الثقل النوعي ... يا فرحة ماتمتش

Quote: وأراك أكثر (شخصنة) للبوست من كل المتداخلين، حتى تحدثت عن أهدافي من الكتابة، وأجندتي الخفية والمعلنة!!! وأنها سياسية أكثر منها دينية!!!

Quote: بل لا زلت تلتفتين إلى قلمي بتطرف (كعهدك الأول)، فقط انتقلت من طرف إلى طرف، وإلا لماذا أجدك في بوستاتي ولا تجدينني في بوستاتك.

أضحكتني في هذا الصباح الاغبر بترابه و سخانته العجيبة اضحك الله سنك يا شيخنا و كانك تخبرني

نحن ما بنمش لناس ما بجونا اوبتقول لي الجابك هنا شنو يا بت أو انك تريد ان تحدد زوار البوست بزياراتك لبوستات زوارك

والامر مضحك بالجد فحين نكتب هنا لا نتوقع ان يزونا اصحابنا او احبابنا ومن نجاملهم في بوستاتهم فانا لا انتظر احد

حين اكتب يا سيدي الكريم و لا انت داخل في قصة الشلل و الطبطبة و الشكر الفي غير موضعه فهمك للموضوع غريب و مجانب للمعاني التي كتبتها واراك غاضبا قول بسم الله يا زول

الثقل النوعي : موضوع يستاهل سودانية تكتب رايها فيه والا لما خربشت فيه

فتك بعافية يا شيخنا

و ابقي شوف الناس البتزورهم في بوستاتهم عشان يزورك في بوستاتك

الشئ عيادة مريض و لا حفلة عرس

اضحك الله سنك مرة اخري