طلعت القمرة - مسلسل أون لاين

مرحبا Guest
اخر زيارك لك: 04-04-2026, 05:01 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة د.بشري الفاضل(Bushra Elfadil)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
08-22-2010, 02:13 PM

Bushra Elfadil
<aBushra Elfadil
تاريخ التسجيل: 06-05-2002
مجموع المشاركات: 5252

للتواصل معنا

FaceBook
تويتر Twitter
YouTube

20 عاما من العطاء و الصمود
سودانيز اوون لاين ..منبر الحق والحقيقة
مكتبة سودانيزاونلاين
Re: طلعت القمرة - مسلسل أون لاين (Re: Bushra Elfadil)

    الحلقة العاشرة
    الخيط الرئيسي ( داليا وأورب)، المشهد 35
    خارجي/ليل
    (خالد يعزم داليا لمشاهدة فيلم (نختار فيلم أجنبي يعجبه وداليا توافق .يخرجان بالعربة الفارهة التي يقودها خالد هذه المرة ؛ يذهبان لسينما روكسي بمصر الجديدة).
    خالد (ابن خالتها في الطريق): كيف عديتي السنة التانية في الزقازيق؟
    داليا :والله الزقازيق جميلة هادية والخدمات كلها فيها.فيها محلات راقية ومطاعم زي "حدوتة" والشرقاوي" لكن دي بمشوا ليها الأولاد أكتر مننا وفيها كازينو النهر واماكن للترفية زي "كوان دور". أنا دايمأً بستمتع آكل الفول والطعمية من أم حمادة وابو حمادة ولكوظ ؛ الله ما احلى سندوتشات درش كمان!.الزقازيق مافيها زحمة زي دوشة الخرطوم.أنا القاهرة دي ما بعرفها كويس لكن يبدو لي مدينة مريحة.
    خالد:لكن وين تجي للقاهرة . القاهرة كل الخدمات فيها؛ دي أم الدنيا بس زحمتها أكتر من الخرطوم بي كتير وفيها تلوث كبير.(يغير الموضوع) ما تجي تعدي الإجازة معانا أوريك معالمها التاريخية فيها معالم رايعة.
    داليا: حاجي أعدي يومين تلاتة وأمشي معاك لكن المرة دي لازم أمشي الخرطوم واتفقت مع بعض أصحابي في الزقازيق نسافر السودان بالباخرة .
    خالد : بالباخرة؟
    داليا: أيوة . تجي معانا؟
    خالد : لا شكراً على الدعوة لكن بابا وماما ماشين تونس وأنا قلت بالمرة أمشي معاهم. تعرفي يا داليا من حادثة الباخرة 10 رمضان بقيت ما أحب أسمع باخرة أسوان حلفا دي؟
    (قطع)









    الخيط الرئيسي (داليا وأروب ) ، مشهد 36
    داخلي/ليل
    (داخل السينما)
    داليا (تلاحظ أن المقاعد بينها وبين خالد متقاربة فتباعد بينها
    يشاهدان الفيلم. في الاستراحة يحضر خالد حاجة باردة .تفضل سفين أب
    يتناقشان حول محتوى الفيلم لبضع دقائق)
    خالد: فيلم جميل مش؟
    داليا: ظريف شديد.
    خالد : حأقول لماما وباب يجو يشوفوه في الويك اند.(يصمت لحظة ويستطرد) ما عايز أشيل وقتك كلو اليومين ديل لكن عندي صاحبي عندو بارتي عيد ميلادو بكرة ايه رأيك تجي تروحي معاي ؟
    داليا: بكرة ؟ لكن بكرة أنا راجعا الزقازيق .
    خالد : سنة دراسية وانتهت، تاني الجارية ليها شنو ؟
    داليا : والله في الحقيقة عندي واحدة صاحبتي وعدتها أرجع سريع.
    خالد: واحدة صاحبتك ولا واحد صاحبك ؟
    (يضحكان)
    خالد : الدعوة دي بكرة أنا جادي فيها . حتسمعي فيها غنا عمرك ما سمعتيه . طلال دا عندو جنس موسيقى ؟
    داليا : نشوف
    ( قطع)









    الخيط الرئيسي (داليا واورب )، المشهد 37
    داخلي/نهار
    (أروب يدعو سليمان ويوسف ومعز بدوي وعبداللطيف شريف وانجلينا جوزيف الطالبة بكلية الآداب للتعارف(
    )يذهبون إلى مطعم الشرقاوي بالزقازيق وهو محل مشهور ومريح(
    أروب : في الحقيقة لأنو أنا صاحب الدعوة حأعرفكم ببعض .قبل يومين قابلت معز .ماكان صادفتو في النادي من يوم الندوة السنة الفاتت إلا مرة أو مرتين وقلت ليه ممكن نتعارف وأعرفك بأصحابي قال لي جداً أمس فاجأني وقال لي ممكن أعرفك بي اصحابي قلت ليهو جداً جاني في كافتيريا الطب ومعاهو الأخ عثمان تاج السر والأخت انجلينا والأخ عبداللطيف شريف أعرفكم من الشمال لليمين( يشير بيده) : انجلينا، معز، عبداللطيف ، سليمان ، يوسف ، وانا اروب
    أروب (مواصلاً) : بالمناسبة يا معز وين عثمان تاج السر؟
    معز: والله كان جايي لي آخر لحظة لكن جوهوم ضيوف.أهل الطلبة الساكنين معاهو.
    يوسف: هو ساكن مع سودانيين؟
    عبداللطيف : أيوة.
    أروب : اتشرفنا كتير يا انجلينا بمعرفتك.
    سليمان: شرفتي كتير
    انجلينا (تتكلم بعربي جوبا): أنا كمان مبسوتة لي اجتما بتانا دي .ثانكس ألوت لي مؤيز عشان لمانا كلنا سوا.
    0يتسامرون ويخرجون من الكافتيريا وانجلينا مع معز يده فوق يدها دليلا على علاقة بينهما(
    معزك : يا أروب ما تتقطعو كدا زي السنة الفاتت . لازم نتقابل شكراً على الدعوة.
    انجلينا للجميع : جاو .
    عبداللطيف شريف: مع السلامة.
    سليمان (بعد خروج الشلة)الظاهر عليها انجلينا دي كيس معز.
    يوسف: كيسو كيف؟
    أروب: كيسو رسمي كدا.
    يوسف:حتى انت يا بروتس؟
    أروب : يا جوزيف ياخ ما تعمل مني حارس لقضايا الجنوبيين. وبعدين انتا مالك ومال العلاقة بين انجيلا و ومعز
    سليمان: سؤال يوسف وراهو ما وراهو .إلا كدي بالله قولي لي يا أروب لو معز دا عايز يتزوج بت زي أنجيلا لازم يدفع المهر بقر؟
    أروب : ( يضحك) لو في الجنوب لازم . لكن إنتا عارف ناس منكدورو الضباط هناك والتجار بيتجوزوا جنوبيات كيف؟ وثانياً زي انجيلا دي الظاهر عليها من النخبة أبوها يكون وزير سابق واللا سفير واللا حاجة .شفت كيف قالت قبيل في الونسة إنها في الصيف الفات زي كل سنة مشت لأهلها في أمريكا؟
    يوسف: ولو إنت عايز تتجوز يا أورب حتدفع بقر؟
    أروب : منين يا حسرة ؟
    سليمان : إلا يقوم يهمبت بقر حلة كوكو القريبة من الحاج يوسف حيهم ويهربها.
    يوسف : ولو كانت الزوجة شمالية؟
    أروب: سبقتني على خطف السؤال دا. يا يوسف.
    سليمان : لو كانت شمالية وبت واعية حتقبل بي بقرة واحدة محذوف من قافها نقطة.
    أروب: بفرة؟
    (يضحكون)

    قطع











    الخيط الرئيسي (داليا واروب) ، المشهد 38
    داخلي/ليل
    داليا في القاهرة مع خالد ابن خالتها
    مساء
    (داليا تذهب مع خالد لبارتي عيد ميلاد طلال صاحب خالد وهو ايضاً طالب في سن خالد وهو سوداني من الجالية السودانية والده يمتلك شقة فاخرة في منطقة الزمالك)
    خالد: يا طلال دي داليا بت خالتي
    طلال: أهلين (يمد يده) لداليا فرصة سعيدة .اتفضلوا . الشباب منتظرنكم من قبيل
    (تمد داليا راسها فترى مجموعة من الشباب حوالي عشرة اولاد وبنات كلهم في ثياب آخر موضة ويلعلع صوت ساوند سيستم بأغاني لايونيل ريتشي وتدور بينهم ماكولات ومشروبات)
    طلال : يعرف داليا بهم:دي داليدا ودولا: سوزي / هيثم/شوشو/فادي/ تنتن/ميمي/فافا/بشبش/ حمادة
    تتعرف عليهم داليا وهي تقول في كل مرة: أهلين .أهلين .
    (يدور الغناء والأنس وتتعالى بين الفينة والأخرى ضحكات.
    خالد يدعو داليا للرقص: (يمد يده وداليا تقبل . يرقصانالشباب الآخرين يرقصون مع بعضهم البعض)
    يدور صخب وضجيج في آخر الحفل . داليا تخرج مبسوطة من الشباب لكنها كانت متضايقة من كثرة الرقص).
    (قطع)
















    القريتان- قرية أم جداول ، مشهد 15
    داخلي/ليل
    (تسافر زهراء مع زوجها وأولادها للخرطوم حيث عمل الزوج التاجر. تدرس هناءالآن بالصف الرابع بآداب جامعة الخرطوم قسم اللغة الإنجليزية تجيء هناء من الداخلية للبيت بعد يومين من وصول الأسرة يسكنون بأم درمان وتقابل أمها في المشهد الداخلي التالي):
    زهراء: يا بتي مالك ما جيتينا من يوم السبت ما كلمناك قلنا ليك جايين بالسبت؟ ضربت تلفون لي البيت هنا ما لقيتي زول؟
    هناء : لا ما ضربت عارفاكم جيتو بالسبت لكن كان عندنا رحلة لي شلالات السبلوقة.
    زهراء : رحلة شنو دي ما كلمتينا بيها؟
    هناء : يا امي المسافة قريبة من الخرطوم مشينا انا ومعاي صاحباتي . نظمتا الجامعة لينا.
    زهراء : صاحباتك؟ وما معاكم أولاد؟
    هناء : يا أمي شنو أسئلتك التفتيشية دي؟
    زهراء : يا هناء هوي أعملي حسابك يا بتي .الناس ما بتريح .اسة لاخمني في أم جداول بتك بارت السياسة بتك بارت السياسة.سياسة شنو الباريتيها دي يا بتي ؟
    هناء : خلى الناس يقولو زي ما يقولو.نحن عندنا جمعية أنا وصاحباتي وبنات كتار في الجامعة اسمها جمعية حقوق المرأة.
    زهراء : والمرأة حقوقا زي شنو كمان يا هناء؟
    هناء : أنا كلمتك بيها كتير يا أمي .أسة شوفي نسوان الجزيرة ديل الواحدة فيهن تقوم من الصباح على الصاج تعوس وتعوس تلقى عندها في البيت خمسطاشر واحد كلهم تأكلم بي عواستها وطبيخها وبعد الطبيخ العسيل ونضافة البيت. نسوان ام جداول ديل كلهن خليى بالك عندهن مشاكل في التنفسي من دخان الصاج وتراب نضافة الجيشان وفضلات البهايم. في المدن مشاكل النسوان تانية يعني حاجات زي حقها في الزواج والعمل والأجر المتساوي وكدا.
    زهراء : صدقت يا بتي والله المرة تعبانة محل ما تقبل.
    هناء: خلاص تعالي نضمك لي جمعية حقوق المرأة في الجامعة يا امي.
    زهراء : اجي في الجامعة؟
    هناء: ما ترى بي كلامك دا بقيتي إنتي كمان سياسية.إنتي قايلة الحكاية بس زواج وافراح؟

    زهراء: كدي اقيفي: بي مناسبة الزواج دي يا هناء ما جاك عريس !
    هناء : عريس ؟
    زهراء : يوم التلاتاء الفات جانا عوض راجل آسيا في الحلة وخطبك لي ولده وليد.
    هناء: وليد؟ والله حكاية وليد.ومنو القال ليكم أنا بعرس ساكت كدي زي ما عرستو إنتو يا أمي .وأمال فايدة قرايتي شنو؟ وفايدة جمعية المرأة الشغالة فيها دي ذاتا شنو لو يجو يعرسوني بدون ما يشاوروني؟
    زهراء : يا بتي أنا لا وليد لا أمو المتفندرا ديك ما راقدين لي في قلبي. دحين أبوك بيفتح معاك الموضوع دا. إنتي مخيرة معاهو تقبلي واللا ترضي لكن إنتي عارفة أبوك صعب وأدا عوض كلمة وما اظن كلمتو يتراجع منها.
    هناء : عليكم الله شوفي المصيبة الدار ترموني فيها دي ؟ (تصمت قليلاً) والله حكايتك متأخرة خالص يا وليد يا ود عمتي. حالتك خريج زراعة . مسكين .دقة قديمة ما كنت قايلاك كدا.
    زهراء: بقيتي تتكلمي براك الحكاية دي جننتك واللا شنو؟
    هناء :خلاص قررت .أنا ما وليد دا بطيروا مني وبخلي براهو يمشي لي أهلو يقول ليهم موضوع هناء دا خليتو.
    زهراء : تطيريهو كيفن؟
    هناء : الموضوع دا خليهو على .يوم الخميس الجايي بمشي ودنفير .
    زهراء : ودنفير؟
    هناء :آي بمشي لي وليد واقنعوا.
    زهراء : يا بت هوي والله إلا كان دار تعملي لينا فتنة في الحلال.
    هناء : فتنة شنو؟ مشيت بيت ناس خالتي دي فيها حاجة؟
    زهراء : إن كان دار تمشي ودنفير ما تكلمي أبوك وامشي أم جداول بالأول أنزلي عن ناس جدك لكن كان مشيتي لي عمتك من أول مرة بتشوشي ليهم .براك عارفا كلام الناس .
    (يسمعان صوت الطيب داخلاً ويقطعان الحديث)
    (قطع )








    القريتان –قرية أم جداول ، مشهد 16
    داخلي/ليل
    (يدخل الطيب والد هناء و يسلم على هناء ثم يناديها على الصالون)
    الطيب: كنا متوقعنك من أول أمس تجي البيت تسلمي على أمك واخوانك وأخواتك. ما قلنا ليك من الحلة بالتلفون نحن جايين بالسيت؟
    هناء : كان عندنا شغل عملي في الجامعة يا بوي مشينا السبلوقة.
    الطيب: السبلوقة؟
    هناء : رحلة نظمتها جمعية الجغرافيا.
    الطيب: كان كدي كويس يا بتي .شدي حيلك في قرايتك إنتي زولة البيت الكبيرة
    هناء : إن شا الله يا بوي.
    الطيب: يا بتي يوم التلاتاء الفاتت في الحلة جانا الطيب مختارعشان يخطبك لي ولدو وليد ود عمتك.أنا وافقت طبعاً ديل أهلنا لكن في الشرع زي ما عارفا مسألة الزواج دي بشاورا فيها البت.إنتي بتي وأنا بعرفك ما قاعدة تخالفي لي كلمة
    رايك شنو في وليد؟
    هناء : يا ابوي أنا هسي ما مفكرة في العرس . انا يادوبك لسة بقرا .أسة السنة دي دخلت رابعة ويمكن أقرأ خامسة.
    ولسة قدامي سنتين.
    الطيب: سنة واللا سنتين
    هناء : عايزة اقرا خامسة وأحضر كمان.أنا كلامك بسمعوا لكن دايراك تكلم أي زول يتقدم لي بانو هناء عايزة تقرأ.
    الطيب : منو تاني البتقدم .ما وليد ومضينا ليهو خلاص .لكن حكاية ينتظرك تكملي تعليمك دي معقولة أنا بكلمن ينتظروا .ما في داعي صحيح تعرسي وإنت طالبة
    هناء : دا كلام صحي يا بوي.
    (زهراء تنادي هناء وهي في المطبخ ) : هناء يا هناء
    (تقبل هناء إلى الداخل نحو المطبخ لتساعد والدتها وهي تتمتم لنفسها): برضو تقولي لي النسوية يا بدور ؟ نسوية شنو؟ نحن حالتنا مع المطابخ دي مـتأخرة خالص.
    زهراء : هناء يا هناء
    هناء : حاضر يا أمي . (تواصل مخاطبتها لبدور زميلتها في جمعية حقوق المرأة الغائبة عن هذا الحوار) ولو شفت يا بدور أصبري لما اجي أحكي ليك أنا ما خطبوني!
    (قطع)








    البحث عن طه ، المشهد12
    خارجي/ليل

    الوقت مساء باكر،في حوش بيت سيد احمد) )
    بدور بت رقية الطالبة الجامعية : يا حبوبة عاشة آنستينا وشرفتينا حبابك ألف .
    حاجة عاشة : تحاكيها : حبابك الف . شريفيتينا شريفتينا (قصدها شرفتينا) والله يا بنات الزمن دا عندكن جنس نضم؟
    بدور: (تضحك) وتقول : والله لكن!( تستطرد) عرفت بيتنا واللا راح عليك زي المرة الفاتت؟وكت وفاة ابوي ؟
    عاشة : اجي يا بنات أمي ؟انا وكت حولية موت أبوك ما جيت ؟
    بدور: والله آي صحي والله يا حبوبة جيتي.
    عاشة : انت يابدور بتي قولة حبوبة دي ما كلام الصعيد ما تقولي يما.
    بدور : تضحك وتحاكي كلام الشايقية : أمي عاشة يما. يو .( في عامية الشايقية القديمة أو المنطقة الواقعة بين الشايقية والدناقلة يقولون يمة أو يو )

    البحث عن طه: مشهد 13
    خارجي/ليل
    رقية والدة بدور : (مخاطبة بدور) قومي يا بدور جيبي لي حبوبتك عاشة زيت سمسم من الدكان
    بدور : (مخاطبة والدتها باسمها العاري) : يا رقية ما تديها فازلين ولا كريم نيفيا أحسن من الزيت ب###### ليها هدومها ساكت.
    رقية أمها: عاشة ما بترضى إلا بي زيت السمسم .(ترفع صوتها لتخاطب حاجة عاشة ): يا خالتي عاشة أجيب ليك زيت سمسم تتمسحي بيهو؟
    حاجة عاشة : كتر خيرك يا بتي .إنتي ماك هميمة .آي ، الله يبارك فيك.

    (قطع )









    باسبار يبحث عن عمل ، مشهد 25
    خارجي/نهار
    باسبار يدخل من محل لمحل عشوائياً مقدماً نفسه طالباً العمل. في كل مرة يردونه إما بأنه لايوجد عمل أو قدم طلب أو إنت بتعرف تشتغل شنو؟
    يدخل وزارة التربية ويخرج
    يدخل مستشفى الخرطوم ويخرج
    يدخل بنك السودان ويخرج وهو يقول
    باسبار: راحات ومكيفات
    يدخل القضائية ويخرج
    باسبار : يها راحات
    وبعدها يتحول نحو المنطقة الصناعية لكن هناك يفهمونه أنه فات مرحلة أن يعمل صبي وليس مستعداً للعمل معلماً لعدم التأهيل.
    (قطع)







    إبراهيم بطيخ ، المشهد 21
    داخلي/ليل
    إبراهيم بطيخ : (مخاطباً داود بإعياء ) والله شغل الزراعة دا تعبو كتير أنا تاني ما نقدر عليه.حاج عبدالكريم راجل ود حلال يخاف الله ما زي كتير من المزارعين والله كان ما خايف نكسفو نخلى شغل الموسم دا في نصو نروح نشوف شغل تاني.
    داود : تاني وين نلقى شغل ؟
    إبراهيم : الملجة حقت الخضار في مدني ما بنلقى فيها شغل عتالة؟
    داود : حمالين هناك راقدين.إلا كان دار تمشي هناك عشان البتيخ.
    إبراهيم :البتيخ هنا ما قاعد نجيبو. الأسبوع الجايي أمشي مدني أشوف كان ألقى هناك شغل.

    نهاية الحلقة العاشرة
                  

العنوان الكاتب Date
طلعت القمرة - مسلسل أون لاين Bushra Elfadil08-12-10, 03:13 PM
  Re: طلعت القمرة - مسلسل أون لاين محمد المرتضى حامد08-12-10, 03:21 PM
    Re: طلعت القمرة - مسلسل أون لاين Bushra Elfadil08-12-10, 03:30 PM
      Re: طلعت القمرة - مسلسل أون لاين سلمى الشيخ سلامة08-12-10, 09:24 PM
        Re: طلعت القمرة - مسلسل أون لاين هشام كمال08-12-10, 09:53 PM
          Re: طلعت القمرة - مسلسل أون لاين Bushra Elfadil08-13-10, 00:37 AM
        Re: طلعت القمرة - مسلسل أون لاين Bushra Elfadil08-13-10, 00:23 AM
          Re: طلعت القمرة - مسلسل أون لاين سلمى الشيخ سلامة08-13-10, 00:42 AM
            Re: طلعت القمرة - مسلسل أون لاين Bushra Elfadil08-13-10, 05:44 AM
              Re: طلعت القمرة - مسلسل أون لاين سلمى الشيخ سلامة08-13-10, 05:58 AM
                Re: طلعت القمرة - مسلسل أون لاين هشام كمال08-13-10, 07:45 AM
                  Re: طلعت القمرة - مسلسل أون لاين فيصل محمد خليل08-13-10, 08:15 AM
                    Re: طلعت القمرة - مسلسل أون لاين Bushra Elfadil08-13-10, 09:13 AM
                      Re: طلعت القمرة - مسلسل أون لاين Bushra Elfadil08-13-10, 09:19 AM
                        Re: طلعت القمرة - مسلسل أون لاين Abdlaziz Eisa08-13-10, 11:04 AM
                          Re: طلعت القمرة - مسلسل أون لاين Bushra Elfadil08-13-10, 12:50 PM
                            Re: طلعت القمرة - مسلسل أون لاين Bushra Elfadil08-13-10, 01:05 PM
                              Re: طلعت القمرة - مسلسل أون لاين Bushra Elfadil08-13-10, 01:27 PM
                                Re: طلعت القمرة - مسلسل أون لاين Bushra Elfadil08-13-10, 01:53 PM
                                  Re: طلعت القمرة - مسلسل أون لاين Bushra Elfadil08-13-10, 02:27 PM
                                  Re: طلعت القمرة - مسلسل أون لاين Bushra Elfadil08-13-10, 02:27 PM
                                    Re: طلعت القمرة - مسلسل أون لاين Abdlaziz Eisa08-13-10, 03:29 PM
                                      Re: طلعت القمرة - مسلسل أون لاين خدر08-13-10, 05:00 PM
                                        Re: طلعت القمرة - مسلسل أون لاين Bushra Elfadil08-13-10, 07:47 PM
                                          Re: طلعت القمرة - مسلسل أون لاين Bushra Elfadil08-13-10, 07:50 PM
                                            Re: طلعت القمرة - مسلسل أون لاين Bushra Elfadil08-13-10, 07:55 PM
                                              Re: طلعت القمرة - مسلسل أون لاين Bushra Elfadil08-14-10, 09:53 AM
                                                Re: طلعت القمرة - مسلسل أون لاين Bushra Elfadil08-14-10, 10:12 AM
                                                  Re: طلعت القمرة - مسلسل أون لاين محمد المرتضى حامد08-14-10, 11:16 AM
                                                    Re: طلعت القمرة - مسلسل أون لاين Bushra Elfadil08-14-10, 11:54 AM
                                                      Re: طلعت القمرة - مسلسل أون لاين محمد المرتضى حامد08-14-10, 12:06 PM
                                                        Re: طلعت القمرة - مسلسل أون لاين Bushra Elfadil08-14-10, 08:32 PM
                                                          Re: طلعت القمرة - مسلسل أون لاين محمد المرتضى حامد08-14-10, 11:11 PM
                                                            Re: طلعت القمرة - مسلسل أون لاين Bushra Elfadil08-15-10, 08:10 AM
                                                              Re: طلعت القمرة - مسلسل أون لاين Bushra Elfadil08-15-10, 02:39 PM
                                                                Re: طلعت القمرة - مسلسل أون لاين Bushra Elfadil08-15-10, 02:42 PM
                                                                  Re: طلعت القمرة - مسلسل أون لاين Bushra Elfadil08-15-10, 02:51 PM
                                                                    Re: طلعت القمرة - مسلسل أون لاين Bushra Elfadil08-16-10, 08:16 AM
                                                                      Re: طلعت القمرة - مسلسل أون لاين Bushra Elfadil08-16-10, 08:18 AM
                                                                        Re: طلعت القمرة - مسلسل أون لاين Bushra Elfadil08-16-10, 04:48 PM
                                                                          Re: طلعت القمرة - مسلسل أون لاين Safa Fagiri08-16-10, 05:53 PM
                                                                            Re: طلعت القمرة - مسلسل أون لاين Bushra Elfadil08-16-10, 11:37 PM
                                                                              Re: طلعت القمرة - مسلسل أون لاين Bushra Elfadil08-17-10, 11:35 AM
                                                                                Re: طلعت القمرة - مسلسل أون لاين Bushra Elfadil08-17-10, 12:07 PM
                                                                                Re: طلعت القمرة - مسلسل أون لاين Bushra Elfadil08-17-10, 12:09 PM
                                                                                  Re: طلعت القمرة - مسلسل أون لاين Bushra Elfadil08-18-10, 11:53 AM
                                                                                    Re: طلعت القمرة - مسلسل أون لاين Bushra Elfadil08-18-10, 11:59 AM
                                                                                      Re: طلعت القمرة - مسلسل أون لاين Bushra Elfadil08-18-10, 12:04 PM
                                                                                        Re: طلعت القمرة - مسلسل أون لاين Bushra Elfadil08-19-10, 09:44 PM
  Re: طلعت القمرة - مسلسل أون لاين Bushra Elfadil08-20-10, 12:27 PM
    Re: طلعت القمرة - مسلسل أون لاين Sidgi Kaballo08-20-10, 02:34 PM
      Re: طلعت القمرة - مسلسل أون لاين Bushra Elfadil08-20-10, 03:00 PM
        Re: طلعت القمرة - مسلسل أون لاين Bushra Elfadil08-21-10, 08:24 PM
    Re: طلعت القمرة - مسلسل أون لاين Bushra Elfadil08-22-10, 02:06 PM
      Re: طلعت القمرة - مسلسل أون لاين Bushra Elfadil08-22-10, 02:13 PM
        Re: طلعت القمرة - مسلسل أون لاين Bushra Elfadil08-22-10, 02:22 PM
          Re: طلعت القمرة - مسلسل أون لاين Bushra Elfadil08-22-10, 09:52 PM
            Re: طلعت القمرة - مسلسل أون لاين Bushra Elfadil08-23-10, 07:52 AM
              Re: طلعت القمرة - مسلسل أون لاين dardiri satti08-23-10, 10:24 AM
                Re: طلعت القمرة - مسلسل أون لاين Bushra Elfadil08-23-10, 01:00 PM
                  Re: طلعت القمرة - مسلسل أون لاين Bushra Elfadil08-24-10, 01:15 AM
            Re: طلعت القمرة - مسلسل أون لاين طيفور08-26-10, 11:16 PM
  Re: طلعت القمرة - مسلسل أون لاين محمد الكامل عبد الحليم08-24-10, 01:02 PM
    Re: طلعت القمرة - مسلسل أون لاين Bushra Elfadil08-24-10, 02:06 PM
      Re: طلعت القمرة - مسلسل أون لاين Bushra Elfadil08-24-10, 11:35 PM
        Re: طلعت القمرة - مسلسل أون لاين Abdlaziz Eisa08-24-10, 11:47 PM
          Re: طلعت القمرة - مسلسل أون لاين Bushra Elfadil08-26-10, 01:07 AM
            Re: طلعت القمرة - مسلسل أون لاين Bushra Elfadil08-27-10, 04:35 AM
              Re: طلعت القمرة - مسلسل أون لاين عصام دهب08-27-10, 03:20 PM
                Re: طلعت القمرة - مسلسل أون لاين Bushra Elfadil08-27-10, 04:20 PM
                  Re: طلعت القمرة - مسلسل أون لاين عصام دهب08-27-10, 04:33 PM
                Re: طلعت القمرة - مسلسل أون لاين Abdlaziz Eisa08-27-10, 05:47 PM
                  Re: طلعت القمرة - مسلسل أون لاين Bushra Elfadil08-27-10, 07:32 PM
                    Re: طلعت القمرة - مسلسل أون لاين Bushra Elfadil08-28-10, 09:20 PM
                      Re: طلعت القمرة - مسلسل أون لاين Bushra Elfadil08-29-10, 09:31 AM
                        Re: طلعت القمرة - مسلسل أون لاين Bushra Elfadil08-29-10, 07:50 PM
                          Re: طلعت القمرة - مسلسل أون لاين Bushra Elfadil08-29-10, 08:01 PM
                            Re: طلعت القمرة - مسلسل أون لاين Bushra Elfadil08-30-10, 01:57 PM
                              Re: طلعت القمرة - مسلسل أون لاين Bushra Elfadil08-31-10, 08:21 AM
                                Re: طلعت القمرة - مسلسل أون لاين Bushra Elfadil08-31-10, 10:23 AM
                                  Re: طلعت القمرة - مسلسل أون لاين Bushra Elfadil08-31-10, 08:01 PM
                                    Re: طلعت القمرة - مسلسل أون لاين Bushra Elfadil09-01-10, 11:19 AM
                                      Re: طلعت القمرة - مسلسل أون لاين Bushra Elfadil09-01-10, 11:26 AM
                                        Re: طلعت القمرة - مسلسل أون لاين Bushra Elfadil09-01-10, 02:46 PM
                                          Re: طلعت القمرة - مسلسل أون لاين Bushra Elfadil09-02-10, 01:33 AM
                                            Re: طلعت القمرة - مسلسل أون لاين Bushra Elfadil09-02-10, 01:48 AM
                                              Re: طلعت القمرة - مسلسل أون لاين Mohamed Abdelgaleel09-02-10, 12:50 PM
                                                Re: طلعت القمرة - مسلسل أون لاين Bushra Elfadil09-02-10, 02:22 PM
                                                  Re: طلعت القمرة - مسلسل أون لاين Bushra Elfadil09-03-10, 01:06 PM
                                                    Re: طلعت القمرة - مسلسل أون لاين Bushra Elfadil09-05-10, 02:45 PM


[رد على الموضوع] صفحة 1 „‰ 1:   <<  1  >>




احدث المقالات بسودانيزاونلاين اليوم
فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to bakriabubakr@cox.net

© 2014 SudaneseOnline.com

Software Version 1.3.0 © 2N-com.de