|
|
 Re: القُـرى التي حلّ فيها العذاب (Re: DKEEN)
|
العزيز عمدة
كضبا كاضب سيد عماد
الدناقلة تحديدا مجتمع مرن وفلكسبل ويتقبل الاخر وافكار الاخر وعموم عالم وثقافته الاخر بما تحويه من سلوك وانماط معيشية..
مجتمع متطور جداً لو تعلمون وقابل للتاقلم مع الاخر ومع افكاره دون قيود..
لدرجة انني – لولا حنينهم الدائم للغة والبلد- احسهم بلا انتماء لشي معين..
الدنقلاوي بني ادم لاتدهشه الاشياء ولايقيم وزنا إلا وفق فلتره الخاص..ينتقل بثقافته الى عالم الاخرين وينساب معها في توافق تام وربما امتد به زمان غربته لاكثر من ثلاثين عاماً يعود بعدها متحدثا طِلقاً للغة الفرنسية ويجي اول شي يسويهو بعد يرجع بي بيتو في الكلاكلة يعلق صورة بالحجم الكبير لبرج ايفل في الصالون وصورة امو ويشتل شجرة بلح وشتلة ليمون في الحوش..
ويمكن للوافد الى مضاربهم ان يكون جزءا من مجتمعهم في سهولة ويسر ..
ولو لن تكن شديد الشذوذ في سلوكك العام فنادرا ماتلقى ليك دنقلاي يقول ليك انتا قصتك شنو؟؟
قبيلة كانهم ولدو اجمعين في برج الدلو..
تانيا وانا رجلٌ لا يسعدني ان اتني عليك وانت عليم..
تانيا: قصة الدنقلاوي حلاب التيس دي ليست كما يرويها الناس وانما حورت لاغراض قبيلة لااعيرها في هذا المقام اهتمام.
ولان القبيلة ومنذ تاريخ بعيد كانت تسيطر على اعمال التجارة باشكالها المتنوعة بمافيها تجارة الادميين ..واشتهرت بفلاحة تجارها (راجع كتاب مذكرات يوسف ميخائيل عن التركية السابقة نواحي الابيض وبارا وخرسي، وراجع ماشئت من كتب اخرى) المهم اشتهر التاجر الدنقلاوي(الجلابة) ..وبقدرته على فعل المستحيل حتى عرف بانو الدنقلاوي
(التيس ذاتو بلحبو)
وتحديدا كانت القصة كالاتي:
يروى عن والد ادريس ابتر رجل المهدية والذي كانت له تجارة عيش وقمح رائجة بين بارا ودنقلا واسوان ..اها وفي صفقة ما مع عبابدة في نواحي توشكي حضرهم احد الدناقلة وطلب منهم اصطحابه الى مابعد معابد الشمس وكان يقصد حينها معابد ابي سمبل..
اها قالو العبابدة بعد ما اشترو العيش من "ابتر" ابتر سالوهو بسخرية كم سيدفع ثمنا لذلك فقال لهم الدنقلاوي وكان معدماً والله ماعندي غير البهيمة المعاي دي وانا محتاج ليه في العالم الجديد الماشي ليهو..
ونظر لها ادريس ومن معه من العبابدة الى البهيمة فاذا بها تيس اقرن ما افضله عليكم..
اها العبابدة لتعجيزة قالو ليهو ياخوي ركبتا معانا تب بس عايزن نشرب شاي مغرب بي لبن مقنن من تيسك ده..
الدنقلاوي قال ليهم شاهيكم حاضر تب وكان الوكت ظهراً..
ثم انهم لما اقترب وقت المغارب في نواحي توشكي وارقين واحمرت افق الشفق على تخوم صحراء النوبة..جاء الدنقلاوي والجماعة نيام فصعد على مراكب العبابدة المحملة بالعيش ونقل منها ماتيسر خلسة وخرم المركب محملا بشوال واحد ثم اختفى وجا مع المغرب للجماعة شايلو قدحاً في لبن زي الشيخ الماحي بريئاً، وقال ليهم اه انا اللبن بتاعي جاهز بس وينو شاييكم ..فقز العبادي نحو القيفة ليجلب الشيا من المركب وسط دهشة "ابتر" ونظرته المتشككة نحو اخونا..اها فما هي لحظات حتى ضجت الكواريك " الحقو المركب قاعدة تغرق ..عوووك" فركضو نحو القارب الذي لم يكن يبين منه ساعتها سوى علم السارية وعيش مشتت فوق اطراف واسعة من النيل..
اها بعض شويتين نظر الناس في شكة وريبة نحو الدنقلاوي ..
الدنقلاوي قال ليهم خير عل مافي عوجة.
قالو ليهو: مركبنا ده سفري وما بجيب موية كيف دخلت فيهو موية؟؟
الدنقلاوي قال ليهم بيقين تام لايخالطه شك، يقين ساهم في اظهارة بصورة اليقين المُقنعة اتساع خيال الدنقلاوي ..قال لهم (ياخي معليش.. بس يخوانا بس بالمنطق كده انتو قتو التيس الخلقو ربنا ده بجيب لبن.. مركبكم السويتهو انتو ماقادرين تتخيلو انو بجيب موية؟؟)
ونهض عائداً الى اهلة بتيس خلقة ربنا وعيش عبابدة..وابتسامة العم ابتر..
وجرى القول بعدها بين الاعراب انا (الدنقلاوي حلب التيس وقد المركب ونهب العيش)
|
|
 
|
|
|
|
|
| العنوان |
الكاتب |
Date |
| القُـرى التي حلّ فيها العذاب | DKEEN | 04-29-09, 09:03 AM |
| Re: القُـرى التي حلّ فيها العذاب | حاتم الياس | 04-29-09, 09:25 AM |
| Re: القُـرى التي حلّ فيها العذاب | وليد محمد المبارك | 04-29-09, 09:34 AM |
| Re: القُـرى التي حلّ فيها العذاب | Omar Bob | 04-29-09, 09:37 AM |
| Re: القُـرى التي حلّ فيها العذاب | DKEEN | 04-29-09, 08:33 PM |
| Re: القُـرى التي حلّ فيها العذاب | DKEEN | 04-29-09, 08:30 PM |
| Re: القُـرى التي حلّ فيها العذاب | DKEEN | 04-29-09, 06:21 PM |
| Re: القُـرى التي حلّ فيها العذاب | اساسي | 04-29-09, 09:38 AM |
| Re: القُـرى التي حلّ فيها العذاب | Emad Abdulla | 04-29-09, 10:07 AM |
| Re: القُـرى التي حلّ فيها العذاب | Omar Bob | 04-29-09, 10:16 AM |
| Re: القُـرى التي حلّ فيها العذاب | fadlabi | 04-29-09, 10:45 AM |
| Re: القُـرى التي حلّ فيها العذاب | DKEEN | 05-01-09, 03:16 PM |
| Re: القُـرى التي حلّ فيها العذاب | DKEEN | 04-29-09, 09:19 PM |
| Re: القُـرى التي حلّ فيها العذاب | DKEEN | 04-29-09, 09:21 PM |
| Re: القُـرى التي حلّ فيها العذاب | عزاز شامي | 04-29-09, 05:06 PM |
| Re: القُـرى التي حلّ فيها العذاب | Ishraga Mustafa | 04-29-09, 09:20 PM |
| Re: القُـرى التي حلّ فيها العذاب | Emad Abdulla | 04-29-09, 09:27 PM |
| Re: القُـرى التي حلّ فيها العذاب | DKEEN | 04-30-09, 06:00 AM |
| Re: القُـرى التي حلّ فيها العذاب | DKEEN | 04-30-09, 11:25 AM |
| Re: القُـرى التي حلّ فيها العذاب | DKEEN | 05-02-09, 07:06 PM |
| Re: القُـرى التي حلّ فيها العذاب | DKEEN | 05-02-09, 05:53 PM |
|
| |
فيس بوك
تويتر
انستقرام
يوتيوب
بنتيريست