|
Re: الفكي ابو زنقلة الطفش من الحلة....!!! (Re: طارق جبريل)
|
فى سنه ست وتسعين جا الحرامى النجيض ودخل البيت وعدل على الصالون والصالون مقسوم قسمين
كل قسم فيهو تلاته انفار شحط يشخرون فدخل القسم الثانى وكان فى دولاب من اربع ضلف الضلفه
التانيه على اليمين دى بالذات كان تحت شديد كيس مخده كيس المخده ده فيهو 2 مليون جنيه جنيه ينطح جنيه
وفوق الكيس جهاز فيديو عشان يهجر القروش , وفوق الفيديو هدوم منثوره لزوم التضليل ...
اها الحرامى ده بفراستو (فلس) الدولاب (وفلس بينا) وشال الفيديو والتحت الفديو وطلع زى الشعره من العجين
وهو ماشى وقعت منو الوصله ولم يكترس لتوافه الامور وتركها .وفتح الباب وطلع ..ويبدو انه ما مربى لانو
لم يقفل الباب من خلفه وتركه مفتوح تسهيلا لاى حرامى اخر .........
اول من صحى كان زوج اختى فوجد الدولاب مفتوح . فجا الى مباشره وقال لى اتسرقنا اتسرقنا قوم قوم
ومشينا على الدولاب بعد فتحنا النور وتبنا القروش كانت اتلحست .....
بعدها جرينا على السهله كان لقينا وصله الفديو قنا الحمد لله عشان يتعب يمشى يشترى وصله وما يستمتع بى الشوف اليوم
من شده الخلعه مشينا تجاه بسط الامن الشامل لمن وصلنا كان مافى حد ....
رجعت البيت بسرعه طلعت العربيه من القراش وانطلقت بسرعه الريح نحو القسم الجنوبى
المهم اجراءات تانيه اخدت ساعه تقريبا بعدها طلعو معانا اتنين خبراء ومشو فتشو وقالو الله يعوضكم
رجعونا القسم للصباح بنعرف الحاصل شنو ......وعندنا مشتبه فيهم بنجيبهم ...
بعدها حصل نفير فى الحله مشطنا مدرسه المؤتمر فصل فصل ومشطنا خور ابو عنجه شبر شبر ومشينا تحت الكبرى صحينا الناس النايمه
بعدها مشينا تحت قبه البرلمان المجلس الوطنى وفتشنا شبر شبر ....
لم نجد اى وصله اخرى له ....
|
|
|
|
|
|
|
العنوان |
الكاتب |
Date |
الفكي ابو زنقلة الطفش من الحلة....!!! | عبدالكريم الامين احمد | 07-03-09, 11:31 AM |
Re: الفكي ابو زنقلة الطفش من الحلة....!!! | عبدالكريم الامين احمد | 07-03-09, 11:37 AM |
Re: الفكي ابو زنقلة الطفش من الحلة....!!! | طارق جبريل | 07-03-09, 11:39 AM |
Re: الفكي ابو زنقلة الطفش من الحلة....!!! | عبدالكريم الامين احمد | 07-03-09, 11:52 AM |
Re: الفكي ابو زنقلة الطفش من الحلة....!!! | عمر سعد | 07-03-09, 12:00 PM |
Re: الفكي ابو زنقلة الطفش من الحلة....!!! | عبدالكريم الامين احمد | 07-03-09, 11:46 AM |
Re: الفكي ابو زنقلة الطفش من الحلة....!!! | عبدالكريم الامين احمد | 07-03-09, 12:17 PM |
Re: الفكي ابو زنقلة الطفش من الحلة....!!! | عبدالكريم الامين احمد | 07-03-09, 12:22 PM |
Re: الفكي ابو زنقلة الطفش من الحلة....!!! | عمر سعد | 07-03-09, 12:50 PM |
Re: الفكي ابو زنقلة الطفش من الحلة....!!! | عبدالكريم الامين احمد | 07-03-09, 12:54 PM |
Re: الفكي ابو زنقلة الطفش من الحلة....!!! | عبدالكريم أحمد الامين | 07-03-09, 11:11 PM |
Re: الفكي ابو زنقلة الطفش من الحلة....!!! | عمر سعد | 07-04-09, 01:12 AM |
|
|
|