|
|
 Re: ده ياهو بوليس أمريكا الراجنو ؟؟ .. (Re: Munir)
|
يا دكتور سيف كتر خيرك ياخي خشيت في الموضوع علي طول :) .. وشكراً علي الون دايريكشن - ديل ناس الأجيال الشابة ياخ .. لكنهم برضو علي نمط موسيقي الباك ستريت بويز، والاسبايس قيرلز بتاعين التسعينات .. هسه طبعاً يكونوا جلكنوا ..
نحن طبعاً وجداننا مشحون بحاجات كتيرة منذ الطفولة وإنت طالع .. حيث بدينا بريحة الزبالة وأصوات الحمير في البلد، ثم ناس الجداد والحمام ، ثم أغاني زمان بتاعتنا ، منذ ناس وردي زمان ومحمدالأمين- بعدين ناس زيدان - الله يرحمه- وعبدالعزيز المبارك، وخوجلي عثمان، وفي تلك الأزمان كان في المحاذاة الغربية ناس بوني إم وأببا وغيرهم .. لغاية من خشينا الزون في عقر دار الغرب - مع إنو غربنا السوداني ما شفنا بعيننا - .. أها في الغرب ده الواحد لقي نفسه قاعد في حتة مقطوعة .. لا راديو أمدرمان لا تلفزيون لا أغاني .. وفي وحشة الجليد ما كان عندنا غير ردستيوارت وفيلل كولن وروكسيت وإيس أف بيس وو ولم تكن الميديا وصلت مرحلة ال إم بي ثري فكان أوائل التسعينات أطول مدة فايل صوتي لا تتعدي بضع ثواني .. وأنا كذلك في مرحلة التسعينات هجرت كمبيوترات المايكروسفت وويندوز تمامًا وبقيت معلق في كمبيوتر الSUN ونظام يونكس .. بعد هجرتي من الSUN كان خلاس اليوتيوب فتحت والعالم إتطوَّر .. وأهو قمنا تاني نجترَّ أنغام السودان ونفتش الفاتنا زمان .. وبرضو زي ما شايف النغمة الغربية الدخلتنا من التسعينات ما مرقت وبقينا برضو نستمتع بالموسيقي الغربية ومعاها الصينية كمان ..
وزي ما قلت لحافظ إنو جاتني الأغنية وأنا خالي الذهن ماشي علي الشغل .. عجبتني نغمة الجيتار الكهربائي ده واللحن عمل لي إستمخاخ في المخيخ زاتو .. قلت أشارك بعنوان مبتكر نظام كاميرا خفية وكده .. لكن أولاَ فاجأني الأخ عبدالله عبدالله وتاني عفراء سند بأنهم ما نقشوني كويس، ربما بناءً علي فكرة إستباقية عني بسبب بوستات عن الإقتصاد والسياسة الأمريكية التي تغضب البعض .. ووهكذا :) ..
الجيتار الكهربائي يعطي الأغنية باقراوند قوي له قدرة علي الغلغلة في الوجدان لأن دوره في كل الأغنية هو ميلودية واحدة متكررة مهمتها تلصق في ذاكرة المستمع ..
وأظن أن جزء كبير من شعبية المرحوم زيدان إبراهيم ترجع ل أنه أول من أدخل البيزجيتار -أعتقد- والذي جعل أغانيه تختلف عن أقرانه ..
|
|
 
|
|
|
|
|
| العنوان |
الكاتب |
Date |
| ده ياهو بوليس أمريكا الراجنو ؟؟ .. | Munir | 10-13-15, 10:29 PM |
| Re: ده ياهو بوليس أمريكا الراجنو ؟؟ .. | Afraa Sanad | 10-13-15, 11:59 PM |
| Re: ده ياهو بوليس أمريكا الراجنو ؟؟ .. | ABDALLAH ABDALLAH | 10-14-15, 00:33 AM |
| Re: ده ياهو بوليس أمريكا الراجنو ؟؟ .. | Deng | 10-14-15, 01:54 PM |
| Re: ده ياهو بوليس أمريكا الراجنو ؟؟ .. | Hafiz Bashir | 10-14-15, 02:34 PM |
| Re: ده ياهو بوليس أمريكا الراجنو ؟؟ .. | Munir | 10-14-15, 08:19 PM |
| Re: ده ياهو بوليس أمريكا الراجنو ؟؟ .. | Munir | 10-14-15, 08:22 PM |
| Re: ده ياهو بوليس أمريكا الراجنو ؟؟ .. | Abureesh | 10-14-15, 08:29 PM |
| Re: ده ياهو بوليس أمريكا الراجنو ؟؟ .. | Munir | 10-14-15, 08:37 PM |
| Re: ده ياهو بوليس أمريكا الراجنو ؟؟ .. | Munir | 10-14-15, 08:45 PM |
| Re: ده ياهو بوليس أمريكا الراجنو ؟؟ .. | سيف النصر محي الدين | 10-14-15, 09:20 PM |
| Re: ده ياهو بوليس أمريكا الراجنو ؟؟ .. | هاشم احمد ادم | 10-15-15, 07:15 AM |
| Re: ده ياهو بوليس أمريكا الراجنو ؟؟ .. | Deng | 10-15-15, 08:34 AM |
| Re: ده ياهو بوليس أمريكا الراجنو ؟؟ .. | محمد نور عودو | 10-15-15, 10:31 AM |
| Re: ده ياهو بوليس أمريكا الراجنو ؟؟ .. | Munir | 10-15-15, 11:43 AM |
| Re: ده ياهو بوليس أمريكا الراجنو ؟؟ .. | Munir | 10-15-15, 01:16 PM |
| Re: ده ياهو بوليس أمريكا الراجنو ؟؟ .. | Munir | 10-15-15, 11:21 PM |
| Re: ده ياهو بوليس أمريكا الراجنو ؟؟ .. | Munir | 10-15-15, 11:27 PM |
|
| |
Munir
فيس بوك
تويتر
انستقرام
يوتيوب
بنتيريست