هل تنسف العنصرية آخر ما تبقى مما يجمع السودانيين؟

Quote: قير تحياتي، هل حينسف استعلاء وليس عنصرية الجلابة ماتبقي من وحدة؟ الاجابة بالعقل نعم، ولكن بالقلب لا! الفرق بين الاتنين فرق السما من الارض، اقصد القلب والعقل. لحسن الحظ في مرجعيتنا الثقافية كافارقة الاساس هو القلب وليس العقل او زنزانة الحواس الخمسة، المادية! ده موضوع شايك حيطفش بينا. ياعزيزي، في ادبيات التحليل التقني للرسم البياني، ليس بعد القاع الا الطلوع الي اعلي! نعم لو رسمنا تاريخنا في شكل خط بياني، ثم طبقنا نظريات التحليل التقني المعروفة في سوق الاسهم والاوراق المالية، في دراستنا لهذا الرسم البياني، وهذا التحليل اساسا فن"قلب" اكثر منو علم"عقل"، سنجد اننا بلغنا قاع القاع! علي كده مافي مفر ولامخرج لنا الا بالصعود الي اعلي، ولكن صعب نعرف، متين بالضبط! احيانا بتكون هناك فترة consolidation وهذا مانمر به الان، اي السكون الذي يسبق العاصفة، الي اعلي كان ربك "آمون" هون! فاحتمالالانحدار من هنا، الي اسفل، مع انو "تقنيا" وارد، لكنو ضعيف كprobability طبقا لمنطوق نظرية التحليل التقني هذه! فما تعرض له ريتشارد او من قبلو العجب ما مجرد الفاظ جارحة من فرد فالت، وانما هذه سياسة الدولة نفسها كاعلي واقوي جهاز سلطة في اي مجتمع، ولكن ريتشاد والعجب، وياللعجب، تخطو كلو هذا، او بعدما نجو من الابادة، او فرضو ارادتم في نيفاشا، هاهم في ايام معدودة يتصدرون قائمة مجال بعينه رغم انف كل القيود والمتاريس اوعدم تكافؤ الفرص، بل انعداما تماما! هنا، الواحد بشوف السودان القادم من احشاء ملايين الشهداء من رفاق ريتشارد. في الظاهر وللوهلة الاولي، في عين الشريعة، لامفر من قبول واقع تشرذم السودان، الحيتوزع كوم لحمو بين الجيران للاسف، علي راسهم ليبيا ياللغرابة! اما في عين الحقيقة، فهذا السودان محروس بي اهراماتو، اقصد قبابو، زي ما كان بقول احمد المصطفي دالي! حتي لو تفكك السودان لدويلات، فهذا تفكيك مرحلي مؤقت، من باب البناء الاستراتيجي! لاتحزن ياقير، والسودان حيظل واحد بفضل امثالك، لانو امثالك ماكانو في يوم من الايام انفصاليين، قط، عكس مايروج وماهو شائع. حتي في تاريخنا القديم وعلي مدي اكثر من 3000 سنة، عندما ينفرط عقد الدولة المركزية، الموحد كان دايما المهدي والموحد، "جنوبي" اي ياتي من الجنوب! عشان كده الجنوب كان بالفعل هو القبلة، كما BA KA او "بكة" منطوقة بالعربي، اليوم!

(عدل بواسطة GeerTor Tong on 10-04-2009, 06:00 PM)