ريهان الشاذلي

Quote: سلامات الاخ هشام والمحترمين المتداخلين .. اعترف امام الله الواحد وامامكم جميعا انو البوست (طيب الذكر) ده اصابني بحالة هلامية من الانتشاء والانبساط واعترف باني دوست علي ريفريش زي مية مرة عشان اقراء وانو كل ما يدخل زول دواخلي بترقص طربا وراسي بتسأل هل من مذيد؟ وعلي الرغم من معرفتي بالقواعد السلوكية المفروض تتبع في الحالات الزي دي ( انو الناس بتشكرك وبتقول عنك كلام كويس ) والمفروض انو الواحد يعمل رايح ويعمل فيها كأنو الشكر والكلام السمح ما مؤثر فيهو وانو القصة كأنها عادية ومتعود عليها لكن صراحة لله غلبني عديل امثل الدور المتعارف عليه ده ومن كترة ما انبسطت لمن بقيت من امبارح لي الليلة كل ما القي زول اقول ليهو اجري شوف هشام ادم في سودانيز كتب عني كلام سمح وكده .. انا متأكدة من انو الانبساطة وضع طبيعي حسب كلام الفلاسفة البقولو انو اعمق الدوافع البشرية انو نحس باننا مهمين (ده كلامهم) لكن ما متاكده من الاعتراف بالانبساطة طبيعي ولا لا ؟؟ انحني شكرا ليك اخي هشام فباين انا كنت محتاجة بوست زي ده عشان اعرف مدي تمدد فتنة الاطراء جواي وعشان اعرف كم هو جميل ان تكون المكابسات بتاعتي والتي تطلقون عليها مجازا مداخلات قاعدة تكون مفيدة بعض مرات والادهي من كده رزينة..