عدم الشغلة....علم القرد المشاط

Quote: خلاص يا تمبس دي الفرمطة الوعدتنا بيها؟؟!!! تقوم تشرد....وتقول اجازة يوم الاحد... اكيد ((المستكعين )) من قوم شعيب قالو ليك الزول ده ما تشتغل بيه مسكين والله....كنا قايلنك من ((العقول الحرة)) في البورد ورغم ذكاءك الواضح

..
قال ايه رغم ذكاءك الواضح .. والله يا بروتس دي قلبت فيها هووبا عديل كدا ..
بلاي دي من ياتو مركز في المراكز ؟؟ أوعه تكون من مركز الدايره ؟؟
البسمع كلام تشرد وبتاع يقول الود عصااار وبتاع منطق .. ياخ إنت شغال تنوير من سنة الناس شغاله بالرتاين في البورد دا ماف زول هببو ليك .. تكتب وترفع بي ضراعك .. يعني حسع شان دقسنا منك جاي عامل فيها مجنون ..؟ المرة الفاتت ما قلت تاني ان مكان فوقو تمبس دا ما بجي راجع ليهو حسع بقيت تتقريف لي ، دي ما ياه الفرمطة البقولو عليها ..
بالمناسبة تاني انا بحاسبك بي السبوع .. كل يوم اربحا بكتب ليك رقم حساب هنا عشان ترسل لي فوقو .. بعيد عنك انا بشتغل من السبت لي الاربحا .. وبقفل حساباتي وبعمل جرد يوم الاربحا الساعة اطناشر .. دا بس شان تكون عارف ما تجي تعمل حركاتك دي لما اكون مافي .. دا من ناحية .. ومن ناحية أخرى انا عملت ليك استمارة دخول لي امدرمان عن طريق الكبري الجديد .. اهو منها تمشي تشم هوا ومنها تتفسح في منتزة حبيبي مفلس طالما انك بتحب اغاني الجبجبة دي .. بس اوعه تقوم تحتل لينا هناك بي وشك .. الدنيا انتخابات والاستمارات نحن ما حايقه فينا ..