|
Re: رسالة من "ابليس" الجمعة 30 يونيو 89 (Re: هاشم أحمد خلف الله)
|
Quote: عبد المنعم أخوي إنشاء الله عافية , مالك يا خوي خوفتني كده أكان إنت مسكون أخير لي
أطلع بره . |
هاشم اخوي كيفنك
الايامات دي ماسكاني
سهرجة شيطانية..
مرة كدة برضو وانا كنت
صغير ..جيت
مارّي بجوار قنطور نمل
.."بيت أبليس"..
والدنيا مغارب..بيتنا
موكّر في نص غابة
اقرب جار لينا مسافة
ميل...
القنطور جم دومة..
وقامت فيهو
شجرة "كرمت" زي القمبور
اهلنا طوالي بحذرونا
من الاقتراب من مثل
هذه الصوامع الطينية..
وملونا ملي بالحكايات
عن الشواطين ..والجان ..واب فانوس
ولو شافك زول
طالع فوق ضهر "صومعية"..
اليوم داك جنك يطلعو من راسك..
اها وانا ماري
اسمعلك نضمي..وهمهمة ألت
مرة..سبيب شعري زي برادة
مغنطيس..وكرعيني اتلخبطن
لغاية ما قادر افرز اليمين
من الشمال..
وعيوني بقن زي "الريال"..
احساسي اللحظة ديك بقي احدّ من
عين صقر..
وراسي جاط جوطة..صوت بوابير اللستر..تنتح في
اللّضان مع انها بعيدة خالس
ووشوشة الريح في الدومة بقت زي صوت
الرّعد..
وايدي تلّجن..وفجأة اشوفلك مره عجوووز
لابسة رحط مشخط بالبني ..و لونو اخضر ناصل ..
وشطورا مكرمشات ..والشعر نازل لحدي الرقبة
معبل .."راستا"..والغريبة مشلخة
تلاتة شليخات لا وراء...
والخشم مافيهو سنون لكنو يمضغ في الفاضي..
اتعارضت لي في الشارع..وانا جفلت زي
حمارة هيبلها كيس....وفكّيت البيرق
والبيت جاك زول ..زول شنو..والله
السهم مازي حالي ...انط جدول ..وأدقش
شجرة ..اتعتر ..قبل ما اقع عديل القى نفسي
استعدلت ..وبسم الله ..بسم الله..بسم الله..لحدي
البيت.
في البيت هاك ياعزايم في الراس ..والحمي
طالعة تلاتة ايام..
وناس ملمومين ..يقرو في القرآن..وعييييييييك
بقيت كويس لكن تاني مافي مغرب
وانا برة البيت...بعد كم شهر
كدة..وانا جايي من المدرسة كنا في تانية ابتدائي.. معاي صاحبي..
غشيت معاه البيت عشان اشرب موية..
أول مادخلت ..اشوف نفس المشهد ..المره الماتغباني
جفلت ..وقلت لصاحبي دي منو؟
قال لي دي حبوبتي ..جابوها من البلد ..بعد ما طلقت.
عرفت الحقيقة ولكن لم احدث أحد.
|
|
|
|
|
|
|
العنوان |
الكاتب |
Date |
رسالة من "ابليس" الجمعة 30 يونيو 89 | عبد المنعم ابراهيم الحاج | 04-09-07, 00:31 AM |
Re: رسالة من "ابليس" الجمعة 30 يونيو 89 | الأمين عثمان صديق محمد | 04-09-07, 00:39 AM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 04-09-07, 10:33 AM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 04-09-07, 11:40 AM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 04-09-07, 11:52 AM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 04-09-07, 12:01 PM |
Re: رسالة من "ابليس" الجمعة 30 يونيو 89 | هاشم أحمد خلف الله | 04-09-07, 12:13 PM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 04-09-07, 02:45 PM |
Re: رسالة من "ابليس" الجمعة 30 يونيو 89 | nassar elhaj | 04-09-07, 02:57 PM |
Re: رسالة من "ابليس" الجمعة 30 يونيو 89 | هاشم أحمد خلف الله | 04-09-07, 03:35 PM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 04-09-07, 04:20 PM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 04-09-07, 04:46 PM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 04-09-07, 08:14 PM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 04-10-07, 04:28 AM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 05-01-07, 10:52 PM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 05-02-07, 00:22 AM |
Re: رسالة من "ابليس" الجمعة 30 يونيو 89 | عاصم الطيب قرشى | 05-02-07, 01:30 AM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 05-02-07, 02:22 AM |
Re: رسالة من "ابليس" الجمعة 30 يونيو 89 | النصرى أمين | 05-02-07, 03:24 AM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 05-02-07, 03:43 AM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 05-02-07, 03:45 AM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 05-02-07, 03:50 AM |
Re: رسالة من "ابليس" الجمعة 30 يونيو 89 | عبد المنعم ابراهيم الحاج | 05-04-07, 06:34 AM |
|
|
|