نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: ألف مبروك للفاشلين في امتحانات في بلادي السادية!! (Re: Mohamed Abdelgaleel)
|
الغنىُ .. إبن كرم الله
فى ظنى أن هذا هو مربط الفرس ! والذى يجب أن يكون هو همنا
الكبير.. وشُغلنا الشاغل... هذا البلد لا يحتاج إلى هذا الكم
الهائل من " الأفنديه "!... ولا لهذه المناهج الجوفاء التى لا
تُسمن ولا تُغنى من جوع !!.. مناهج بعيده وطرق تلقين عفا عليها
الزمن.. واصبحت مُخلفات نُظم قديمه باليه.. وهى أبعد ما تكون
عن إحتياجات هذا البلد... ومن الواضح جداً أنو العقليه التى
تتزعم هذه المسأله, ما زالت " مكانك سر " وإلى الخلف دور..
وياريت لو كانت واقفه فى نفس المحل الكانت فيو! .. ده نحن
رجعنا مليون سنه ضوئيه لى ورى !!
محتاجين لى مدارس تنسجم مع الواقع المعاش... وتتفاعل مع
الأوضاع الحاصله.. وتلبى الحاجات الحقيقيه للبلد..للمجتمع..
للناس. محتاجين لى مدارس تلتصق بأحوال الناس وتواكب تطلُعاتم
وآمالُم.. مدارس تخرج أجيال واعيه بى الحال وعارفه تعمل شنو..
أجيال مُستنيره وقادره على الخلق والإبداع والإبتكار... وعلى
التغيير والتطوير والنهوض بهذا البلد..
محتاجين لى إعادة تأهيل وإلى صياغه من جديد فى كل شى !!!
محتاجين نتواضع لى الله ونقعد فى الواطه دى ونشوف مواطن الخلل
وين.. والحاصل شنو!....يا سيدى نحن محتاجين لى مدارس تدربنا
كيف نحلحل مشاكلنا الحياتيه المستعصيه.. ماهو نحن كنا بندرس
إطناشر أو حداشر أو حتى قول عشره سنوات, وما زلنا بعد السنين
دى كلها ما بنعرف نربُط( صاموله ) أو نُصلح صنبور مياه! .. وما
علمونا حتى كيف تُفلح الأرض.. أو حتى كيف نصحح البيئه من حولنا
ونحافظ عليها!. مااتعلمنا كيف نكافح الناموس والذباب والأوبئه
التى فتكت بنا وبأهلنافأبادت من أبادت وأهلكت من أهلكت!!..وما
اتعلمنا كيف نشيّد طُرقنا.. ونعبّد شوارعنا ونحفر مجارينا ونحمى
بيوتنا ومناطقنا من المطر والطين والوحل! ما دربونا كيف نزرع
جنب النيمه نخله. وبدل( العوير ) برتقال وليمون ومنقه للأطفال.
كُلنا عايزين نكون دكاتره وكُلنا عايزين نكون مهندسين.. ومُدراء!
ورجال أعمال وتجار كُبار ورأسماليه!.. محتاجين لى مدارس تعلمنا
التواضع والبساطه وعلو الهمه..... محتاجين لى رجال ونساء مهره
يصنعون الحياه فى البوادى وفى الحواضر.. محتاجين لى ناس تنزع
جلابيب الجوخ والصلف والكبرياء الأجوف !... ومحتاجين بى شده لى
دكاتره ومهندسين وخبراء ومفكرين وعمال مهره وإداريين .. كلهم
فى خندق واحد.. وفى الصقيعه.. وتحت الشمش... عشان( إتشالبو )
البلد دى يطلعوها من المحنه الطالت وطولت وكادت أن تهلك أُمه!!
مامون
|
|
|
|
|
|
|
العنوان |
الكاتب |
Date |
ألف مبروك للفاشلين في امتحانات في بلادي السادية!! | عبدالغني كرم الله بشير | 06-22-06, 05:14 AM |
Re: ألف مبروك للفاشلين في امتحانات في بلادي السادية!! | Abu Eltayeb | 06-22-06, 06:41 AM |
Re: ألف مبروك للفاشلين في امتحانات في بلادي السادية!! | بارعة | 06-22-06, 04:09 PM |
Re: ألف مبروك للفاشلين في امتحانات في بلادي السادية!! | Abu Eltayeb | 06-22-06, 06:04 PM |
Re: ألف مبروك للفاشلين في امتحانات في بلادي السادية!! | عبدالغني كرم الله بشير | 06-26-06, 00:59 AM |
Re: ألف مبروك للفاشلين في امتحانات في بلادي السادية!! | عبدالغني كرم الله بشير | 06-25-06, 00:22 AM |
Re: ألف مبروك للفاشلين في امتحانات في بلادي السادية!! | Mohamed Abdelgaleel | 06-25-06, 07:12 AM |
Re: ألف مبروك للفاشلين في امتحانات في بلادي السادية!! | Abu Eltayeb | 06-25-06, 06:45 PM |
Re: ألف مبروك للفاشلين في امتحانات في بلادي السادية!! | عبدالغني كرم الله بشير | 06-26-06, 02:05 AM |
Re: ألف مبروك للفاشلين في امتحانات في بلادي السادية!! | Mohamed Abdelgaleel | 06-26-06, 08:11 AM |
Re: ألف مبروك للفاشلين في امتحانات في بلادي السادية!! | Abu Eltayeb | 06-27-06, 06:15 AM |
Re: ألف مبروك للفاشلين في امتحانات في بلادي السادية!! | عبدالغني كرم الله بشير | 06-28-06, 01:46 AM |
Re: ألف مبروك للفاشلين في امتحانات في بلادي السادية!! | Mohamed Abdelgaleel | 06-29-06, 03:44 AM |
Re: ألف مبروك للفاشلين في امتحانات في بلادي السادية!! | Hozy | 06-29-06, 01:58 AM |
Re: ألف مبروك للفاشلين في امتحانات في بلادي السادية!! | مطر قادم | 07-01-06, 09:43 AM |
Re: ألف مبروك للفاشلين في امتحانات في بلادي السادية!! | ابوحراز | 07-02-06, 01:21 AM |
Re: ألف مبروك للفاشلين في امتحانات في بلادي السادية!! | Abu Eltayeb | 07-02-06, 04:40 PM |
Re: ألف مبروك للفاشلين في امتحانات في بلادي السادية!! | عبدالغني كرم الله بشير | 07-06-06, 01:19 AM |
|
|
|