نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: حتمية فناء تمرد دارفور وتحالف كاودا .. (Re: الصادق اسماعيل)
|
الأخ الصادق .. كل سنة وإنت طيب ..
Quote: في قضايا الصراع حول السلطة والمظالم لا يوجد شئ اسمه الحتمية، وحتى لو كان الصراع قبلي (بالدرب العديل) أيضاً لا يوجد شئ اسمه الحتمية، فلو صدق توقعك وانتهت الحركات المسلحة الموجودة حالياً، فالحتمية تقول شئ واحد، أن حركات أخرى ستظهر أيضاً ما لم يتم حل المشكلة من جذورها، وحسم هوية السودان لصالح المواطن السوداني بمختلف اثنياته واعراقه، وليس بهيمنة مدعي العروبة والاسلام. |
أول شئ حكاية حتمية دي صاح مية في المية - والدليل "كل من عليها فان" .. وذلك أقرب برهان (عشان أحسم ليك حكاية 'حتمية' دي)..
ثانياً ، ياخوي إنتو بترددوا في كلمة فضفاضة (هوية سودانية) - ياخي الdefinition بتاع الهوية السودانية ده ذاتو هو مربط الفرس .. يعني كونك تقول 'سودانية' كده ساي، فهذه كلمة عامة.. الناس عاوزة ليها تفصيل .. إنت عاوز تملصها ثوب العروبة والإسلام وتلبسها ثوب الأفريقانية و..و كلام نظري هواء ساي .. وعداءكم للعروبة والإسلام ده أنا كنت ح أجيهو كسبب رئيسي لإستمرار الحرب في السودان .. فالعداء للعروبة والإسلام ده هو العنوان الرئيسي للحرب الحضارية الأزلية بين العروبة والإسلام من جهة والصهيومسيحية من جهة أخري.. وبالجد دي الضغينة الماسكين فيها أعداء البلد مسكة قوية لأنها الضمانة الكبري للدعم الغربي اللامحدود .. هذا هو الشطر الذي ظلت ترضع فيهو الحركة الشعبية لغاية ما تم الإنفصال نكاية في العرب والمسلمين .. وهو نفس الشطر الذي ظلت ترضع فيه الحركات المسلحة في دارفور وبعدها جنوب كردفان والنيل الأزرق .. فبالرغم من أن هؤلاء القوم يحاربون حرباً عبثية - جزيئات ضد كليات - إلاّ أن القوي التي تدعمهم من هذا باب العداء الحضاري الأزلي ضد العروبة والإسلام ستظل تدعمهم إلي مالانهاية .. وأكبر دليل علي ذلك هو ما حصل بعد إنفصال الجنوب .. فالحركة الشعبية التي كانت مصدعة راسنا بالعداء للعروبة والاسلام وأنهم يحاربون ضد هذه الهوية ، نجدهم بعد الإنفصال وجدوا أنفسهم بلا هوية وبلا حضارة فقاموا طوالي إتمسَّحوا بثقافة ما وراء البحار وتبنوا الحضارة الإنجلومسيحية بدل العربوسلامية !!.. ده مشهد كوميدي صارخ ..!! وقال شنو؟ عاوزين ينضموا للكومنويلث .. الظاهر ترجموها حرفياَ وقالوا يشوفوا ليهم نصيب - في الزمن الضايع - في الثروة السايبة دي .. شئ مضحك .. مش؟؟.. بعدين هسة تجي تلقي نظرة علي من هم هؤلاء الأشد عداءً وضجيجاً ضد العروبة والإسلام تلقاهم أولئك المرتمين في حضن العدو يأكلوا ويشربوا علي حسابه ويحاربون بلادهم نيابة عنهم .. ووو.. بجيك راجع إن الله هوَّن !! .. : :
|
|
|
|
|
|
|
|
|