|
|
 Re: الوحشيه والغزاره... ام الزله القادمه والخساره (Re: الرشيد ابراهيم احمد)
|
الزغاريد والسلاح ضرب
ياساتر استر علينا الحاصل شنو يا ناس في الحله
لا لا خير حاج الخضر بقي رئيس المحليه
ما تخاف يا ابو الطاهر البلد راجيه خير كتير مع حاج الخضر
البلد داب ما دخلت في قد ابره يا عباس ياولدي
الشهر الثالث ....
حاج الخضر عازم ليهو ناس قال ليكم يا صبيان الحله تمشو الغابه تجيبو الحطب
الضيوف باين عليهم مرتاحين يا ابو الطاهر
دي راحه من عرق العلابه اخير منها الموت ياولدي
كبير الضيوف قالو مدير البنك الزراعي يا حاج الامين
خير امكن مدير البنك الزراعي دا يخدر لينا المشروع
باقي بهايمنا ماتن من الجوع والشفع ديل هلكم العمي بالليل بالهي الحدبه عادم طفاي النار
الحدبه بقت تححن والله يا حاج الامين الشفع بدخلو البيوت قبال المغرب
الله يفرج علينا ويهدي لينا مدير البنك يخدر لينا المشروع
يخدر شنو يا ابو الطاهر ديل بخدرو فينا نحن ما بخدرو لينا
اسبوع...
سمعته يا حاج الامين
سمعته شنو يا عباس
حاج الخضر جاب بابورين تركترين يعني ماسي 290 قالو دا مدير البنك
كلام والله
في زول رفع الاذان ياولاد
لا والله يا حاج الامين لا الطاهر ولدك قال داير ينبه
خلصت صلاة الصبح
الحق يابو الطاهر البلد
مكرضنه ( اي محاطه ) عساكر يا ستار
|
|
 
|
|
|
|
الرشيد ابراهيم احمد
فيس بوك
تويتر
انستقرام
يوتيوب
بنتيريست