا الف .. ابقوا الف
ابقو الف بفوت للمتلكم ناهدين
وحتي الغيمة قصاصة الاتر فوق
راسنا شايفة الدرب دروب اليانكي
قال السحلي للضليلة خليك...
صاحية زوغ اليانكي لا يودرنا
قال الدابي ...
ان يغباها ما بيغباني
وفوق تيراب عريبا غادي
قال الجمعي لا نغشاهم ديل عربان توابع اليانكي
قال السحلي لا نغشاهم ديل عربان توابع اليانكي
وخلوها العريب الغايبة والسراق طليقو و معاهم
تيجانا عروش الخروع الهش العويش...
والنار تعلق فوق عقال العرش
ولا خسانا يا ابو السره بي هادي العروش الغربة
ولمينا في باقي الجمع قاصين دروب اليانكي
زنون القيم في الكنغوا وصبره من جنوب امريكا
ومن كلهاري ديبا ضاري
ونمرا في النمور كمبودي والتمساح وليد امزون
ام رخم الله مكسيكية....
ولما لميمنا لما لميمنا ...
شدا شديدنا والشمس البتوقد فوقنا
يالتمثال مشيل روقنا
عالم حر يداعب فوقنا
بنبزغ فيهوا جوة عينوا...جر واسوقنا
ولما لميمنا لما لميمنا ...
يا شمس طلي طلي
شاوري على بيتي دلي
كيال الكيل ختياري مات
ظلي عم يحرس ظلي
عادل على خيي ميلي خيي لا يحمل شملي
ما خف الشمل تاني المرات
ما كل الرصاص شيلي
عيني في الفيل ما ظله
كلنا ندريه ما نضله
يا ويل الويل نرمي الجمرات
عدّي المستشهد كله
عدي المستشهد كله
*****
ولكم صادق مودتي..
...أحمد بشير...
|
|
 
|
|
|
|
|
| العنوان |
الكاتب |
Date |
 الى فرقة عقد الجلاد ... عثمان النو ...... لمن كل هذا الغياب !!!!!! | قاسم المهداوى | 10-10-09, 02:15 AM |
 Re: الى فرقة عقد الجلاد ... عثمان النو ...... لمن كل هذا الغياب !!!!!! | A.Razek Althalib | 10-10-09, 07:55 AM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | قاسم المهداوى | 10-11-09, 11:41 PM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | قاسم المهداوى | 10-12-09, 01:13 AM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | احمد محمد بشير | 10-12-09, 01:25 AM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | مطر قادم | 10-12-09, 02:15 AM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | احمد محمد بشير | 10-12-09, 02:28 AM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | قاسم المهداوى | 10-12-09, 01:41 PM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | abdalla osman | 10-12-09, 03:07 PM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | محمد ادم الحسن | 10-13-09, 01:48 AM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | قاسم المهداوى | 10-13-09, 04:17 PM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | Elmosley | 10-13-09, 04:20 PM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | قاسم المهداوى | 10-13-09, 04:43 PM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | الفاتح سليمان | 10-13-09, 07:24 PM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | قاسم المهداوى | 10-14-09, 00:44 AM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | عامر باضاوي | 10-16-09, 03:01 PM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | A.Razek Althalib | 10-18-09, 06:54 AM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | قاسم المهداوى | 10-18-09, 01:14 PM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | A.Razek Althalib | 10-18-09, 01:26 PM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | قاسم المهداوى | 10-18-09, 04:39 PM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | قاسم المهداوى | 10-24-09, 02:08 AM |
| Re: الى فرقة عقد الجلاد ... عثمان النو ...... لمن كل هذا الغياب !!!!!! | قاسم المهداوى | 10-27-09, 05:45 PM |
|
| |
احمد محمد بشير
فيس بوك
تويتر
انستقرام
يوتيوب
بنتيريست