هل كان مهند مامون صادقاً ؟؟

Quote: فور ما بدأ الأخ / مهند في نشر موضوعه الذي أثار الجدل بشأن حقيقة إختفاء الشاعر أبا ذر الغفاري ، قمت بمخاطبته ناصحاً له و مؤكداً أن هذا الموضوع موضوع خطير جداً و أن عليه عدم الخوض فيه إن لم يكن يمتلك الحقائق بشأنه كاملة .. و رد على الأخ / مهند بهذه الرسالة عبر الماسينغر الداخلي .. Quote: شكرا استاذ عصام يعلم الله كم احترمك واقدرك من خلال اطلاعي على ما تكتب ... حقيقة في البورد ده لو قلت الحقيقة طوالي حا تطلع كوز وعفن ووغد وحقير ... حكاية عجيبة . موضوع ابوذر ده حرقني وبت مقتنعا انو الجماعة ديل مشوا وعرفوا الحاصل لكن رأوا ان بقاء الغموض افيد لهم ... الزول ده اهلو شكلهم مقتنعين بوفاته قتلا في مشكلة مع زول تاني ولست ادري ان كانوا دفنوه او عارفنو مدفون وين وكده ... لو في زول جادي كان بدور بمشي الحاج يوسف ويعرف الحاصل .. والاخ منعم بقول انهم اجتمعوا في مكتب وراق ووراق ده صحفي وساهل عليهم يعرفوا الحقيقة ... انا والله متمني انو تتاح لك بنفسك التحري عن هذه القضية وسبر غورها ... الناس للاسف ما دايرين الحقيقة بل دايرين الجزء الذي يصلح معهم منها وهنا تكمن الفاجعة .. معزتي لك