حركات التنصير في مصر..

Quote: السلام عليكم ورحمة الله وبركاته الحكاية ببساطة إن النصارى شغالين في الكيلو 4.5 (عزبة الهجانة ) اللي هيا في أخر مصطفى النحاس من ناحية الحي الثامن في مدينة نصر ......شغالين نار , حملات التنصير - اللي الناس بتقولها تبشير بس أنا مش بحب أقول عليها تبشير - شغالين على الناس هناك بشتى الوسائل من إعطاؤهم فلوس وأكل كل شهر دورياً الناس هناك تحت خط الفقر بمراحل وتعليم أولادهم في المدارس وعمل رحلات و....و.....إلى أخره . الكلام ده خطير وأحسب إن في ناس كتير من سكان مدينة نصر ومصر الجديدة عارفينه لقربهم من المكان بس الصراحة أنا مش مصدقه !!! أو بمعنى أخر مكنتش مصدقه لغاية لما رحت النهاردة ........ صديق ربنا يكرمه قال إنهم أشهروا جمعية تحت إسم نور الحسن الخيرية وعايزني معاهم ومن ضمن نشاطات الجمعية توزيع أكياس أكل في العزبة فقالي ياريت أروح أوزع معاهم ...فروحت معاه على أساس إن الموضوع موضوع أكياس...... المهم لما رحت لقيت ماشاء الله كمية شباب مهولة في الجامع هناك اللي هوا يعتبر مقر الجمعية أصلاً ومن كل الأماكن فقلت في بالي كل دول جايين يوزعوا أكياس -!!!!! جيه راجل كبير كده ماشاء الله وبدأ في إلقاء كلمة صغيرة مفادها إننا موجودين في المكان ده مش لإطعام المساكين أو مش بالنية دي بالضبط ولكن بنية تأليف قلوبهم وتحبيبهم في الدين الإسلامي لأن حركات التنصير شغالة هناك مووت ..... ومن ضمن الحاجات الخطيرة اللي قالها ... - إن في خلال السنة اللي فاتت بس إتبنت هناك 7 كنائس رغم وجود دستور يمنع بناء الكنائس ( حلوة يابلدي ) - وإنهم المسلمين إشتروا حتة أرض كبيرة يبنوا عليها جامع كبير للجمعية, فالنصارى قبل ماصاحب الأرض يشهرها للمسلمين راحوا دفعولوه ضعف اللي المسلمين دفعوه وخدوا الأرض وبيبنوا عليه مدرسة لتعليم الإنجيل ... - 250 أسرة إرتدوا عن الدين الإسلامي هناك بسبب الفقر والجهل وحملات التنصير مثلث قاتل - .. - النصارى هناك شغالين طحن لدرجة إن لما الأخوة راحوا علشان يشهروا الجمعية عدوا على أمن الدولة ده شرط للإشهار فأمن الدولة قالتلهم ربنا معاكوا إحنا منسمحش بحاجة زي كده تحصل في بلدنا ولو مية جمعية زيكوا جت علشان تشهر هنشهرها !!!!! يإخوانا مفيش وقت أنا عارف إني طولت عليكوا سامحوني ...بس بجد مفيش وقت !!!! الناس دي شغالة نار- النصارى وإحنا لازم نلحق المسلمين اللي بيضيعوا بسبب الفقر والجهل ونتحرك .. الجمعية ماشاء الله منظمة جداً وبتحفظ العيال قرآن وبتوزع أكل على الناس وأدوية بشرط إن عيالهم ييجوا يحفظوا قرآن وبننزل نعمل دراسات حالة وكمان بتصرف على طلبة علم يعني ماشاء الله مش سايبين حاجة .... بس محتاجين طبعاً تبرعات وهدوم وأدوية الأعداد مهولة هناك ...الناس مش لاقية تاكل والأهم من ده كله محتاجين ناس معانا ....... هوا الإسم بتاع الجمعية .....: جمعية نور الحسن الخيرية المشهرة برقم (5330 ) بوزارة الشئون الإجتماعية بتاريخ 17 / 9 /2003 نشاطات الجمعية الحالية : * رعاية الأطفال مرضى الفشل الكلوي . * رعاية اليتامى والفقراء والمحتاجين , وذلك عن طريق تقديم المساعدات المادية والعينية لهم : ( وجبات جاهزة , شنط شهرية تحتوى على أرز , مكرونة , زيت , سكر , ....إلخ , ملابس , أدوية ) . * تقديم مساعدات مادية وعينية شهرية لطلبة العلم بجامعة الأزهر الشريف .. * إقامة مائدة لإطعام الصائمين طوال شهر رمضان المبارك . * نستقبل زكاة المال ونقوم بصرفها في المصارف الشرعية . المشروعات المستقبلية : * مستوصف لعلاج المرضى بأسعار رمزية . * فصول محو أمية . * معرض لبيع الملابس المستعملة بأسعار رمزية لمحدودي الدخل . ندعوكم لتقديم يد العون والمشاركة في هذا العمل وذلك للنهوض بالمستوى المعيشي والصحي بعزبة الهجانة علماً بأنها منطقة تحتاج النظر إليها بعين الرعاية والإهتمام , قال رسول الله صلى الله عليه وسلم : أحب الناس إلى الله تعالى أنفعهم للناس , وأحب الأعمال إلى الله عز وجل يدخله على مسلم , أو يكشف عنه كربه , أو يقضي عنه ديناً , أو يطرد عنه جوعاً ( حديث صحيح ) , والدال على الخير كفاعله ( حديث صحيح ) . اتصلوا بنا : 0105304465 0105101989 [email protected] العنوان : القاهرة , مدينة نصر , عزبة الهجانة ( أخر شارع مصطفى النحاس ) مدخل المركز الطبي , شارع الورشة ............ وجزاكم الله خيراً وحعله في ميزان حسناتكم ..... في رعاية الله ...