|
Re: شتم البشير اميريكا،..فـجمدت واشنطن الأموال السودانية ببنوكهاوحـولتهالصالح ضحايا المدمرة “كو (Re: بكري الصايغ)
|
السفارة الامريكية ترفض اعتماد الجواز السودانى الجديد!!! --------------------------------------------------------- http://www.kermaonline.com/vb/showthread.php?t=11668 المصـدر:منتديات رمال كرمة (قسكو تيق). بتاريخ: 07-21-2009- *** - معظم السودانيون الذين سافروا للقاهرة لاكمال اجراءات السفر للولايات المتحدة الامريكية تفاجأوا برفض السفارة الامريكية اعتماد الجواز الجديد والذى يسمى عبطا بالجواز الالكترونى مما دعى معظمهم لاستخراج جوازات قديمة من جديد فى السفارة السودانية بالقاهرة ...
*** - كما رفضت السفارة السودانية هنا بالخرطوم التعامل بالجواز السودانى الجديد واعادوا كل شخص يحمل الجواز الجديد ووجهوهم باستعادة جوازاتهم القديمة حتى يتم التعامل به ...
*** - المعروف ان الجواز السودانى الجديد يكلف 450 الف جنيه سودانى كاغلى جواز فى العالم والجميع فى دهشة بسبب هذا السعر الخرافى مع العلم ان الجواز الجديد لا يختلف كثيرا عن الجواز القديم بل هو نفس الجواز القديم والاختلاف البسيط فى ان صفحة المعلومات فى الجواز الجديد ممغنطة وهذا لا يكلف كل هذا السعر مما اعتبر انه بند سرقة جديد للشعب المسكين ..
*** - ننوه كل المسافرين الى الولايات المتحدة الاحتفاظ بجوازاتهم القديمة وعدم التكلف والسفر بالجواز الجديد الى القاهرة .... -------------------------------------------------------------------------
تعليقات القراء علي الخـبـر اعـلاه: ---------------------------------- 1- 450 الف يا مفترين يا لصوص ... وفى الاخر يطلع فشوش !!!!!!!!!!!!! والله انا مفكر اسيب السفر عشان ما اطلع جواز جديد والحرامية يستفيدوا يا لصوص يا قتلة!!!
2- سبحان الله دا شنو التخبط دا!!! عليك الله يا هشام خت لى (وش باكى) ما عندى فى الجهاز!!
3- لكمندان اخوى... وهل يكفى (وش باكى ) للتعبير عن وطن كله دموع ؟؟؟ الله يعينا.
4- دى بلد شنو دى?!!! كل يوم عملة جديدة .. دينار جنيه ما بقى لينا الا الين اليابانى قبلما نفهم الدينار .. جابوا جنيه جديد شنو حكاية الجديد دى جنيه قديم .. جنيه جديد جواز قديم .. جواز جديد حتى المواصلات كل يوم موقف جديد الله يكون فى عونا!!!
5- بلد ذى خريف اليومين دى.... بلد معفنة بريحة الفساد!!
6- قبل 3 اسابيع تقريبا .... شهدت حادث من ذاك القبيل اثناء وجودي بمجمع جوازات امدرمان : حضر شخص (واظنه طبيب) حسب ما اذكر ... حضر الي المجمع وروي قصته بأنه ذهب الي السفارة الامريكية لاخذ التأشيرة بعد استخراجه للجواز الجديد (الاليكتروني) ولكنه تفاجأ برفض السفارة اعطائه التأشيرة بسبب ان اسمه غير مكتوب كاملا باللغة الانجليزية )full name).... وفقط مكتوب اسم العائلة بالجواز)family name)....... وفعلا لا توجد في مكونات الجواز فقرة (الاسم الكامل باللغة الانجليزية) ..... وغادرت والحيرة ..... هي سيدة الموقف!!
7- أفا.... رحنا في طوكر امريكا رفضت الجواز الجديد المصيبة حيتبعها بنات الذين بريطانيا وفرنسا ومن شايعهم وطوالي حيجوا الكيزان ويبرروا ليك ويفكوا فينا عقدهم ويقولوا نحن الجواز اصلوا ما عملناه عشان امريكا ودول الاستكبار يعني حاسافر بالجواز دا لي دلقو ولا لي همشكوريب قلت لي الجواز بي كم 450 ألف جنيه جنيه ينطح جنيه أول مرة اسمع بان جواز السفر يكلف اكتر من الزواج سمعت بان الزواج في بعض المناطق يكلف 200 ألف جنيه يعني تأخذ المرا وما حمل بـ 200 ألف وجواز السفر بـ 450 ألف أقول ليك حاجة يا هشام سيبك من السفر والاغتراب واتزوج ليك واحدة ولا اتنين وتوفر كمان 50 ألف وخلاص الله يخرب بيت اوكامبو الله يعطينا الفي مرادنا قولوا اميييييييين !!!
8-- الاخ هشام: كلامك صحيح ... بس ما تقلب مواجع خالك الفاضل ابراهيم .. بعدما استخرج 5 جوازات جديدة لاولاده ب 2,250 جنيه (بالجديد) ناس السفارة الامريكية بالخرطوم قالوا ليهم الجوازات مش مقبولة..
9- يا هشام يا ابنى،انت لازم تدخل اللجنة،بدخولك اليها ستري الاشياء بوضوح،يعني الابيض تراه قمحيا،ولون زينب تراه احمرا ،اللون المفضل ليك، انت جهزت باسبورتك بالقديم او بالجديد،الله يعلم حيدقوا فيزة الخروج ام لا؟؟؟؟؟؟؟ بث قول يا رب!!
10- تقول لى وطن .. قدر وطنك مع الاوطان .. قدر وطنك اذا ما كان سحايبو ابن .. يمرقن قش من الوديان .. عفن .. ما بعدو تانى عفن .. مجرد واطه لمت ناس .. علم ، لا غيره لا إحساس .. دلق .. منتوف من اى كفن .. مصبغ ظن .. تقول لى وطن . (تخريمة بلهجه شايقيه)!!!
11- لاخ ranger بالفعل لاحظت هذا الخلل فى الجواز الجديد حيث لا يوجد سوى اسم العائلة باللغة الانجليزية ... اما المصيبة الكبرى ان استخراج هذا الجواز غير متوفر الا بجوازات ام درمان فى كل السودان حيث كنت ظهر اليوم مع الاخ بكرى زمراوى فوجدنا الامة السودانية كلها تتخانق هناك بشكل هستيرى وكانه يوم الحشر ... طالما ان الدولة غير جاهزة فى كل اقسامها لاستخراج هذا الجواز فلماذا بدأ العمل به ؟؟ اما كان الافضل التجهيز لينطلق العمل فى كل اقسام الوطن ؟؟؟
12- الخال حمزاوى..... مستغرب ليه ؟؟؟؟ طالما انك فى السودان بلد العجائب ... انسى الاستغراب واذا اردت ان تقضى وقتا هانئا هنا عليك ان تحبس الدهشة فى دولابك وتخرج .. عادى ان يكون استخراج جواز اغلى من الزواج لانك فى وطن تشرب فيه الماء بجنيه وتفضيه باتنين جنيه انت فى وطن تفرش الطعام على الارض وتعرض الجزم فى البترينات انت فى دولة قتل فيها الشرفاء ويحكمها اللصوص لا تستغرب!!!
13- الخال كارتر..... انا باسبورتى القديم معاى لكن عشان تغير المهنة لازم تطلع جواز جديد وعشان تطلع جواز جديد لازم تدفع 450 الف جنيه وعشان تدفع ال450 الف جنيه لازم تدخل لجنة ولما دخلنا اللجنة قاموا فرتقوها احسن نعمل بتصيحة حمزاوى ونعرس يا رب!!!
14- يا دين النبي وهل أصبحنا مغتربين في السودان كمان...سفارة للسودان في قلب الخرطوم.... الجواز الألكتروني الجديد..بلوه وموصوه واشربوا مويته وثائق السفر اشتكت او قالت لأ!!
*** - هـل لان البشيـر شـتم اميـريكا وقال انـها تـحـت حـذاءه، راحـت واشـنطن وتؤدبنا حـتـي فـي جـوازات سـفرنا السودانيـة?!!!
|
|
|
|
|
|
|
العنوان |
الكاتب |
Date |
شتم البشير اميريكا،..فـجمدت واشنطن الأموال السودانية ببنوكهاوحـولتهالصالح ضحايا المدمرة “كول”!! | بكري الصايغ | 09-18-09, 05:46 PM |
Re: شتم البشير اميريكا،..فـجمدت واشنطن الأموال السودانية ببنوكهاوحـولتهالصالح ضحايا المدمرة “كو | بكري الصايغ | 09-18-09, 06:00 PM |
Re: شتم البشير اميريكا،..فـجمدت واشنطن الأموال السودانية ببنوكهاوحـولتهالصالح ضحايا المدمرة “كو | بكري الصايغ | 09-18-09, 06:07 PM |
Re: شتم البشير اميريكا،..فـجمدت واشنطن الأموال السودانية ببنوكهاوحـولتهالصالح ضحايا المدمرة “كو | Ahmed Abdallah | 09-18-09, 06:25 PM |
Re: شتم البشير اميريكا،..فـجمدت واشنطن الأموال السودانية ببنوكهاوحـولتهالصالح ضحايا المدمرة “كو | بكري الصايغ | 09-18-09, 06:41 PM |
Re: شتم البشير اميريكا،..فـجمدت واشنطن الأموال السودانية ببنوكهاوحـولتهالصالح ضحايا المدمرة “كو | بكري الصايغ | 09-18-09, 07:50 PM |
Re: شتم البشير اميريكا،..فـجمدت واشنطن الأموال السودانية ببنوكهاوحـولتهالصالح ضحايا المدمرة “كو | SAIF MUstafa | 09-18-09, 09:33 PM |
Re: شتم البشير اميريكا،..فـجمدت واشنطن الأموال السودانية ببنوكهاوحـولتهالصالح ضحايا المدمرة “كو | ابراهيم على ابراهيم المحامى | 09-19-09, 04:08 AM |
Re: شتم البشير اميريكا،..فـجمدت واشنطن الأموال السودانية ببنوكهاوحـولتهالصالح ضحايا المدمرة “كو | بكري الصايغ | 09-19-09, 03:44 PM |
Re: شتم البشير اميريكا،..فـجمدت واشنطن الأموال السودانية ببنوكهاوحـولتهالصالح ضحايا المدمرة “كو | Nazar Yousif | 09-19-09, 04:30 PM |
Re: شتم البشير اميريكا،..فـجمدت واشنطن الأموال السودانية ببنوكهاوحـولتهالصالح ضحايا المدمرة “كو | بكري الصايغ | 09-20-09, 02:51 AM |
Re: شتم البشير اميريكا،..فـجمدت واشنطن الأموال السودانية ببنوكهاوحـولتهالصالح ضحايا المدمرة “كو | بكري الصايغ | 09-20-09, 11:39 PM |
Re: شتم البشير اميريكا،..فـجمدت واشنطن الأموال السودانية ببنوكهاوحـولتهالصالح ضحايا المدمرة “كو | بكري الصايغ | 09-26-09, 04:20 PM |
|
|
|