|
Re: برود-(بكسر رقبة الواو) (Re: عبد المنعم ابراهيم الحاج)
|
Quote: وين مني انتي وانتي وين.. سايقاكي خيل اسطورة لي كل المعارك لي مدن حاكت مصابيح الفرح راية .. ومناديل كفنت سر الدموع.. ساسقت في كل الدروب.. مااتحل في الشارع رباط.. ماخلت الشمعة التمرجح في الضلام.. ويامغرمة.. ابداكي من وين وانتهي.. ابداكي من ابنوس بيهرش في ضو..؟ أو من سبيط هز العراجين واتكى.. أبداكي زي جبادة الجاو المرحلة من جنوب خور القنا.. دلت معاها الانتباه.. خجت قدور العجوة للبكري النضيف.. مدت جسور بين القطيعة الفي الضهر.. ضهر الغباالكرباج بينتح في القفا.. من طينة البلد المدوخة من جفا.. قبال نلج في مجاكرة وكتين كفى.. وكجار وكت طالع هلال.. من هين مليلك في المراحيك انطحن.. "وال وال "ويل ليل النزيف جواك طفا.. قبل النقع ترعاهو ناقة الاختبار.. ومداس عروبتك واطي راس.. قبل المشانق تستحيل دلاية في جيدك قداس.. قبل النحاس حساكي وين في حضرتك.. لاغاكي بين خطين مقسم استواء.. ويامغرمة لاغت جدايلك قوس قزح.. استشهدي.. يانجمة تتشهق شمال الروح تعب.. اتوحدي.. انافي حضورك موجة تتكسر علي صخر الحواجز مرتين.. وانا في حضورك ساعة شدت كل اشارات الذهول وراحت تفتش في الفصول لحظة عرفتك بين مسامات الجرح.. وانا غي حضورك والزمن لحظة وصول .. بين المسيح الجاي من آخر زجاجة خمرة والحد الفصل وعي الطبول.. وكل الخيولفاتن خبب.. مرتاح عليك والشوق صعب.. مرتاح انا وفاتح ضراعيي سبب ..سبب شان تدخلي هيا ادخليني وصلي في ركن القلب .. ماالسكة نامت في العيون .. وانا نمت في بلح التلهف منتظر ساعي البريد .. الا البريد هزم التوقع فيني واتضامن معاك خلاني اكتب رسايل.. مرة في الورق السجن طعم القصيدة ومرة في سقف الرياح.. ارتاح صباحك يارياح .. ماهو البريد هزم التوقع فيني واتضامن معاك.. خلاني اتوحد مع كل الهواجس والظنون .. وافضل اقلب في الخيال كمين سؤال .. يمطن الاقي اجابة للصمت السكن جواكي.. لا رسلتي..لا قلتي.. لا زولن وصل طمتي عنط لا خطاب ..لا كلمة بس لو حتي كانت فيها حرفك انتي ياحرفي المعذبني ومصر يفضل يعصلج للنهاية ولسة ما عايز يفرتق طلسمو الجواني شان ادخل اسمكر نفسي فيك... والقاكي زي عصفور مطرز بالاسف ياجيل صراع .. شهد وشم كان في القبيلة.. بشيلو زول.. وشهد كمان حزمة طيوف اسيانة في الجرس المورم بالنعاس .. مانمت ليلين من سهاد ما ضقت غير كل النشاف الفي الحلق .. وبين خنجر الارق الطعن طفل العيون قالن بنات الدم: - شبابيك الحبيبة دليل تواصل.. زالمسلفة البينا برود هي الفواصل.. |
منعم
جبروت فصول الدهشه في حرفك
بكاء
محبتي
|
|
|
|
|
|
|
العنوان |
الكاتب |
Date |
برود-(بكسر رقبة الواو) | عبد المنعم ابراهيم الحاج | 06-28-05, 05:21 AM |
Re: برود-(بكسر رقبة الواو) | Sidig Rahama Elnour | 06-28-05, 05:46 AM |
Re: برود-(بكسر رقبة الواو) | عبد المنعم ابراهيم الحاج | 06-29-05, 06:15 AM |
Re: برود-(بكسر رقبة الواو) | Alia awadelkareem | 06-28-05, 08:19 AM |
Re: برود-(بكسر رقبة الواو) | عبد المنعم ابراهيم الحاج | 06-29-05, 05:54 PM |
Re: برود-(بكسر رقبة الواو) | عبد المنعم ابراهيم الحاج | 07-05-05, 04:58 AM |
Re: برود-(بكسر رقبة الواو) | عبد المنعم ابراهيم الحاج | 07-06-05, 06:57 PM |
Re: برود-(بكسر رقبة الواو) | THE RAIN | 06-28-05, 11:52 PM |
Re: برود-(بكسر رقبة الواو) | عبد المنعم ابراهيم الحاج | 06-30-05, 07:12 AM |
Re: برود-(بكسر رقبة الواو) | Alia awadelkareem | 07-01-05, 07:10 AM |
Re: برود-(بكسر رقبة الواو) | عبد المنعم ابراهيم الحاج | 07-03-05, 01:16 PM |
|
|
|