|
Re: أخبار سودان تربيون التي يتحاشاها .. (Re: النذير حجازي)
|
عزيزي النذير حجازي سلامات ياخي كدي نظرية المؤامرة دي خليها بالجنبة .. لأنو شايف في كثيرين بينفوها فقط عشان ما يقولوا عليهم مؤمنين بنظرية المؤامرة .. يعني فقط من أجل إتخاذ موقف ضد نظرية المؤامرة وما أدراك ما ما ضد نظرية الما مؤامرة !!.. ثانياً النقاط الفي العنوان ليست معناها أني خليتها ليك عشان تتمها، إنما أنا دائماً بخت نقطتين بعد كل جملة بدل نقطة واحدة .. وما كنت محتاج أجيب إسم واصل لأنو العنوان يكفي ويغطي أكتر من واصل .. بالنسبة لشخص واصل علي: طبعاً أنا إن طار معتبره زول متحيز - يكفيه فقط صورة النجس أوكامبو المعلقه في بروفايله .. الشئ التاني واصل يمثل دور الصحفي المحايد ولكن إنتقائية أخباره وصوره المعبرة تفضحه .. مافيها مشكلة إنو يكون منحاز - خليه ينحاز زي ماعايز - هو الإنحازوا قبالوا زادوا شنو علي الحاصل أونقصوا شنو؟؟.. ثم إنا ماعارف أي نوع من الصحافة يمارسه واصل ؟؟ هل يكتب مقالات؟ هل يكتب تحليلات؟ هل يخوض في موقع الحدث وينقله مباشرة ويصور بكاميرته؟؟ .. كل الأنا شايفو هو نقل عن وكالات وصحف الآخرين وصور منقولة بعدسات الغير .. إذن ماهي مهنية واصل غير صورة أوكامبو وشغله مع أوكامبو؟؟ هسه أنا ممكن أحوم ليك النت من أولها لآخرها وأردم ليك المنبر ده من غرائب وعجائب الأخبار وأنا أكون راقد فوق سريري ده .. واصل ناقل أخبار صامت .. وطريقة نقله إنتقائية تخدم أغراضه وميوله السياسية المكشوفة بصورة البروفايل ..
أخيراَ ما بظن خير في المعارضة لأني شايفها ما حتقدم شئ إيجابي أكتر من الحاصل .. فلو الحكومة سيئة فالمعارضة ما عندها القدرة إنها تغير الواقع - مش لأنها كعبة وبس ، إنما لأن السياسة ذاتها وعالم السياسة عبارة عن تيارات عالمية عاتية لا قِبل لأي سياسي في التغلب عليها أو السباحة عكسها .. فكل الجوطة السياسية هي عبارة عن صراع مناصب .. والواحد هسه لو جابوه عملوه رئيس حيقعد يتلفَّت وما يعرف يستعدل البلد كيف حين تنكشف له الصورة الكاملة وحين يلقي نفسه في خانة قاتل أو مقتول .. فأنت مهما كنت مخلصاً فستجد من تسوؤه سياستك ويسعي للإطاحة بك بالقوة أو بغيرها .. وعاين لأجعص رئيس دولة - قول أوباما - أها الزول ده دخل البيت الأبيض بمثاليات وأكاديميات وقام لقي نفسه في مواجهة قوي مستترة أقوي منه وأقوي من عشرة زيه ..فلعبة السياسة شئ كبير مافي ابن أنثي يقدر يحيط بأولها أو آخرها - وبذا يصبح الجميع يدورون في حلقة مفرغة أو قول لعبة السلم والثعبان .. المهم ياخوي الشغلة بالنسبة لي أكبر من كوز أو جك أو برميل أو شيوعي .. وفي الآخر إنما الأعمال بالنيات .. ياخي سيدنا عثمان ذاته - الذي تستحي منه ملائكة الرحمن - قتله معارضون يظنون فيه الإفساد السياسي .. إذن الحكاية مافارقة لو مسك البلد كوز حرامي أو شيوعي سكرجي .. كلهم بيلقوا نفسهم في لعبة الموت تكتل خصمك أو يكتلك ..
تحياتي
|
|
|
|
|
|
|
العنوان |
الكاتب |
Date |
أخبار سودان تربيون التي يتحاشاها .. | Munir | 04-24-12, 08:10 PM |
Re: أخبار سودان تربيون التي يتحاشاها .. | Wasil Ali | 04-24-12, 08:16 PM |
Re: أخبار سودان تربيون التي يتحاشاها .. | Balla Musa | 04-24-12, 08:26 PM |
Re: أخبار سودان تربيون التي يتحاشاها .. | Wasil Ali | 04-24-12, 08:33 PM |
Re: أخبار سودان تربيون التي يتحاشاها .. | Munir | 04-24-12, 08:40 PM |
Re: أخبار سودان تربيون التي يتحاشاها .. | Wasil Ali | 04-24-12, 08:44 PM |
Re: أخبار سودان تربيون التي يتحاشاها .. | Balla Musa | 04-24-12, 08:54 PM |
Re: أخبار سودان تربيون التي يتحاشاها .. | Wasil Ali | 04-24-12, 09:01 PM |
Re: أخبار سودان تربيون التي يتحاشاها .. | Ahmed musa | 04-24-12, 09:07 PM |
Re: أخبار سودان تربيون التي يتحاشاها .. | Wasil Ali | 04-24-12, 09:11 PM |
Re: أخبار سودان تربيون التي يتحاشاها .. | عماد حسين | 04-24-12, 10:13 PM |
Re: أخبار سودان تربيون التي يتحاشاها .. | Balla Musa | 04-24-12, 09:14 PM |
Re: أخبار سودان تربيون التي يتحاشاها .. | Wasil Ali | 04-24-12, 09:22 PM |
Re: أخبار سودان تربيون التي يتحاشاها .. | محمد إبراهيم علي | 04-24-12, 09:23 PM |
Re: أخبار سودان تربيون التي يتحاشاها .. | Frankly | 04-24-12, 09:21 PM |
Re: أخبار سودان تربيون التي يتحاشاها .. | بدر الدين اسحاق احمد | 04-24-12, 11:06 PM |
Re: أخبار سودان تربيون التي يتحاشاها .. | esam gabralla | 04-24-12, 11:45 PM |
Re: أخبار سودان تربيون التي يتحاشاها .. | النذير حجازي | 04-25-12, 00:49 AM |
Re: أخبار سودان تربيون التي يتحاشاها .. | Munir | 04-26-12, 10:28 PM |
Re: أخبار سودان تربيون التي يتحاشاها .. | Omer Abdalla Omer | 04-27-12, 02:25 AM |
|
|
|