نحن فى حوجه الى مترجميين متخصصين يكونوا من أحفاد العباس ليترجموا لنا لغة قبيلة الشايقية العربية

Quote: عزيزي ، فكرت أكتر في مرة الدخول معاك ، لكن قلت في نفسي الباب دا لو دخلت فيهو يمكن يجيب ليك الهوا !! أنا أتفق مع الأخ ابو الحسين إن معظم مفردات الزراعة مأخوذة من لغات النوبة ، محس ودناقلة ، وغيرهم . لكن جزء كبير من الكلمات أصله عربي لو أمعنا النظر فيه: المنجل ، الواسوق ، الشربوت ، العرقي ، الدواية ، الوردي ، الزاملي ، يعني ، مثلاً ، الوردي ، في منا طق السودان الأخرى ، لإسمها الوِرْدًة ، وأهلنا ديل ،بينطقوها على الطريقة الشامية، كسر الآخر المنصوب من الكلمة ، وسموها الوِردة لأنها تتوارد المرء ، وهي حمى الربع ؛ قال الشنفري : ""وإلف هموم ما تزال تعوده كحمى الربع بل هي أثقل"" وزي الزاملة ، الزاملي ، أيضاً . أما مفردات الساقية فمعظمها نوبي . _______________________________ أما حكاية العباس وأحفاده دي أحسن نخليها لي وقت تاني ، وما في داعي نجيب ليك ، أونجيب لي نفسنا الهوا!! ________________________________