الامام هاشم الامام (معاك فى هذا البوست)

Quote: Quote: تقول نوبية السودان !!!!!! .. ما هذا الغمط لهوية الآخرين؟؟ .. هل البجا نوبة؟ هل الفور نوبة؟ هل البقارة نوبة.؟ هل الشكرية نوبة؟ هل الدينكا نوبة؟؟ هل هناك أي قاسم نوبي مشترك بين هذه الإثنيات ؟؟ .. هل تتكلم هذه الإثنيات اللغة النوبية إن وجدت؟؟ لماذا تريد أن تفرض عليهم هويتك وتدعي نوبية السودان كفاحآ؟؟ .. لم إذن تستميت في رفض العروبة وتظن أن الآخرين سيرتضون أن تدبغهم بنوبيتك؟؟!!! .. الثقافة العربية الاسلامية هي الجامع الوحيد لهذه الإثنيات ولذلك أعتبرها الهيكل العظمي الذي بني عليه الإجماع السوداني وهي السبيل الوحيد الذي يجمعك كنوبي مع البجاوي مع الفوراوي مع البقاري مع الجعلي .. تجي تقول لينا عاوز تدمر الهيكل العظمي عشان تقول للناس إنتو كسودانيين أنتم كافة: نوبيين؟؟ !!! فرضنا إنو الناس لغت العروبة وشطبتها من الأوراق الرسمية والجوازات والجنسية والإذاعة والتلفزيون والصحف والمناهج !!! .. أها حتستبدلها باللغة النوبية أم الهدندوية أم الفوراوية ـ أم ستقهر العالمين وتفرض عليهم الإنجليزية؟؟!!! ما خفة العقل هذه ؟؟ !!! الاخ منير سلامات الاخ نورالدين بيقول الكلام ده من خلال وقائع تاريخية عمرها لا تقل عن سبعة الف سنة قبل الميلاد وهى مملكة كوش النوبية و التى امتدت الى خارج خرطة السودان الحالى والتى كانت تضم غالبية دول شرق افريقياالحالية والتى كانت عاصمتها كرمة فى شمال السودان , وبعد ده نورالدين ما فارض على زول النوبية بقدر ما انتم فارضين على الاخرين عروبتكم! نورالدين بيبحث عن حقوقه النوبية من ثقافة ولغة وتراث وتاريخ على الاقل فى اقليمه النوبى التقليدى الان ,من (الغدار جنوبا الى وادى حلفا شمالا) وما حنقوليكم حدود 56 والا 67 , لانو حدودنا قبل سقوط سوبا بالاف السنين و بالطريقة دى حدودنا كل السودان ويشاركوننا فيه كل الاثنيات التى ذكرتها انت اعلاه وهى اثنيات اصيلة فى التراب السودانى ما عدا العرب الذين هاجروا الينا من الجزيرة العربية . وبعدين هيكلك العظمى ده ما فى زول شاوروهو فيه , بل فرضت علينا فرض بواسطة صفوة عروبية من المركز , ياخى انا لغاية ما دخلت المدرسة الابتدائية وعمرى 8 سنوات ما عندى علاقة باللغة العربية , وما كان عندى خيار غير اتعامل معاها عشان اتعلم , وكل ما وجدنا فرصة كنا نتحدث لغتنا النوبية داخل الفصل , داخل حوش المدرسة , خارج سور المدرسة فى طريقنا الى المنزل , فى الحى , داخل المنزل , واكيد سمعت ببطاقة الرطانة فى المدارس النوبية والتى بموجبها كان يتم جلد كل من يتحدث اللغة النوبية داخل حوش المدرسة , وبعد ده كله جاى تقول لى هيكل عظمى كانما هذه الشعوب اختارته بمحض ارادتها! يا اخى منير كيف لشعب دخيل على شعب اخر فى بلده ان يفرض عليه ثقافته ولغته وخصوصياته على حساب ثقافته ولغته وخصوصياته ؟ كيف لشعب دخيل على شعب فى بلده التى استضافه ان يسمى هذا البلد باسمه لاغيا الاخرين اصحابين البلد الاصيلين وهنا اقصد ( عروبة الدولة السودانية) هل الغاء ثقافة ولغةالاخر من الدين الاسلامى فى شئ؟ هل توجد فى كل الاعراف السماوية والدولية الغاء شعب على شعب اخر؟ هل رسول الدين الاسلامى وربه قالوا سوى كان فى حديث او ايه قرانية ,بانه لا يستقيم اسلام المرء الا بتعلمه للغة العربية؟ هل طلبوا من ناشرى الاسلام فى المشرق والمغرب نشر اللغة العربية مع الاسلام؟ ماذا تعنى لك الايات والاحاديث الكثيرة التى تعترف بالتعدد الاثنى واللغوى , وهذا التعدد بالطبع من طبيعة الكون , التى يريدك الخالق سبحانه وتعالى ان تفكر فيها قبل ان تفكر فى ذاتها ( لاتفكروا فى ذاتى , بل فكروا فى مخلوقاتى) ماذا يضير دعاة هيمنة العروبة فى السودان بكل تفاصيلها , اذا كونا دولة سودانية باسس جديدة بكل حقوق الشعب السودانى من نوبة وعرب وفور وزعاوة وبجا ودينكا ....... والخ بالتساوى وبالعدالة , لا غلبة لاثنية على حساب الاخر و تنتفى فيها كل ثقافة التعالى والازدراء والاحتقار الموجودة الان , على ان تكون دولة سودانية متعددة الاثتيات واللغات والثقافات والعادات والتقاليد والاديان وتقع فى قارة افريقيا؟ (عدل بواسطة خالد