طلعت القمرة - مسلسل أون لاين

مرحبا Guest
اخر زيارك لك: 04-04-2026, 05:01 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة د.بشري الفاضل(Bushra Elfadil)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
08-27-2010, 04:35 AM

Bushra Elfadil
<aBushra Elfadil
تاريخ التسجيل: 06-05-2002
مجموع المشاركات: 5252

للتواصل معنا

FaceBook
تويتر Twitter
YouTube

20 عاما من العطاء و الصمود
سودانيز اوون لاين ..منبر الحق والحقيقة
مكتبة سودانيزاونلاين
Re: طلعت القمرة - مسلسل أون لاين (Re: Bushra Elfadil)

    الحلقة السابعة عشرة
    الخيط الرئيسي ( داليا واروب)، المشهد 58
    خارجي /نهار/ليل
    (داليا واروب وسليمان ويوسف وزينب ونجلاء وريم وأروى وانجيلا وخالد ابن خالة داليا يسافرون بالبر للسودان . يركبون
    القطار إلى أسوان ومن هناك بالباخرة إلى حلفا. نصور مساعدة الأولاد للبنات والمرح والروح الرائعة للرفقة )
    زينب (وهي تنزل منهما في حلفا تصر على أن تعزمهم جميعاً عن أهلها في حلفا القديمة أهلها لم يهاجروا. يذهبون معها)
    داليا: خايفة يا زينب أهلك لما يشوفونا يقولوا دي حملة انجليزية جديدة.
    سليمان: بالجد يا زينب كان مافي داعي نمشي لي عند بيتكم كدا فجأة . يوسف: ولو مصرة نغشى السوق
    زينب : عيب !
    (يصلون بيت ناس زينب ويقوم والدها عبدالمجيد الموظف بالمعاش بإكرامهم بذبيحة على الفور.يأتي أهل زينب كل واحد بصينية وطبق ويظهرون الكرم النوبي الأصيل . فياكلون القراصة بإدامات شهية وبعضها بالسمن . ويتغدون بلحم الخروف غداء باكراً فيحس الجميع بالتخمة بعدها في العصر يتجولون في معالم حلفا وزينب تحكي لهم. يشارك خالد المطلع على المعلومات التاريخية لحلفا(
    أروب : الله! حلفا دي جميلة خالص خالص .أول ما رجلي نزلن في البلد دي جاني إحساس بالسكينة.
    أروى : بالسكينة ولا بي سكينة؟
    داليا: دي مني دي؟
    يوسف: أنتو الحلفاويين ديل ما بياكلوا المرارة ؟
    سليمان: عارفك مشتهيها تلقاك لما قبيل لقيت الكبدة جاتك في الكمونية قلبك وقع.
    داليا: الحلفاويين متحضرين زيهم وزي المصريين ما بياكلو اللحم ني.
    أنجيلا: دينكا كانوا زمان بياكلوا لحم ني.دكتور فرانسيسي دينق جمع كتاب بتاع أحلجي دينكا بالانجليزي بيوري كيف كان المرة لما تاكل اللحم ني تنقلب لبوة والراجل يجي يدقها يدقها ويديها لحم ني تاكل يدقها يدقها لغاية ما ا تاباه .لما ترفض تاكل لحم ني خلاص ترجع مرة تاني وتتوب ما تأكل لحم إلا نجيد.
    داليا: والله دي حكايات الظاهر عليها شيقة أنا ما قريتها.الكتاب اسمو شنو؟
    أنجيلا: The Dinka Folk Tales
    أروب: أحاجي الدينكا.أنا عندي الكتاب دا في الخرطوم بسلفو ليك.
    خالد (يحس بوجود شيء بين داليا وأروب . يظهر الارتياب أحياناً على وجهه) داليا : (تسأله) خالد أنتا مالك ما مندمج معانا يعني خلاص عشان إنت ود الجامعة الأمريكية شايفنا ناس جامعات إقليمية واللا شنو؟ ما كنت الصباح بتحكي لينا عن حلفا.
    خالد: مصدع شوية.
    (الجميع يودعون زينب واهلها بحرارة ويركبون القطار المتجه نحو الخرطوم).
    (قطع)










    الخيط الرئيسي – داليا واروب – المشهد 59
    داخلي/ ليل
    (في داخل القطار ؛ نحو الخرطوم)
    أروب : حلفا جميلة يا شباب مش كدا بالله؟ . لكن كان نفسي أزور الشمالية دي كلها من حلفا لي كريمة وأتوقف بصورة خاصة في الخندق.
    داليا: عشان تشوف الحتة الاتولد فيها البطل على عبداللطيف
    أروب: عليك نور .
    يوسف: هو بالله على عبداللطيف إتولد هناك؟ انا قايلو جابوهو هناك صبي.
    خالد: ياخ بالله ما تسيبك شابكنا على عبداللطيف على عبداللطيف ( ملتفتاً نحو اروب وهو يقول وعلى وجهه تعبير ازدراء ) إنت حكايتك شنو؟
    سليمان : خالد!
    داليا : في شنو مالك يا خالد؟
    خالد : انتي تسكتي خالص.
    يوسف: يحاول التدخل : يا خالد الكلام دا ما في داعي ليهو.
    داليا: يوسف سيبك سيبك لحظة. يا خالد قصدك شنو أسكت خالص؟ إنت عندك سلطان علي؟
    (نجلاء تقود داليا لقمرة داخل القطار في عربة أخرى وينقطع الهرج الذي كان سائداً حيث كان صوت خالد يعلو بالسباب ويسمع صوت أروب يقول)
    أروب: معليش يا شباب .خالد دا فاهمني غلط .الحكاية دي بعالجها معاه. بسيطة.
    خالد : بسيطة؟ بسيطة قال. تاني تتكلم مع البت دي لسانك دا بقطعو ليك.
    (وجوم)
    (الشباب يبعدون خالد عن وأروب بينما كان خالد يحاول الاشتباك بأروب ويتصاعد سبابه لأروب بأقذع الالفاظ . يرد اروب أحياناً بكلمة من نوع كترتها.,إنت فاهمني غلط .واحياناً بكلمة حازمة من نوع: الكلام دا بتاباه لو قبلت عليك حسة.يا زول هيي أسكت خلاص إنت عيل ساكت. ..)
    (قطع)








    الخيط الرئيسي(داليا وأروب)، المشهد 60
    داخلي/نهار
    فجر
    في القطار المتجه للخرطوم
    (داليا تنادي أروب للممشى داخل عربة القطار يخرج أروب من الكابينة ويلتقبان يمدان رأسيهما عبر النافذة بدايات خيوط نور الفجر )
    داليا: انا ناديتك يا أروب عشان ...
    أروب : مقاطعاً لو دايرة تقولي حاجة في نرفزة خالد أمبارح أنسي الموضوع.. كل حاجة لازم الانسان يقدر ظرفها. خالد ود خالتك عندو ظرفو القال فيهو الكلام دا. انا لا حظت إنو موقفو مني اتغير مما شافني بشيل شنطتك مع شنطتي على طول خلال الرحلة من القطر لي عربية الأجرة لي الباخرة لي العربية.هو شاف في دا دليل علاقة خاصة بيناتنا وما عارف إنو بت خالتو قطعت كل عشم في علاقة زي دي.
    داليا: بتتحسر ؟
    أروب: أبداً.لكن يمكن بتمنى.أنا أهو اقتنعت بأنو العلاقة البيني وبينك صداقة وبس لكن تفهمي خالد كيف؟ أنا من هنا ورايح بخلي ليهو شنطتك يشيلها لو عايز يبقى حمال.
    داليا: الحكاية ما شنطة دي عنصرية راسها عديل . كنت قايلة خالد الحتة دي متجاوزها وكمان ما أنا قلت ليك إنو كان أعلن على الحب في سفرتي ليهم في القاهرة.خالد مليان هواجس وتناقضات.
    أروب : إذن خلاص الموضوع دا نقفل بابو أسة قبل يصحوا. افتكر نقلل من الكلام واللقاءات داخل القطر بينا في حضورو.وانتي من جانبك فهميهو إنو نحن أصدقاء وبس فل ستوب زي ما قلتي لي في الزقازيق
    داليا: أوكي.
    (قطع)









    القريتان – قرية أم جداول ، المشهد (26)
    داخلي /نهار
    ( وليد يغادر بيتهم دون وداع هناء ودون وداع بدور. عند الباب يركل علية صلصة فتحدث فرقعة ويخرج.العمة آسيا مشغولة بالفطور لم تسمع ولم تر . تعود هناء للداخل وتجد كوب العصير فترشف منه وهي تقول) : العصير بقا حار
    بدور: العصير البقا حار واللا العصر . الشاب دا اسة ما هريتي قلبو.من هنا أنا سامعا صوتكم ولهجتكم الحارة.إنتي يا هناء صحي حقانية لكن قاسية .ما كان حبة حبة ؟.في بيتم تنجضيهو كدي؟
    هناء : حارقاني خطبتو لي الزي شرية البهايم من غير ما بعرف رأيي .
    بدور: حلية شرية البهايم دي لكن البهايم بجسوها.
    هناء : خلاص جيتي تتريقي؟
    بدور: (تضحك) هناء تعالي بعد نقعد شوية مع عمتك نمش طوالي .نقول ليهم راجعين أم جداول نشيل شنطنا ونسافر ببقية الجمعة دي عشان نحصل الجامعة بكرة .
    ( تصورهما الكاميرا مع آسيا تتناولان الفطور وتتآنسان .يأتي عوض للبيت فجأة ويسلم عليهما .وبعد صعوبة شديدة تستطيع هناء أقناعه عن طريق آسيا بضرورة العودة لأم جداول )
    عوض أبو وليد: هي لكن الكلام دا كيفن؟ الضيفة دي ما تعرفنا عليها
    بدور: (لعوض ) مرة تانية يا حاج.
    هناء : دايرين بعد الغدا نتحرك من حلتنا.
    عوض : كدي اقعدن الننادي ليكن عوض يوديكن بالبوكس.
    هناء : عوض كان هنا وسلمتنا عليه .إلا جابنا لي هنا حاتم ولد جيرانا من أم جداول قال نجي ليه عند ناس ودقاسم أهلو هنا لما ندور نرجع.
    عوض : عاد اقول ليكم شنو؟ ودعو عمتك آسيا وارح النوديكم لي بيت ناس ود قاسم
    ( قطع )












    القريتان-قرية أم جداول،المشهد27
    خارجي/نهار
    ( تخرجان معه . وبعد قليل نراهما تركبان بوكس حاتم وينطلق بهما نحو أم جدوال.حاتم يسألهما في الطريق ): مالكم رجعتو بدري كدي؟
    هناء : والله يا حاتم نحن مستعجلين شديد بكرة عندنا محاضرات كتيرة في الجامعة ما بنقدر ندكها .قلنا نرجع الخرطوم بي عصريتنا دي .
    حاتم : تقول علي ناس مختار ديلك عندهم مرة ما شين يودوها لي مستشفى طب المناطق الحارة في أم درمان. عندها طوحال والمساعد الطبي قال ليهم لازم تودوها المستشفى داك.
    هناء : دي مني دي؟
    مرة من أهلم الفي الشرق ديلك بتبقى لي مرة مختار ما بتعرفيها جاتم زيارة من العيد الفات ؛ أنا والله اسمها راح على إلا مرة كبيرة .المسكينة تعبانها شوية.
    هناء : نتمنى ليها الشفا لكن يا حاتم ما بنقدر نركب معاهم . نحن بنمشي بالطريق .
    حاتم: إن ما درتو تمشو معاهم خلاص لمان تمرقو وتبقو ماشين رسلو لي بجي اوديكم القنطرة.
    هناء : ما عارفا أشكرك كيف يا حاتم. شكراً ليك .
    بدور : مع السلامة يا شاب .
    (قطع)










    البحث عن طه ، مشهد 22
    خارجي/ليل
    (شباب الصحافة العائد من منزل سيد احمد بعد ان اوصل إليه عاشة يتفاكر)
    احدهم : يحاكي عادل أهلين يا بدور ؟ بتعرفا من وين ياعادل
    عادل في واحد في حلتنا ما بعرف بدور سيدأحمد ؟حلوة مش؟ بتقرا في الجامعة أظنها قانون.
    أحدهم : بدور بدور بدور؟
    عادل : يا اخوانا خلونا في المهم .الحاجة الغلبانة دي دايرا مساعدة ماشفتو في الطريق قالت إنو دا ولدها الوحيد؟
    أحدهم : نحن حنقدر نعمل شنو غير نفتش عنو في حينا؟
    آخر :ونسال اصحابنا في كل مكان في الخرطوم .
    ثالث : اوكي اتفقنا وبعدين لو لقينا خيط يوصلنا لي تاها دا نجي طوالي نكلم بدور.
    عادل : بدور الدخلا شنو في الموضوع؟
    رابع : بدور ...بدور ... بدور؟( يضحكون).
    عادل : يهز رأسه.
    أحدهم: يا عادل ما تشيل هم الشباب ديل ما تشوف ضحكم دا والله مروتم عالية وحتشوف.
    ( قطع )










    البحث عن طه ، مشهد 23
    داخلي/ليل
    الوقت مساء قرب نشرة الثامنة مساء .
    (بدور تحضر الردايو قرب حاجة عاشة بعد ان اخبرت والدها والحاجة بأنها ذهبت للإذاعة وعملت إعلان عن خروج طه)
    أم بدور : يا بتي مشيت لي أم درمان براك في زحمة المواصلات دي؟
    بدور : لأ كان معاي صاحبتي .
    أم بدور للحاجة عاشة : يا حاجة تعالي نسمع نشرة تمانية ولدك بيزيعوهو فيها.
    الحاجة عاشة : وليدي طه ؟ لقوهو ؟
    أم بدور : (لنفسها) يا يمة هيي لقوهو وين؟ دا خبر في الرادي عشان كان زول شافو في فجة يبلغ عنو
    عاشة : يبلغ نان لي منو؟
    بدور : للشرطة
    حاجة عاشة : آآآ؟
    أم بدور : يبلغو البوليس.
    حاجة عاشة : البوليس؟ كر .(بضم الكاف وتسكين الراء)
    (تاتي نشرة الثامنة يقرا المذيع عدة اسماء وفيات ثم تاتي فقرة خرج ولم يعد )
    المذيع : خرج الطفل مهند محمود من منزل ذويه بأم بدة فبل سبعة أيام ولم يعد حتى الآن أوصافه كالآتي يبلغ التاسعة من العمر ويرتدي زي الإبتدائية المدرسي ويحمل حقيبة مدرسية لونها أزرق وعلى وجهه آثار جرح قديم .من يتعرف عليه يتصل بشرطة أم بدة أومحمود جادين بمطافي أم درمان. خرج طه محمد خير من منزل ذويه بقرية تمري في شمال السودان
    حاجة عاشة : (تصرخ) وي علي
    أم بدور : اسكتي يا حاجة النسمع
    المذيع: طويل ونحيف واسمر . يبلغ من العمر 17 عاماً . من يتعرف عليه يرجى الاتصال بشرطة الخرطوم شرق أو..
    حاجة عاشة : يا يمة هوي يا حليلك يا طه يا ولدي . (تبكي بحرقة وام بدور وبدور تطيبان خاطرها وأخوات بدور تضع كل واحدة منهن أصعبها في فمها وهن ينظرن باشفاق إلى حاجة عاشة جبوبتهن)
    (قطع )









    باسبار ، مشهد 43
    خارجي/ليل
    الوصول إلى مسمار
    ليل متاخر
    (باسبار يتحرك مع نباح الكلاب إلى منزل اوهاج صديقه القديم وهو يحمل بقجته وعصاته يخرج من البقجة سكينه التي ما كان يدرعها في الخرطوم في ذراعه فيدرعها في حزامه)
    أوهاج (يلاقيه قرب الباب وهو يحمل سيفاً كانه يتوقع شراً ويصيح فيه): أنت منو يا زول وداير شنو؟
    باسبار: ايا اوهاج ما تجيني بالسيف أنا باسبار
    اوهاج : باسبار؟ (يقبل عليه ويسلم عليه بالطريقة الهدندوية)
    (قطع)








    إبراهيم بطيخ ، مشهد25
    خارجي/نهار
    (ابراهيم بطيخ يعود لأم جداول ويقابل حاج عبدالكريم )
    إبراهيم :والله ياحاج عبدالكريم شغل في مدني غلبني . الواحد يلقى نفسو بالليل مرمي زي ال###### .خفت على روحي تضيع هناك قلت أخير أرجع حلتنا
    حاج عبدالكريم : حبابك يا ابراهيم حبابك .امشي على الديوان
    (إبراهيم يتحرك على الديوان وسرعان ما يلحقه حاج عبدالكريم بالعشاء مع المغربية)
    (قطع)

    نهاية الحلقة السابعة عشرة
                  

العنوان الكاتب Date
طلعت القمرة - مسلسل أون لاين Bushra Elfadil08-12-10, 03:13 PM
  Re: طلعت القمرة - مسلسل أون لاين محمد المرتضى حامد08-12-10, 03:21 PM
    Re: طلعت القمرة - مسلسل أون لاين Bushra Elfadil08-12-10, 03:30 PM
      Re: طلعت القمرة - مسلسل أون لاين سلمى الشيخ سلامة08-12-10, 09:24 PM
        Re: طلعت القمرة - مسلسل أون لاين هشام كمال08-12-10, 09:53 PM
          Re: طلعت القمرة - مسلسل أون لاين Bushra Elfadil08-13-10, 00:37 AM
        Re: طلعت القمرة - مسلسل أون لاين Bushra Elfadil08-13-10, 00:23 AM
          Re: طلعت القمرة - مسلسل أون لاين سلمى الشيخ سلامة08-13-10, 00:42 AM
            Re: طلعت القمرة - مسلسل أون لاين Bushra Elfadil08-13-10, 05:44 AM
              Re: طلعت القمرة - مسلسل أون لاين سلمى الشيخ سلامة08-13-10, 05:58 AM
                Re: طلعت القمرة - مسلسل أون لاين هشام كمال08-13-10, 07:45 AM
                  Re: طلعت القمرة - مسلسل أون لاين فيصل محمد خليل08-13-10, 08:15 AM
                    Re: طلعت القمرة - مسلسل أون لاين Bushra Elfadil08-13-10, 09:13 AM
                      Re: طلعت القمرة - مسلسل أون لاين Bushra Elfadil08-13-10, 09:19 AM
                        Re: طلعت القمرة - مسلسل أون لاين Abdlaziz Eisa08-13-10, 11:04 AM
                          Re: طلعت القمرة - مسلسل أون لاين Bushra Elfadil08-13-10, 12:50 PM
                            Re: طلعت القمرة - مسلسل أون لاين Bushra Elfadil08-13-10, 01:05 PM
                              Re: طلعت القمرة - مسلسل أون لاين Bushra Elfadil08-13-10, 01:27 PM
                                Re: طلعت القمرة - مسلسل أون لاين Bushra Elfadil08-13-10, 01:53 PM
                                  Re: طلعت القمرة - مسلسل أون لاين Bushra Elfadil08-13-10, 02:27 PM
                                  Re: طلعت القمرة - مسلسل أون لاين Bushra Elfadil08-13-10, 02:27 PM
                                    Re: طلعت القمرة - مسلسل أون لاين Abdlaziz Eisa08-13-10, 03:29 PM
                                      Re: طلعت القمرة - مسلسل أون لاين خدر08-13-10, 05:00 PM
                                        Re: طلعت القمرة - مسلسل أون لاين Bushra Elfadil08-13-10, 07:47 PM
                                          Re: طلعت القمرة - مسلسل أون لاين Bushra Elfadil08-13-10, 07:50 PM
                                            Re: طلعت القمرة - مسلسل أون لاين Bushra Elfadil08-13-10, 07:55 PM
                                              Re: طلعت القمرة - مسلسل أون لاين Bushra Elfadil08-14-10, 09:53 AM
                                                Re: طلعت القمرة - مسلسل أون لاين Bushra Elfadil08-14-10, 10:12 AM
                                                  Re: طلعت القمرة - مسلسل أون لاين محمد المرتضى حامد08-14-10, 11:16 AM
                                                    Re: طلعت القمرة - مسلسل أون لاين Bushra Elfadil08-14-10, 11:54 AM
                                                      Re: طلعت القمرة - مسلسل أون لاين محمد المرتضى حامد08-14-10, 12:06 PM
                                                        Re: طلعت القمرة - مسلسل أون لاين Bushra Elfadil08-14-10, 08:32 PM
                                                          Re: طلعت القمرة - مسلسل أون لاين محمد المرتضى حامد08-14-10, 11:11 PM
                                                            Re: طلعت القمرة - مسلسل أون لاين Bushra Elfadil08-15-10, 08:10 AM
                                                              Re: طلعت القمرة - مسلسل أون لاين Bushra Elfadil08-15-10, 02:39 PM
                                                                Re: طلعت القمرة - مسلسل أون لاين Bushra Elfadil08-15-10, 02:42 PM
                                                                  Re: طلعت القمرة - مسلسل أون لاين Bushra Elfadil08-15-10, 02:51 PM
                                                                    Re: طلعت القمرة - مسلسل أون لاين Bushra Elfadil08-16-10, 08:16 AM
                                                                      Re: طلعت القمرة - مسلسل أون لاين Bushra Elfadil08-16-10, 08:18 AM
                                                                        Re: طلعت القمرة - مسلسل أون لاين Bushra Elfadil08-16-10, 04:48 PM
                                                                          Re: طلعت القمرة - مسلسل أون لاين Safa Fagiri08-16-10, 05:53 PM
                                                                            Re: طلعت القمرة - مسلسل أون لاين Bushra Elfadil08-16-10, 11:37 PM
                                                                              Re: طلعت القمرة - مسلسل أون لاين Bushra Elfadil08-17-10, 11:35 AM
                                                                                Re: طلعت القمرة - مسلسل أون لاين Bushra Elfadil08-17-10, 12:07 PM
                                                                                Re: طلعت القمرة - مسلسل أون لاين Bushra Elfadil08-17-10, 12:09 PM
                                                                                  Re: طلعت القمرة - مسلسل أون لاين Bushra Elfadil08-18-10, 11:53 AM
                                                                                    Re: طلعت القمرة - مسلسل أون لاين Bushra Elfadil08-18-10, 11:59 AM
                                                                                      Re: طلعت القمرة - مسلسل أون لاين Bushra Elfadil08-18-10, 12:04 PM
                                                                                        Re: طلعت القمرة - مسلسل أون لاين Bushra Elfadil08-19-10, 09:44 PM
  Re: طلعت القمرة - مسلسل أون لاين Bushra Elfadil08-20-10, 12:27 PM
    Re: طلعت القمرة - مسلسل أون لاين Sidgi Kaballo08-20-10, 02:34 PM
      Re: طلعت القمرة - مسلسل أون لاين Bushra Elfadil08-20-10, 03:00 PM
        Re: طلعت القمرة - مسلسل أون لاين Bushra Elfadil08-21-10, 08:24 PM
    Re: طلعت القمرة - مسلسل أون لاين Bushra Elfadil08-22-10, 02:06 PM
      Re: طلعت القمرة - مسلسل أون لاين Bushra Elfadil08-22-10, 02:13 PM
        Re: طلعت القمرة - مسلسل أون لاين Bushra Elfadil08-22-10, 02:22 PM
          Re: طلعت القمرة - مسلسل أون لاين Bushra Elfadil08-22-10, 09:52 PM
            Re: طلعت القمرة - مسلسل أون لاين Bushra Elfadil08-23-10, 07:52 AM
              Re: طلعت القمرة - مسلسل أون لاين dardiri satti08-23-10, 10:24 AM
                Re: طلعت القمرة - مسلسل أون لاين Bushra Elfadil08-23-10, 01:00 PM
                  Re: طلعت القمرة - مسلسل أون لاين Bushra Elfadil08-24-10, 01:15 AM
            Re: طلعت القمرة - مسلسل أون لاين طيفور08-26-10, 11:16 PM
  Re: طلعت القمرة - مسلسل أون لاين محمد الكامل عبد الحليم08-24-10, 01:02 PM
    Re: طلعت القمرة - مسلسل أون لاين Bushra Elfadil08-24-10, 02:06 PM
      Re: طلعت القمرة - مسلسل أون لاين Bushra Elfadil08-24-10, 11:35 PM
        Re: طلعت القمرة - مسلسل أون لاين Abdlaziz Eisa08-24-10, 11:47 PM
          Re: طلعت القمرة - مسلسل أون لاين Bushra Elfadil08-26-10, 01:07 AM
            Re: طلعت القمرة - مسلسل أون لاين Bushra Elfadil08-27-10, 04:35 AM
              Re: طلعت القمرة - مسلسل أون لاين عصام دهب08-27-10, 03:20 PM
                Re: طلعت القمرة - مسلسل أون لاين Bushra Elfadil08-27-10, 04:20 PM
                  Re: طلعت القمرة - مسلسل أون لاين عصام دهب08-27-10, 04:33 PM
                Re: طلعت القمرة - مسلسل أون لاين Abdlaziz Eisa08-27-10, 05:47 PM
                  Re: طلعت القمرة - مسلسل أون لاين Bushra Elfadil08-27-10, 07:32 PM
                    Re: طلعت القمرة - مسلسل أون لاين Bushra Elfadil08-28-10, 09:20 PM
                      Re: طلعت القمرة - مسلسل أون لاين Bushra Elfadil08-29-10, 09:31 AM
                        Re: طلعت القمرة - مسلسل أون لاين Bushra Elfadil08-29-10, 07:50 PM
                          Re: طلعت القمرة - مسلسل أون لاين Bushra Elfadil08-29-10, 08:01 PM
                            Re: طلعت القمرة - مسلسل أون لاين Bushra Elfadil08-30-10, 01:57 PM
                              Re: طلعت القمرة - مسلسل أون لاين Bushra Elfadil08-31-10, 08:21 AM
                                Re: طلعت القمرة - مسلسل أون لاين Bushra Elfadil08-31-10, 10:23 AM
                                  Re: طلعت القمرة - مسلسل أون لاين Bushra Elfadil08-31-10, 08:01 PM
                                    Re: طلعت القمرة - مسلسل أون لاين Bushra Elfadil09-01-10, 11:19 AM
                                      Re: طلعت القمرة - مسلسل أون لاين Bushra Elfadil09-01-10, 11:26 AM
                                        Re: طلعت القمرة - مسلسل أون لاين Bushra Elfadil09-01-10, 02:46 PM
                                          Re: طلعت القمرة - مسلسل أون لاين Bushra Elfadil09-02-10, 01:33 AM
                                            Re: طلعت القمرة - مسلسل أون لاين Bushra Elfadil09-02-10, 01:48 AM
                                              Re: طلعت القمرة - مسلسل أون لاين Mohamed Abdelgaleel09-02-10, 12:50 PM
                                                Re: طلعت القمرة - مسلسل أون لاين Bushra Elfadil09-02-10, 02:22 PM
                                                  Re: طلعت القمرة - مسلسل أون لاين Bushra Elfadil09-03-10, 01:06 PM
                                                    Re: طلعت القمرة - مسلسل أون لاين Bushra Elfadil09-05-10, 02:45 PM


[رد على الموضوع] صفحة 1 „‰ 1:   <<  1  >>




احدث المقالات بسودانيزاونلاين اليوم
فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to bakriabubakr@cox.net

© 2014 SudaneseOnline.com

Software Version 1.3.0 © 2N-com.de