عدم الشغلة....علم القرد المشاط

Quote: فتحت لي كم بوست كده من الطافحة في الصفحة الاولى وقايل نفسي لسه نحن في نسة 2002 فلان قال ...فلانة قالت انت تقول هي قالت هو قال....هي قالت يا علان وينك يا فلان انا ماشي ليتوانيا يا علان ان جيت من الحشرو عباس وهلجرااااا

وتمشط لينا المنطقة من بوستات ناس فلانه وعلانه ؟؟ وتكتب ليك هلمجرا بي مية وخمسين الف .. وكان ما مسكتك حسع كان عملت للبرود كلو ( فليته )؟
براحه كدا ما عجبتك السمايات المدوره هنا دا .. تاخد بعضيك وتمشي تشوف ليك حوليـة يا تمشي مركز الخاتم عدلان بتاعك القاعد تملى منو بطاطيرك وشابكنا ح نفتح ليكم محلات جمرة خبيثه للتوعية وصياغة المفاهيم ولب لب لب .. إلخ ..
اعلاه فيم يتعلق بي فلانه قالت لي فرتكان .. بقيت زيك وزي باقر جكس واحد ما يفرقوكم إلا بالطواقي .. يعني بوستيك الجاي يا بروتس البورد الواجعاهو يدو .. احتمال كبير تقوم تفتح ليك بوست نظام عام .. تصادر فيهو حريات فلان وقوالات علان عن فلان داك .. وبي تحت كدا تفتح ليك محلات ملايـات وبوتيك فساتين زفاف .. ومحل بي تحت خالص بتاع قدر ظروفك .. حسع فرقك من الكيزان شنـو؟؟ الكيزان اعدمو جرجس ومجدي وشالو قروشم .. وفي نفس الوقت عاملين مخدات من الاسترليني وابو الجورج .. والين الياباني .. مش قلت ليك قبل فترة بطارياتك دي نزلت ؟؟
هــام:
اي زول تقدمي وسودان جديد ما عاجباهو ونسة الجكس هنـا .. وفطور العريس ودق الريحـة .. يمشي يشتري ليهو حمام يطيرو .. وينسانا من مسالة القرد دي .. لانو القرد دا اكلتو لحمو عديل هنا في البورد دا .. ( نسخـة لي الباقر جكس من الاعلان دا ومن الاعلان العالمي لحقوق القرد ) ..

Quote: سلام ونشكرك على مشاركتنا الاحزان في بوستاتنا البائرة

يا زول تشكرني على شنو.. نحن ناس بيت ..

Quote: يعني انت اخدت فيها كورس لبسط الامن الشامل في البورد ولى شنو؟؟!! تمام والله

لا وانت الصادق اخدت فيها كورس استنارة معاكسة لكن ما نفعت معاي جيت لقيتك يا عبد المعين تعيني قمت لقيتك إنت زاتك يا عبد المعين فاقد سوايل وحالتك تحنن ..

Quote: بس انت ابعد من ناس السودان الجديد ديل

..وووين مشروعك التوعوي .. ومراكز الابحاث بتاعتكم دا كلوو راح شمار في مرقـة ؟؟ ابعد كيف انا لكن ومنو البنور لي ظلمتي ويولع بي ؟؟ مالكم انتو خفاف كدا دا .. وبتقعو من أول خمسة امتار ؟؟ ومال ح تعملوا شنو مع ناس الميل اربعين .. والدبابين ؟؟ ايوووه عشان كدا كل يوم تلاتة جايين بتبكو هنا الكيزان عملو لينا .. والكوزات دقونــا .. وياااا ابكرونــا .. نسوان دقونــا وكدا ..

Quote: اوعا تكون زعلتك النقطة؟؟!! وجيتني جاري بشوق ومحبة ودمعا جاري

بالعكس نفس نقطتك دي المرة الفاتت بكتك بي دموعك وقلت تاااني انا ما بدخل ليك في اي مكان .. لكن يظهر انك نسيت الناس .. يا كمان بتحب الونسه الدقاقه .. بالدرب الفوقاني .. تتذكر يا بروست انا مشت في زمن سابق قلت ليك بفرمطك .. وبدخل ليك نسخه سودان قديم وبطير ليك الخزعبلات الفي راسك دي كلها ..؟
اها
مشت مشيت وجيت بي نقطتك دي ..؟
عاين ..؟
من هنا ولي قدام المحاضرات بي قروش .. فترنا من فرش المتاع المجاني دا .. وإنتو ما بتحسو بدل شابكنا امشو المركز الفلاني ومركبنا مواصلات وبتاع .. اهو شوف بنجيك لي حتتك وبنشتغل ليك بالمجان .. ونخمك ناشف بعد العرض ونمشي نركب ليك درب جلكوز .. وننومك .. ومن ثم نجي راجعين نجيب ليك نعلاتك ولامؤاخذهـ.
المره الجاية الحضرة دي تجي داخله حفيان ,, وبي مرقوعــتك ..

قال ايــه ..؟
قرد ناس فلانه قال لي ككوية ناس علان ..
وتسالو بالكرب كدا يقول ليك انا سودان جديد ..
ياخ اقوليك حاجة..؟
سودان جديد ويااااي .. قصرت معاك ؟؟


هوووي يا بتاعين السودان الجديد .. تعالو سوقو زولكم دا .. والله يتابعني .. هو وقردو الجايبو دا .. بزرع ليهم شجرة موز هنا دا ..