|
Re: هل الأحوال في السودان هي السبب .... أم نحن أدمنــّا الغربة ؟ ..... أم ماذا ؟ (Re: أمين يحيى)
|
أهداف الغربة نفسها تنوعت وتعددت حسب طول فترة الإغتراب لأنها تدريجيا تتحول لمصاريف قراية الأولاد (البند الجديد لمغتربين الخليج هو مأمون حميدة) والعمر يمضي و ...أهو ديل الأولاد كبروا وعيـيـيــيـيـيـيـيـك فجأة تسأل ناس الهدف من الغربة تلقى أول الأهداف كان قبل 25 سنة لا يتعدى قطعة الواطة والزمن جااااااااري لغاية ما بقى الهدف عرس الولد أو البنت !!! يا سبحان الله . القصة بعد داك بتدخل في إدمان الغربة والإحساس بعدم القدرة على التكيّف مع الحياة في السودان وكأن الواحد عمرو ما عاش في السودان قبل ما يطلع منو ، الله يقدّرك حاول أقنع ليك واحد من الجماعة الفوق ديل يرجع السودان يزوغ ليك بي مية حجة عشان يقنعك بان الحكاية ما إدمان . كتير من الناس في الإغتراب بيجدوا فعلاً حياة رغيدة مع رواتب وإمتيازات يصعب – إن لم يكن مستحيلاً – توفرها في السودان ولديهم من مبررات البقاء في الغربة الكثير من الأسباب ولكن يبقى السؤال : إنتو ناويين تقعدوا في الغربة دي لمتين ؟
|
|
|
|
|
|